ଜମ୍ମୁ-କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ‘ବନ୍ଦେ ମାତରମ୍’ ବିବାଦ ଭିତରେ ସହଯୋଗୀ ଦଳ କଂଗ୍ରେସକୁ କଡ଼ା ଜବାବ ଦେଇଛନ୍ତି। ସରକାରୀ କାର୍ଯ୍ୟକ୍ରମରେ ରାଷ୍ଟ୍ରୀୟ ଗୀତର ସମସ୍ତ ପଦ ଗାଇବା ଏକ
ଜମ୍ମୁ-କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ‘ବନ୍ଦେ ମାତରମ୍’ ବିବାଦ ଭିତରେ ସହଯୋଗୀ ଦଳ କଂଗ୍ରେସକୁ କଡ଼ା ଜବାବ ଦେଇଛନ୍ତି। ସରକାରୀ କାର୍ଯ୍ୟକ୍ରମରେ ରାଷ୍ଟ୍ରୀୟ ଗୀତର ସମସ୍ତ ପଦ ଗାଇବା ଏକ ଆଇନଗତ ଆବଶ୍ୟକତା ଓ ଏହାକୁ ଏଡାଇ ଦିଆଯାଇପାରିବ ନାହିଁ। ଜମ୍ମୁ-କାଶ୍ମୀରର ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ଉଦଘାଟନୀ ଉତ୍ସବରେ ‘ବନ୍ଦେ ମାତରମ’ର ସମ୍ପୂର୍ଣ୍ଣ ଗାନକୁ ନେଇ କଂଗ୍ରେସ ନ୍ୟାସନାଲ କନଫରେନ୍ସ (ଏନ୍ସି)କୁ ସମାଲୋଚନା କରିବାର କିଛି ଦିନ ପରେ ଓମାର ଜବାବ ରଖିଛନ୍ତି।
ଓମାର କହିଛନ୍ତି, କଂଗ୍ରେସ ଏହାକୁ ସଂସଦରେ ବନ୍ଦ କରିବା ଉଚିତ ଥିଲା।
କିନ୍ତୁ ଏହାକୁ ନେଇ ଆଇନ ପ୍ରଣୟନ କରାଯାଇଛି। ଏବେ ଏକ କାର୍ଯ୍ୟକ୍ରମରେ ଯେଉଁଠାରେ ଦୁଇଜଣ ରାଜ୍ୟପାଳ, ଜଣେ ଲେଫ୍ଟନାଣ୍ଟ ଗଭର୍ଣ୍ଣର ଓ ହାଇକୋର୍ଟର କାର୍ଯ୍ୟକାରୀ ମୁଖ୍ୟ ବିଚାରପତି ଉପସ୍ଥିତ ଅଛନ୍ତି, ସେଠାରେ ରାଷ୍ଟ୍ରୀୟ ଗୀତ ନିଶ୍ଚିତ ଭାବରେ ବାଜିବ ବୋଲି ଅବଦୁଲ୍ଲା ଗୁରୁବାର ସାମ୍ବାଦିକମାନଙ୍କୁ କହିଥିଲେ। ଗତ ଜୁଲାଇ ମାସରେ ‘ବନ୍ଦେ ମାତରମ୍’କୁ ରାଷ୍ଟ୍ରୀୟ ଗୀତର ମାନ୍ୟତା ପ୍ରଦାନ କରାଯାଇଥିଲା।
ମୁଖ୍ୟମନ୍ତ୍ରୀ କହିଛନ୍ତି ଯେ, ଆଇନଗତ ଭାବରେ, ଯେଉଁଠାରେ ରାଷ୍ଟ୍ରୀୟ ଗୀତ ବାଜିବ, ସେଠାରେ ‘ବନ୍ଦେ ମାତରମ୍’ର ସମସ୍ତ ପଦଗୁଡ଼ିକୁ ବାଧ୍ୟତାମୂଳକ କରାଯାଇଛି। ତେବେ କଂଗ୍ରେସ କ’ଣ ଚାହୁଁଛି? ଏହି କାରଣରୁ କାଶ୍ମୀରୀମାନେ ଜେଲରେ ଯିବେ କି? ଏହା ଏକ ବୈଧାନିକ ବାଧ୍ୟବାଧକତା ବୋଲି ସେ କହିଥିଲେ। ଏହା କେବଳ ଜମ୍ମୁ – କାଶ୍ମୀର ପାଇଁ ନୁହେଁ; ଏହା ସମଗ୍ର ଦେଶ ପାଇଁ ପ୍ରଯୁଜ୍ୟ। କଂଗ୍ରେସ ଦ୍ୱାରା ଶାସିତ ରାଜ୍ୟଗୁଡ଼ିକରେ, ସରକାରୀ କାର୍ଯ୍ୟକ୍ରମରେ ମଧ୍ୟ ସମାନ ଘଟଣା ଘଟିବ।
