ଭାରତରେ ସାଟେଲାଇଟ୍ ଇଣ୍ଟରନେଟ୍ ସେବା ‘ଷ୍ଟାରଲିଙ୍କ୍’ ପାଇଁ ବାଣିଜ୍ୟିକ ଲାଇସେନ୍ସ ପାଇବାରେ ବିଳମ୍ବକୁ ନେଇ ଟେସଲା ଏବଂ ସ୍ପେସଏକ୍ସର ସିଇଓ ଏଲନ ମସ୍କ ଭାରତର ପ୍ରମୁଖ ଶିଳ୍ପପତି ମୁକେଶ ଅମ୍ବାନୀ
ଭାରତରେ ସାଟେଲାଇଟ୍ ଇଣ୍ଟରନେଟ୍ ସେବା ‘ଷ୍ଟାରଲିଙ୍କ୍’ ପାଇଁ ବାଣିଜ୍ୟିକ ଲାଇସେନ୍ସ ପାଇବାରେ ବିଳମ୍ବକୁ ନେଇ ଟେସଲା ଏବଂ ସ୍ପେସଏକ୍ସର ସିଇଓ ଏଲନ ମସ୍କ ଭାରତର ପ୍ରମୁଖ ଶିଳ୍ପପତି ମୁକେଶ ଅମ୍ବାନୀ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ ବିରୋଧରେ ଏକ ମୋର୍ଚ୍ଚା ଖୋଲିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟ ସେୟାର କରି ମସ୍କ ସିଧାସଳଖ ରିଲାଏନ୍ସ ଅଧ୍ୟକ୍ଷ ମୁକେଶ ଅମ୍ବାନୀଙ୍କୁ ଟାର୍ଗେଟ କରିଛନ୍ତି।
ଏଲନ ମସ୍କ ଭାରତରେ ରିଲାଏନସର ପ୍ରଭାବ ଏବଂ ଷ୍ଟାରଲିଙ୍କ୍ ପ୍ରବେଶରେ ବାଧା ସୃଷ୍ଟି କରିବା ଉପରେ ଗମ୍ଭୀର ପ୍ରଶ୍ନ ଉଠାଇଛନ୍ତି। ଏବେ ମସ୍କ ବିଜେପି ଏବଂ ଶିବସେନାକୁ ମଧ୍ୟ ଏହି ବିବାଦରେ ଟାଣିଛନ୍ତି। ସେ କେତେକ ଗଣମାଧ୍ୟମରେ ପ୍ରକାଶିତ ଖବର ରିପୋର୍ଟର ସ୍କ୍ରିନସଟ୍ ସେୟାର କରିଛନ୍ତି। ରିପୋର୍ଟରେ ଦାବି କରାଯାଇଛି ଯେ, ରିଲାଏନ୍ସ ସହିତ ଜଡିତ କମ୍ପାନି କ୍ୱିକ୍ ସପ୍ଲାଏ ବିଜେପିକୁ ୩୮୫ କୋଟି ଟଙ୍କା ଏବଂ ଶିବସେନାକୁ ୨୫ କୋଟି ଟଙ୍କା ଦେଇଛି।
ଦାବି କରାଯାଇଛି, ନିର୍ବାଚନୀ ବଣ୍ଡ ମାଧ୍ୟମରେ ରାଜନୈତିକ ଦଳଗୁଡ଼ିକୁ ଦାନ କରୁଥିବା ତୃତୀୟ ସର୍ବବୃହତ କମ୍ପାନି କ୍ୱିକ୍ ସପ୍ଲାଏ, ୨୦୨୧-୨୨ ଏବଂ ୨୦୨୩-୨୪ ମଧ୍ୟରେ ୪୧୦ କୋଟି ଟଙ୍କାର ବଣ୍ଡ କିଣିଛି ଏବଂ ୨୫ କୋଟି ଟଙ୍କା ଛାଡ଼ି ସମ୍ପୂର୍ଣ୍ଣ ଦାନ ବିଜେପିକୁ ଦେଇଛି। ଅଲ ଜଜିରାର ରିପୋର୍ଟରେ ରିଲାଏନ୍ସ-ନିଧିକୃତ ଏକ କମ୍ପାନି ଫେସବୁକରେ ବିଜେପିର ପ୍ରଚାରକୁ କିପରି ପ୍ରୋତ୍ସାହିତ କରିଥିଲା ତାହା ବିସ୍ତୃତ ଭାବରେ ବର୍ଣ୍ଣନା କରାଯାଇଛି। ଆଇନଗତ ତ୍ରୁଟି ଏବଂ ନିୟମାବଳୀର ଚୟନମୂଳକ ପ୍ରୟୋଗ ଏକ ରିଲାଏନ୍ସ କମ୍ପାନି ନିର୍ବାଚନ ସମୟରେ ବିଜେପି ପ୍ରଚାର ପାଇଁ ଯଥେଷ୍ଟ ପରିମାଣର ଟଙ୍କା ଖର୍ଚ୍ଚ କରିଥିଲା
।ଏଲନ ମସ୍କ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଶିବସେନାକୁ ୨୫ କୋଟି ଦାନ କରିଥିବା ଅଭିଯୋଗ ରାଜ୍ୟର ରାଜନୈତିକ ଦୃଶ୍ୟପଟକୁ ଉଷ୍ମ କରିବାର ଆଶଙ୍କା ରହିଛି। ଏନେଇ ଶାସକ ବିରୋଧୀଙ୍କ ମଧ୍ୟରେ ବିବାଦ ସୃଷ୍ଟି ହୋଇପାରେ। ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା (ୟୁବିଟି) ଏବଂ ଅନ୍ୟାନ୍ୟ ବିରୋଧୀ ଦଳଗୁଡ଼ିକ ଏହି ପ୍ରସଙ୍ଗରେ ଏକନାଥେ ସିନ୍ଦେ ଏବଂ ମହାୟୁତି ସରକାରଙ୍କୁ ଘେରିବାର ଆଶଙ୍କା ମଧ୍ୟ ରହିଛି।
ମସ୍କ ତାଙ୍କ ପୋଷ୍ଟରେ ଲେଖିଛନ୍ତି ଯେ, ଷ୍ଟାରଲିଙ୍କକୁ ବିଶ୍ୱର ୧୬୫ରୁ ଅଧିକ ଦେଶରେ କାର୍ଯ୍ୟ କରିବା ପାଇଁ ଅନୁମତି ମିଳିଛି। କମ୍ପାନି ଗତ ପାଞ୍ଚ ବର୍ଷ ଧରି ଭାରତ ସରକାରଙ୍କ ପ୍ରତ୍ୟେକ ନିୟମକୁ ସମ୍ପୂର୍ଣ୍ଣ ଭାବରେ ପାଳନ କରିଛି। ଏହା ସତ୍ତ୍ୱେ ଷ୍ଟାରଲିଙ୍କକୁ ଏପର୍ଯ୍ୟନ୍ତ କାହିଁକି ଲାଇସେନ୍ସ ଦିଆଯାଇ ନାହିଁ ବୋଲି ସେ ପ୍ରଶ୍ନ କରି ପଚାରିଛନ୍ତି ଅମ୍ବାନୀ କ’ଣ ଭାରତର ପ୍ରକୃତ ମାଲିକ।
ମସ୍କ ମୁକେଶ ଅମ୍ବାନୀଙ୍କୁ କଟାକ୍ଷ କରି ଲେଖିଛନ୍ତି, ସମ୍ମାନୀୟ ପ୍ରଧାନମନ୍ତ୍ରୀ ଅମ୍ବାନୀ, ଆପଣ ଭାରତର ପ୍ରକୃତ ମାଲିକ ବୋଲି ମୁଁ ଜାଣି ନଥିଲି। ଦୟାକରି ମୋର ବିନମ୍ର କ୍ଷମା ପ୍ରାର୍ଥନା ଗ୍ରହଣ କରନ୍ତୁ। ସ୍ପଷ୍ଟ ଭାବରେ, ଆପଣ ଭାରତର ଲୋକଙ୍କ ଉପରେ ଆପଣଙ୍କର ଏକଚାଟିଆ ଶୋଷଣ ଜାରି ରଖିବାକୁ ଚାହାନ୍ତି, କିନ୍ତୁ ଆପଣ କ’ଣ ଷ୍ଟାରଲିଙ୍କକୁ ପ୍ରତିଯୋଗିତା କରିବାକୁ ଅନୁମତି ଦେବା ବିଷୟରେ ବିଚାର କରିବେ କି?
ସମସ୍ତ ଦେଶ ପରି ଭାରତରେ ମଧ୍ୟ ଅନେକ ଅଞ୍ଚଳ ଅଛି ଯେଉଁଠାରେ ଇଣ୍ଟରନେଟ୍ ସୁବିଧାର ଅଭାବ ରହିଛି। ଏହା ପିଲାମାନଙ୍କୁ ଶିକ୍ଷା ଏବଂ ଛୋଟ ବ୍ୟବସାୟଗୁଡ଼ିକୁ ବିଶ୍ୱ ବଜାରରେ ସେମାନଙ୍କର ସାମଗ୍ରୀ ବିକ୍ରୟ କରିବାର ସୁଯୋଗରୁ ବଞ୍ଚିତ କରୁଛି। ଷ୍ଟାରଲିଙ୍କ ସେମାନଙ୍କ ଜୀବନକୁ ଉନ୍ନତ କରିପାରିବ।
