ମୁଖ୍ୟମନ୍ତ୍ରୀ କ’ଣ କରିବେ ତାହା ମଧ୍ୟ କୋର୍ଟ ନିଷ୍ପତ୍ତି ନେବେ କି ? : ଡିଏମକେକୁ ଭର୍ତ୍ସନା କଲେ ସୁପ୍ରିମକୋର୍ଟ

କରୁର ଦଳାଚକଟା ମାମଲାର ଶୁଣାଣି ସୁପ୍ରିମକୋର୍ଟରେ ଚାଲିଛି। କୋର୍ଟ ଆବେଦନକାରୀ ଦ୍ରାବିଡ଼ ମୁନେତ୍ର କାଝଗମ(ଡିଏମକେ) ଭର୍ତ୍ସନା କରି କହିଛନ୍ତି, ଆପଣ କ’ଣ ଚାହୁଁଛନ୍ତି

କରୁର ଦଳାଚକଟା ମାମଲାର ଶୁଣାଣି ସୁପ୍ରିମକୋର୍ଟରେ ଚାଲିଛି। କୋର୍ଟ ଆବେଦନକାରୀ ଦ୍ରାବିଡ଼ ମୁନେତ୍ର କାଝଗମ(ଡିଏମକେ) ଭର୍ତ୍ସନା କରି କହିଛନ୍ତି, ଆପଣ କ’ଣ ଚାହୁଁଛନ୍ତି ଯେ, ସୁପ୍ରିମକୋର୍ଟ ମୁଖ୍ୟମନ୍ତ୍ରୀ କ’ଣ କରିବା ଉଚିତ୍ ସେ ନେଇ ନିର୍ଦ୍ଦେଶ ଦେବେ? ଡିଏମକେ ସୁପ୍ରିମକୋର୍ଟରେ ଏକ ଆବେଦନ ଦାଖଲ କରି ମୁଖ୍ୟମନ୍ତ୍ରୀ ବିଜୟ ଏବଂ ମନ୍ତ୍ରୀମାନଙ୍କ ବୟାନବାଜି ବନ୍ଦ କରିବାକୁ ଦାବି କରିଥିଲା ।

ନିଜକୁ ଏକ ପକ୍ଷ କରିବାକୁ ମଧ୍ୟ ଡିଏମକେ ଦାବି କରିଥିଲା। ସୁପ୍ରିମକୋର୍ଟ କହିଛନ୍ତି ଯେ, ଡିଏମକେ ନ୍ୟାୟିକ ମଞ୍ଚକୁ ରାଜନୀତି ପାଇଁ ବ୍ୟବହାର କରିବାକୁ ଚେଷ୍ଟା କରୁଛି। ଆପଣ ମୁଖ୍ୟମନ୍ତ୍ରୀଙ୍କ ଭାଷଣ ଏବଂ ଗସ୍ତକୁ ନିୟନ୍ତ୍ରଣ କରିବାକୁ କହୁଛନ୍ତି। ମୁଖ୍ୟମନ୍ତ୍ରୀ ବିଜୟ ଏହି ମାମଲାରେ ଅଭିଯୁକ୍ତ ନୁହଁନ୍ତି। ଆପଣ ନିଜେ ବକ୍ତବ୍ୟ ଦେଉଥିବା ବେଳେ କିପରି ଅନ୍ୟର ବାକ୍ ସ୍ୱାଧୀନତାକୁ ଦମନ କରିବାକୁ ଚାହୁଁଛନ୍ତି? 

ସୁପ୍ରିମକୋର୍ଟ କହିଛନ୍ତି, ଦଳାଚକଟା ପୀଡିତଙ୍କୁ ଭେଟିବା ସାକ୍ଷୀମାନଙ୍କୁ ପ୍ରଭାବିତ କରିବା ଭାବରେ କିପରି ବିବେଚନା କରାଯାଇପାରିବ। ଭର୍ତ୍ସନା କରି ସୁପ୍ରିମକୋର୍ଟ ଡିଏମକେକୁ ବିଜୟ ସରକାରଙ୍କ ମନ୍ତ୍ରୀମାନେ କରୁର ଦଳାଚକଟା ମାମଲାରେ ସାକ୍ଷୀମାନଙ୍କୁ ପ୍ରଭାବିତ କରୁଥିବା ଅଭିଯୋଗ ଆଧାରରେ ହୋଇଥିବା ଆବେଦନ ପ୍ରତ୍ୟାହାର କରିବାକୁ କହିଛନ୍ତି। ଯଦି ଏପରି ନ କରାଯାଏ ତେବେ ଆବେଦନକୁ ଖାରଜ କରିବାକୁ ଶୀର୍ଷ କୋର୍ଟ ଚେତାବନୀ ଦେଇଥିଲେ। ଏହା ପରେ ଡିଏମକେ ଆବେଦନ ପ୍ରତ୍ୟାହାର କରି ନେଇଛି।
ଡିଏମକେର ଆରଏସ ଭାରତୀ କରୁର ଦଳାଚକଟା ମାମଲାରେ ଦଳକୁ ଏକ ପକ୍ଷ କରିବାକୁ ଆବେଦନ କରିଥିଲେ। ଆବେଦନରେ ସେ ଉଲ୍ଲେଖ କରିଥିଲେ ଯେ, ତାମିଲନାଡୁ

ମୁଖ୍ୟମନ୍ତ୍ରୀ ବିଜୟ ଏବଂ ଅନ୍ୟ ମନ୍ତ୍ରୀମାନଙ୍କ ଉପରେ ଚାଲିଥିବା ସିବିଆଇ ତଦନ୍ତ ନେଇ ସାର୍ବଜନୀନ ବିବୃତି ନିଷେଧ କରାଯିବା ଉଚିତ୍ ଏବଂ ସିବିଆଇ ତଦନ୍ତ ସମ୍ପୂର୍ଣ୍ଣ ନହେବା ପର୍ଯ୍ୟନ୍ତ ଏହି ପ୍ରସଙ୍ଗରେ କୌଣସି ସାର୍ବଜନୀନ ମନ୍ତବ୍ୟ ଦେବାରୁ ନିବୃତ୍ତ ରହିବା ଉଚିତ। ଆବେଦନରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ ମୁଖ୍ୟମନ୍ତ୍ରୀ ବିଜୟଙ୍କ ଦ୍ୱାରା ଜୁଲାଇ ୧୦ତାରିଖରେ ମୃତକ ଏବଂ ଆହତଙ୍କ ପରିବାରକୁ ସରକାରୀ ସହାୟତା ଏବଂ ଅନ୍ୟାନ୍ୟ ସୁବିଧା ପ୍ରଦାନ କରିବାର ଏକ କାର୍ଯ୍ୟକ୍ରମ ସ୍ଥିର କରାଯାଇଛି।

 ପୀଡିତଙ୍କୁ ସରକାରୀ ସହାୟତା ପ୍ରଦାନ କରିବାରେ ଆମର କୌଣସି ଆପତ୍ତି ନାହିଁ, କିନ୍ତୁ ଏହି ପରିବାରଗୁଡ଼ିକ ସିବିଆଇ ତଦନ୍ତରେ ପ୍ରମୁଖ ସାକ୍ଷୀ ମଧ୍ୟ। ଏପରି ଅଭିଯୁକ୍ତ କିମ୍ବା ରାଜନୈତିକ କାର୍ଯ୍ୟନିର୍ବାହୀଙ୍କ ସହ ସିଧାସଳଖ ସମ୍ପର୍କ ତଦନ୍ତକୁ ପ୍ରଭାବିତ କରିପାରେ। ଅକ୍ଟୋବର ୨୦୨୫ରେ ମାମଲା କୋର୍ଟରେ ବିଚାରାଧୀନ ଥିବା ସମୟରେ ବିଜୟ ପୀଡିତଙ୍କୁ ୨୦ ଲକ୍ଷ ଲେଖାଏଁ ଆର୍ଥିକ ସହାୟତା ପ୍ରଦାନ କରିଥିଲେ।

ତେଣୁ, ସୁପ୍ରିମକୋର୍ଟଙ୍କ ନିର୍ଦ୍ଧାରିତ ପଦକ୍ଷେପ ଅନୁସରଣ କରି ଏବଂ ସିବିଆଇକୁ ଜଣାଇବା ପରେ ହିଁ ଏହି ସହାୟତା ପ୍ରଦାନ କରାଯିବା ଉଚିତ୍। ସୂଚନାଯୋଗ୍ୟ, ୨୭ ସେପ୍ଟେମ୍ବର, ୨୦୨୫ରେ, ଟିଭିକେର ସିଏମ୍ ବିଜୟଙ୍କ ଏକ ସାର୍ବଜନୀନ ରାଲି ସମୟରେ, କରୁରରେ ଦଳାଚକଟା ହୋଇଥିଲା, ଯେଉଁଥିରେ ୪୧ ଜଣଙ୍କର ମୃତ୍ୟୁ ଘଟିଥିଲା ଏବଂ ୧୪୨ ଜଣ ଆହତ ହୋଇଥିଲେ। ୧୩ ଅକ୍ଟୋବର, ୨୦୨୫ରେ, ସୁପ୍ରିମକୋର୍ଟ ତଦନ୍ତ ଦାୟିତ୍ୱ ସିବିଆଇକୁ ହସ୍ତାନ୍ତର କରିଥିଲେ।