ଗିନିର ରାଜଧାନୀ କୋନାକ୍ରିରେ ଏକ ବଡ଼ ଦୁର୍ଘଟଣା ଘଟିଛି। ଳଗାତାର ଜାରି ରହିଥିବା ପ୍ରବଳ ବର୍ଷା ଯୋଗୁଁ ଏକ ଅଳିଆ ପାହାଡ଼ ଧସି ପଡ଼ିବାରୁ ୩୦ ଜଣଙ୍କର ମୃତ୍ୟୁ ଘଟିଛି।
ଗିନିର ରାଜଧାନୀ କୋନାକ୍ରିରେ ଏକ ବଡ଼ ଦୁର୍ଘଟଣା ଘଟିଛି। ଳଗାତାର ଜାରି ରହିଥିବା ପ୍ରବଳ ବର୍ଷା ଯୋଗୁଁ ଏକ ଅଳିଆ ପାହାଡ଼ ଧସି ପଡ଼ିବାରୁ ୩୦ ଜଣଙ୍କର ମୃତ୍ୟୁ ଘଟିଛି। ଏହି ଘଟଣା କୋନାକ୍ରିର ସବୁଠାରୁ ବଡ଼ ଲ୍ୟାଣ୍ଡଫିଲ୍ ଦାର୍ ଏସ୍ ସଲାମରେ ଘଟିଛି। ରିପୋର୍ଟ ଅନୁସାରେ ଅନେକ ଲୋକ ଏବେ ବି ପୋତି ହୋଇ ରହିଛନ୍ତି। ସେମାନଙ୍କୁ ବାହାର କରିବା ପାଇଁ ସରକାର ଉଦ୍ଧାର କାର୍ଯ୍ୟ ଚଳାଇଛନ୍ତି। ରିପୋର୍ଟ ଅନୁସାରେ, ରବିବାର ଭୋର ପ୍ରାୟ ୩ ଟାରୁ କୋନାକ୍ରିରେ ବାଦଲ ଫଟା ବର୍ଷା ଯୋଗୁଁ ଅଳିଆ ଗଦା ଭାସିବା ଆରମ୍ଭ କରିଥିଲା। ତା’ପରେ ଭୂସ୍ଖଳନ ଘଟି ନିକଟସ୍ଥ କୁଡ଼ିଆଗୁଡ଼ିକ ଉପରେ ପଡ଼ିଥିଲା।
ଘଟଣା ସମ୍ପର୍କରେ ସୂଚନା ପାଇ ଉଦ୍ଧାରକାରୀ ଦଳ ଲ୍ୟାଣ୍ଡଫିଲ୍ରେ ପହଞ୍ଚି ଅଳିଆ ତଳେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ଏବଂ ଅନେକ ଲୋକଙ୍କୁ ସୁରକ୍ଷିତ ଭାବରେ ଉଦ୍ଧାର କରିଥିଲେ। ଗଣମାଧ୍ୟମ ସହିତ କଥାବାର୍ତ୍ତା ସମୟରେ, ସାମରିକ ଇଞ୍ଜିନିୟରିଂ ବାଟାଲିଅନର ପରିମଳ ଅଧିକାରୀ ଲେଫ୍ଟନାଣ୍ଟ କର୍ଣ୍ଣେଲ ବାଲଡେ ମାମାଡୋ ବାଇଲୋ କହିଛନ୍ତି ଯେ ରବିବାର ଦିନ ସ୍ଥାନକୁ ଖାଲି କରିବାର କାର୍ଯ୍ୟକ୍ରମ ଥିଲା। ବାଇଲୋଙ୍କ ଅନୁଯାୟୀ, ଅଞ୍ଚଳ ଖାଲି କରିବା ପାଇଁ ବାସିନ୍ଦାମାନଙ୍କୁ ପୂର୍ବରୁ ନୋଟିସ୍ ଜାରି କରାଯାଇଥିଲା, ଏବଂ ସରକାରୀ ନୋଟିସ୍ ପାଇବା ପରେ ଅନେକ ଲୋକ ସ୍ଥାନାନ୍ତରିତ ହୋଇସାରିଛନ୍ତି।
