ଭାରତୀୟ ନିବେଶକଙ୍କ ବଦଳୁଛି ଧନ ବୃଦ୍ଧିର ରଣନୀତି । ପୂର୍ବରୁ ଶେୟାର, ଫିକ୍ସଡ୍ ଡିପୋଜିଟ୍, ସୁନା ଓ ରିଅଲ୍ ଇଷ୍ଟେଟ୍କୁ ନେଇ ନିବେଶକମାନେ ନିଜ ପୋର୍ଟଫୋଲିଓ ଗଢ଼ୁଥିଲେ । ଏବେ କିନ୍ତୁ ନିବେଶର ଦୁନିଆରେ ଆସୁଛି ବଡ଼ ପରିବର୍ତ୍ତନ ।
ଭାରତୀୟ ନିବେଶକଙ୍କ ବଦଳୁଛି ଧନ ବୃଦ୍ଧିର ରଣନୀତି । ପୂର୍ବରୁ ଶେୟାର, ଫିକ୍ସଡ୍ ଡିପୋଜିଟ୍, ସୁନା ଓ ରିଅଲ୍ ଇଷ୍ଟେଟ୍କୁ ନେଇ ନିବେଶକମାନେ ନିଜ ପୋର୍ଟଫୋଲିଓ ଗଢ଼ୁଥିଲେ । ଏବେ କିନ୍ତୁ ନିବେଶର ଦୁନିଆରେ ଆସୁଛି ବଡ଼ ପରିବର୍ତ୍ତନ । ବିଶେଷକରି ଧନୀ ଓ ଉଚ୍ଚ ନେଟ୍ୱର୍ଥ ନିବେଶକମାନେ ପାରମ୍ପରିକ ନିବେଶ ସହିତ ଅଲ୍ଟରନେଟିଭ୍ ଆସେଟ୍ ଆଡ଼କୁ ମଧ୍ୟ ମୁହାଁଉଛନ୍ତି । ପୋର୍ଟଫୋଲିଓକୁ ଅଧିକ ବିବିଧ କରିବା ପାଇଁ ଏବେ କ୍ରିପ୍ଟୋ, ଅଲ୍ଟରନେଟିଭ୍ ଇନଭେଷ୍ଟମେଣ୍ଟ ଫଣ୍ଡ ବା AIF, ପ୍ରାଇଭେଟ୍ କ୍ରେଡିଟ୍ ଓ ଅନ୍ୟାନ୍ୟ ପ୍ରାଇଭେଟ୍ ମାର୍କେଟ୍ ଆସେଟ୍ ପ୍ରତି ଆଗ୍ରହ ବଢ଼ୁଛି । ବିଶେଷଜ୍ଞମାନଙ୍କ ମତରେ, ଏହା କେବଳ ଅଧିକ ରିଟର୍ଣ୍ଣ ପାଇବାର ଚେଷ୍ଟା ନୁହେଁ; ବରଂ ବିଭିନ୍ନ ଆସେଟ୍ରେ ଟଙ୍କା ବାଣ୍ଟି ରିସ୍କ୍କୁ ସନ୍ତୁଳିତ କରିବା ମଧ୍ୟ ଏହାର ଏକ ବଡ଼ କାରଣ ।
ତେବେ ଅଲ୍ଟରନେଟିଭ୍ ନିବେଶ ସବୁ ନିବେଶକଙ୍କ ପାଇଁ ସମାନ ଭାବେ ଉପଯୁକ୍ତ ନୁହେଁ । କ୍ରିପ୍ଟୋ ଭଳି ଆସେଟ୍ରେ ଅଧିକ ମୂଲ୍ୟ ଅସ୍ଥିରତା ରହିପାରେ । ସେହିପରି AIF ଓ ପ୍ରାଇଭେଟ୍ କ୍ରେଡିଟ୍ରେ ନିବେଶ କରିବା ପୂର୍ବରୁ ଲିକ୍ୱିଡିଟି, ରିସ୍କ୍, ଲକ୍-ଇନ୍ ଓ ନିୟାମକୀୟ ବ୍ୟବସ୍ଥା ବିଷୟରେ ଭଲ ଭାବେ ବୁଝିବା ଜରୁରୀ । ଅର୍ଥାତ୍, ଭାରତୀୟ ନିବେଶକଙ୍କ ଧନ ବୃଦ୍ଧିର ଫର୍ମୁଲା ଏବେ ଧୀରେ ଧୀରେ ବଦଳୁଛି । କେବଳ ଗୋଟିଏ କିମ୍ବା ଦୁଇଟି ଆସେଟ୍ ଉପରେ ନିର୍ଭର ନକରି, ବିଭିନ୍ନ ଶ୍ରେଣୀର ଆସେଟ୍କୁ ନେଇ ଏକ ବିବିଧ ପୋର୍ଟଫୋଲିଓ ଗଢ଼ିବା ଦିଗରେ ଆଗ୍ରହ ବଢ଼ୁଛି ।
