ପରମାଣୁ ଶକ୍ତିରେ ଭାରତର ବଡ଼ ପ୍ରସ୍ତୁତି , ରହିଛି ୧୯୦ ଆଉ ୩୫ ପାଇଁ ପ୍ରସ୍ତୁତି

ଭାରତ ପାଖରେ ବର୍ତ୍ତମାନ ୧୯୦ଟି ପରମାଣୁ ଯୁଦ୍ଧାସ୍ତ୍ର ଅଛି । ଏଥିମଧ୍ୟରୁ ୧୬୦ରୁ ଅଧିକ ଅସ୍ତ୍ର ପୂର୍ବରୁ ଥିବା କ୍ଷେପଣାସ୍ତ୍ର ପାଇଁ ଉଦ୍ଦିଷ୍ଟ ଏବଂ ବାକି ନୂତନ କ୍ଷେପଣାସ୍ତ୍ର ପାଇଁ ପ୍ରସ୍ତୁତ ହେଉଛି ।

ଆମେରିକୀୟ ଥିଙ୍କ୍ ଟ୍ୟାଙ୍କ୍ ‘ଫେଡେରେସନ ଅଫ୍ ଆମେରିକୀୟ ସାଇଣ୍ଟିଷ୍ଟ’ (FAS) ର ନୂତନ ରିପୋର୍ଟ ଅନୁଯାୟୀ, ଗତବର୍ଷ ‘ଅପରେସନ ସିନ୍ଦୂର’ ପରେ ପାକିସ୍ତାନ ସହ ଉତ୍ତେଜନାକୁ ଦୃଷ୍ଟିରେ ରଖି ଭାରତ ନିଜର ପରମାଣୁ ଶକ୍ତିକୁ ଆହୁରି ମଜବୁତ ଓ ଆଧୁନିକୀକରଣ କରୁଛି । ଭାରତ ପାଖରେ ବର୍ତ୍ତମାନ ୧୯୦ଟି ପରମାଣୁ ଯୁଦ୍ଧାସ୍ତ୍ର ଅଛି । ଏଥିମଧ୍ୟରୁ ୧୬୦ରୁ ଅଧିକ ଅସ୍ତ୍ର ପୂର୍ବରୁ ଥିବା କ୍ଷେପଣାସ୍ତ୍ର ପାଇଁ ଉଦ୍ଦିଷ୍ଟ ଏବଂ ବାକି ନୂତନ କ୍ଷେପଣାସ୍ତ୍ର ପାଇଁ ପ୍ରସ୍ତୁତ ହେଉଛି । ସମୁଦ୍ରରେ ପରମାଣୁ ଆକ୍ରମଣର ମୁକାବିଲା ପାଇଁ ଭାରତ ନିଜର ପରମାଣୁ ସୁରକ୍ଷା କବଚ ନିର୍ମାଣ କରୁଛି ଏବଂ ଏହି କ୍ରମରେ ଏପ୍ରିଲ ୨୦୧୬ରେ ତୃତୀୟ ସ୍ୱଦେଶୀ ପରମାଣୁ ବାଲିଷ୍ଟିକ୍ କ୍ଷେପଣାସ୍ତ୍ର ବୁଡ଼ାଜାହାଜ ଆଇଏନ୍‌ଏସ୍‌ ଅରିଦମନକୁ କାର୍ଯ୍ୟକ୍ଷମ କରାଯାଇଛି ।

୨୦୨୬ ଆରମ୍ଭ ସୁଦ୍ଧା ଭାରତ ପାଖରେ ପ୍ରାୟ ୭୩୦ କିଲୋଗ୍ରାମ ଅସ୍ତ୍ର-ଗ୍ରେଡ୍ ପ୍ଲୁଟୋନିୟମ୍ ରହିବ, ଯାହାଦ୍ୱାରା ଆଉ ୩୫ଟି ନୂଆ ବୋମା ପ୍ରସ୍ତୁତ କରାଯାଇ ମୋଟ ସଂଖ୍ୟା ୨୨୫କୁ ବୃଦ୍ଧି କରାଯାଇପାରିବ । ଏହି ରିପୋର୍ଟରେ ଭାରତର ଅଗ୍ନି-୫ କ୍ଷେପଣାସ୍ତ୍ରର ଉନ୍ନତିକରଣ ଏବଂ ନୂତନ ପରମାଣୁ-ସମର୍ଥ ଅସ୍ତ୍ରଶସ୍ତ୍ରର ବିକାଶ ବିଷୟରେ ମଧ୍ୟ ଉଲ୍ଲେଖ ରହିଛି ।