ଅଗଷ୍ଟ ୨୨ ତାରିଖରେ ସିଂହ ରାଶିରେ ସୂର୍ଯ୍ୟ ଓ ବୁଧଙ୍କ ସଂଯୋଗ ହେବ । ଜ୍ୟୋତିଷ ମତରେ ସୂର୍ଯ୍ୟ ଓ ବୁଧ ଏକାଠି ଆସିଲେ ବୁଧାଦିତ୍ୟ ରାଜଯୋଗ ଗଠନ ହୁଏ । ଏହି ଯୋଗକୁ ବୁଦ୍ଧି, ନିଷ୍ପତ୍ତି ନେବାର କ୍ଷମତା, ଆତ୍ମବିଶ୍ୱାସ ଓ କାର୍ଯ୍ୟକ୍ଷେତ୍ରର ସଫଳତା ସହ ଯୋଡ଼ି ଦେଖାଯାଏ ।
ଅଗଷ୍ଟ ୨୨ ତାରିଖରେ ସିଂହ ରାଶିରେ ସୂର୍ଯ୍ୟ ଓ ବୁଧଙ୍କ ସଂଯୋଗ ହେବ । ଜ୍ୟୋତିଷ ମତରେ ସୂର୍ଯ୍ୟ ଓ ବୁଧ ଏକାଠି ଆସିଲେ ବୁଧାଦିତ୍ୟ ରାଜଯୋଗ ଗଠନ ହୁଏ । ଏହି ଯୋଗକୁ ବୁଦ୍ଧି, ନିଷ୍ପତ୍ତି ନେବାର କ୍ଷମତା, ଆତ୍ମବିଶ୍ୱାସ ଓ କାର୍ଯ୍ୟକ୍ଷେତ୍ରର ସଫଳତା ସହ ଯୋଡ଼ି ଦେଖାଯାଏ ।
ମେଷ ରାଶି:
ପ୍ରଥମେ ମେଷ ରାଶି । ଜ୍ୟୋତିଷ ଆକଳନ ଅନୁସାରେ, ଏହି ସମୟରେ ମେଷ ରାଶିର ଲୋକଙ୍କ ପାଇଁ କ୍ୟାରିୟରରେ ନୂଆ ସୁଯୋଗ ଆସିପାରେ । ଚାକିରି କରୁଥିବା ଲୋକଙ୍କୁ ନୂଆ ଦାୟିତ୍ୱ କିମ୍ବା ପ୍ରମୋସନ୍ର ସୁଯୋଗ ମିଳିପାରେ । ବ୍ୟବସାୟରେ ମଧ୍ୟ ନୂଆ ଯୋଜନା ସଫଳ ହେବାର ଆଶା ରହିଛି ।
ସିଂହ ରାଶି:
ଦ୍ୱିତୀୟରେ ସିଂହ ରାଶି । କାରଣ ବୁଧାଦିତ୍ୟ ରାଜଯୋଗ ଏହି ରାଶିରେ ହିଁ ଗଠିତ ହେଉଛି। ଜ୍ୟୋତିଷ ମତରେ, ସିଂହ ରାଶିର ବ୍ୟକ୍ତିଙ୍କ ଆତ୍ମବିଶ୍ୱାସ ବଢ଼ିପାରେ । ଅଟକିଥିବା କାମ ଆଗକୁ ବଢ଼ିବା ସହ ଆର୍ଥିକ ଦିଗରେ ମଧ୍ୟ ସକାରାତ୍ମକ ପରିବର୍ତ୍ତନର ସମ୍ଭାବନା ରହିଛି । ତୃତୀୟରେ ଧନୁ ରାଶି । ଏହି ରାଶି ପାଇଁ ମଧ୍ୟ ବୁଧାଦିତ୍ୟ ରାଜଯୋଗ ଶୁଭ ଫଳ ଦେଇପାରେ ବୋଲି ଜ୍ୟୋତିଷ ଆକଳନ । ଚାକିରି ଖୋଜୁଥିବା ଲୋକଙ୍କୁ ନୂଆ ସୁଯୋଗ ମିଳିପାରେ । ବ୍ୟବସାୟୀମାନେ ମଧ୍ୟ ନୂଆ ଡିଲ୍ କିମ୍ବା ଆର୍ଥିକ ଲାଭର ସୁଯୋଗ ପାଇପାରନ୍ତି । ଯାତ୍ରା କିମ୍ବା ନୂଆ ଯୋଜନାରୁ ମଧ୍ୟ ଲାଭ ହେବାର ଆଶା ରହିଛି । ଜ୍ୟୋତିଷ ମତ ଅନୁସାରେ ବୁଧ ବୁଦ୍ଧି, ବ୍ୟବସାୟ ଓ ବାକ୍ଶକ୍ତିର ପ୍ରତୀକ ହୋଇଥିବା ବେଳେ ସୂର୍ଯ୍ୟ ଆତ୍ମବିଶ୍ୱାସ, ନେତୃତ୍ୱ ଓ ପ୍ରତିଷ୍ଠାର ପ୍ରତୀକ। ତେଣୁ ଉଭୟଙ୍କ ଯୁତିକୁ ଅନେକ ଜ୍ୟୋତିଷୀ ଶୁଭ ସଂଯୋଗ ଭାବେ ବର୍ଣ୍ଣନା କରନ୍ତି । ତେବେ ଏହାର ଫଳ ବ୍ୟକ୍ତିର ଜନ୍ମକୁଣ୍ଡଳୀ ଓ ଅନ୍ୟାନ୍ୟ ଗ୍ରହସ୍ଥିତି ଉପରେ ମଧ୍ୟ ନିର୍ଭର କରେ । ତେବେ ଅଗଷ୍ଟ ୨୨ର ବୁଧାଦିତ୍ୟ ରାଜଯୋଗକୁ ନେଇ ଜ୍ୟୋତିଷ ମହଳରେ ଉତ୍ସାହ ବଢ଼ିଛି । ବିଶେଷକରି ମେଷ, ସିଂହ ଓ ଧନୁ ରାଶି ପାଇଁ ଏହି ସମୟ ଶୁଭ ହୋଇପାରେ ବୋଲି ଜ୍ୟୋତିଷ ଆକଳନ । ତଥାପି ଏଗୁଡ଼ିକ ଜ୍ୟୋତିଷୀୟ ଧାରଣା, ବୈଜ୍ଞାନିକ ଭବିଷ୍ୟବାଣୀ ନୁହେଁ ।
