ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ପୁଣି ଏକ ନୂଆ ମୋଡ଼ ନେଇଛି। ଆମେରିକାର କେନ୍ଦ୍ରୀୟ କମାଣ୍ଡ ଏକ ସରକାରୀ ବିବୃତି ଜାରି କରି ନିଶ୍ଚିତ କରିଛି ଯେ ଆମେରିକୀୟ ସେନା ଇରାନୀ ସାମରିକ ଘାଟି ଉପରେ ବଡ଼ ଧରଣର ଆକ୍ରମଣ କରିଛି।
ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ପୁଣି ଏକ ନୂଆ ମୋଡ଼ ନେଇଛି। ଆମେରିକାର କେନ୍ଦ୍ରୀୟ କମାଣ୍ଡ ଏକ ସରକାରୀ ବିବୃତି ଜାରି କରି ନିଶ୍ଚିତ କରିଛି ଯେ ଆମେରିକୀୟ ସେନା ଇରାନୀ ସାମରିକ ଘାଟି ଉପରେ ବଡ଼ ଧରଣର ଆକ୍ରମଣ କରିଛି। ଏହି ସମୟରେ,ସାଟେଲାଇଟ୍ କମ୍ୟୁନିକେସନ୍ସ ରିପୋର୍ଟ କରିଛି, ଆମେରିକୀୟ ସେନା ୮୦ ଟି ଇରାନୀ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିଛି।
ଆମେରିକା କହିଛି , ଏହି କାର୍ଯ୍ୟାନୁଷ୍ଠାନ ଇରାନ ଦ୍ୱାରା ଆନ୍ତର୍ଜାତୀୟ ଜଳସୀମାରେ ପରିବହନ କରୁଥିବା ତିନୋଟି ବାଣିଜ୍ୟିକ ଜାହାଜ ଏବଂ ତୈଳ ଟ୍ୟାଙ୍କକୁ ଟାର୍ଗେଟ କରିବାର ଜବାବରେ କରାଯାଇଛି। ଏପରି କରି ଇରାନ ଗତ ମାସରେ ହୋଇଥିବା ଦ୍ୱିପାକ୍ଷିକ ଅସ୍ତ୍ରବିରତିର ସ୍ପଷ୍ଟ ଉଲ୍ଲଂଘନ କରିଛି। ଆମେରିକାର ପ୍ରତିରକ୍ଷା ଅଧିକାରୀଙ୍କ ଅନୁଯାୟୀ, ଏହି ଆକ୍ରମଣରେ ଇରାନର ବାୟୁ ପ୍ରତିରକ୍ଷା ପ୍ରଣାଳୀ, ଉପକୂଳବର୍ତ୍ତୀ ନିରୀକ୍ଷଣ ପ୍ରଣାଳୀ, ପୃଷ୍ଠରୁ ଆକାଶ କ୍ଷେପଣାସ୍ତ୍ର, ଜାହାଜ ପ୍ରତିରୋଧୀ କ୍ରୁଜ୍ କ୍ଷେପଣାସ୍ତ୍ର ଏବଂ ଡ୍ରୋନ୍ ଲଞ୍ଚ ପ୍ୟାଡ୍ ଉପରେ ଟାର୍ଗେଟ କରାଯାଇଥିଲା। ଦକ୍ଷିଣ ଇରାନର ପ୍ରମୁଖ ବନ୍ଦର ସହର ସିରିକ୍, କ୍ବେଶମ୍ ଏବଂ ବନ୍ଦର ଆବାସରେ ଜୋରଦାର ବିସ୍ଫୋରଣ ଶୁଣାଯାଇଥିଲା।
ଇସଲାମିକ୍ ଗଣରାଜ୍ୟ ଇରାନର ବୈଦେଶିକ ବ୍ୟାପାର ମନ୍ତ୍ରଣାଳୟ ସୋସିଆଲ ମିଡିଆରେ ଏକ ପୋଷ୍ଟ କରିଛି ଯେ, ଆମେ ଜାତୀୟ ସ୍ୱାର୍ଥ ଏବଂ ସୁରକ୍ଷାକୁ ସୁରକ୍ଷା ଦେବା ପାଇଁ ଆବଶ୍ୟକୀୟ ଯେକୌଣସି ପଦକ୍ଷେପ ନେବୁ। ଏହା ସହ ମନ୍ତ୍ରଣାଳୟ ପକ୍ଷରୁ ଆମେରିକାକୁ ଚୁକ୍ତିନାମା ଉଲ୍ଲଂଘନର ପରିଣାମ ବିଷୟରେ ଚେତାବନୀ ଦିଆଯାଇଛି। ଇରାନ କହିଛି ଯେ, ଜୁନ୍ ୧୮ରେ ଇସଲାମାବାଦ ଚୁକ୍ତିନାମା ସ୍ୱାକ୍ଷର ହେବାର ୨୦ ଦିନ ଭିତରେ ଆମେରିକା ୩ ଜୁଲାଇରେ ଜାରି ହୋଇଥିବା ଜେନେରାଲ ଲାଇସେନ୍ସକୁ ବାତିଲ କରିବାର ଘୋଷଣା କରିଥିଲା।
ବୈଦେଶିକ ମନ୍ତ୍ରଣାଳୟ ଅନୁଯାୟୀ, ଏହା ଆମେରିକା ପ୍ରଶାସନର ଅସତ୍ ଉଦ୍ଦେଶ୍ୟ, ଅସ୍ଥିର ନୀତି ଏବଂ ଅବିଶ୍ୱସନୀୟ ମନୋଭାବର ଆଉ ଏକ ଉଦାହରଣ। ଇରାନ ଅଭିଯୋଗ କରିଛି ଯେ, ଗତ ୨୦ ଦିନ ମଧ୍ୟରେ, ଆମେରିକା ଜାଣତରେ ଲେବାନନ ବିରୋଧରେ ଇସ୍ରାଏଲୀୟ କାର୍ଯ୍ୟାନୁଷ୍ଠାନ ହୋଇଛି। ଆମେରିକା ଚୁକ୍ତିନାମାର ଅନେକ ସର୍ତ୍ତାବଳୀକୁ ବାରମ୍ବାର ଉଲ୍ଲଂଘନ କରିଛି। ବୈଦେଶିକ ମନ୍ତ୍ରଣାଳୟ କହିଛି, ଚୁକ୍ତି ସ୍ୱାକ୍ଷର ହେବା ପରଠାରୁ, ଇରାନ ପୂର୍ଣ୍ଣ ନିଷ୍ଠା ଏବଂ ସଚ୍ଚୋଟତାର ସହିତ ନିଜର ସମସ୍ତ ଦାୟିତ୍ୱ ପୂରଣ କରିଛି। ଏହା ସତ୍ତ୍ୱେ, ଆମେରିକା ବିଭିନ୍ନ ବାହାନାରେ ନିଜ ଦାୟିତ୍ୱବୋଧରୁ ଦୂରେଇ ଯାଇଛି ଏବଂ ଚୁକ୍ତିର ସର୍ତ୍ତାବଳୀ ପାଳନ କରିନାହିଁ।
ତେହେରାନର ଡେପୁଟି ମେୟର ହମିଦରେଜା ଘୋଲାମଜାଦେହ ଦାବି କରିଛନ୍ତି ଯେ, ଇରାନ ବିରୋଧରେ ଆମେରିକା ସମସ୍ତ ସାମରିକ ବିକଳ୍ପ ଶେଷ କରି ସାରିଛି। ଏବେ ଆମ ଉପରେ କେବଳ ପରମାଣୁ ଆକ୍ରମର ବାକି ରହିଛି। ତେହେରାନର ଯୋଗାଯୋଗ ଏବଂ ଅନ୍ତର୍ଜାତୀୟ ସମ୍ପର୍କ କେନ୍ଦ୍ରର ଦାୟିତ୍ୱରେ ଥିବା ଘୋଲାମଜାଦେହ କହିଛନ୍ତି, ନୂତନ ସାମରିକ କାର୍ଯ୍ୟାନୁଷ୍ଠାନ ସତ୍ତ୍ୱେ ମଧ୍ୟ ଇରାନ ଲଢ଼େଇ ଜାରି ରଖିବ। ଘୋଲାମଜାଦେହ ଅଭିଯୋଗ କରିଛନ୍ତି, ଆମେରିକା ଏବଂ ଇସ୍ରାଏଲ ଇରାନର ଦିବଂଗତ ସର୍ବୋଚ୍ଚ ନେତା
ଆୟାତୋଲ୍ଲା ଅଲି ଖେମିନିଙ୍କ ଅନ୍ତିମ ସଂସ୍କାର ସମାରୋହରେ ବାଧା ସୃଷ୍ଟି କରିବାକୁ ଚିନ୍ତା କରିଥିଲେ, କିନ୍ତୁ ଜନସାଧାରଣଙ୍କ ଅଂଶଗ୍ରହଣ ଏବଂ ଅନ୍ତର୍ଜାତୀୟ ବିଶିଷ୍ଟ ବ୍ୟକ୍ତିଙ୍କ ଉପସ୍ଥିତି ଦେଖି ସେମାନେ ଯୋଜନାକୁ ବାତିଲ କରିଥିଲେ। ମଧ୍ୟପ୍ରାଚ୍ୟ ସଙ୍କଟ ଯୋଗୁ ପୁଣି ତୈଳ ବଜାରରେ ଅସ୍ଥିରତା ଦେଖାଦେଇଛି। ୮ ଜୁଲାଇରେ, ଅଶୋଧିତ ତୈଳ ମୂଲ୍ୟ ୩% ବୃଦ୍ଧି ପାଇଛି। ବ୍ରେଣ୍ଟ ଅଶୋଧିତ ତୈଳ ବ୍ୟାରେଲ ପିଛା ୭୬ ଡଲାର ଅତିକ୍ରମ କରିଛି।
ଡବ୍ଲୁଟିଆଇ ଅଶୋଧିତ ତୈଳ ମଧ୍ୟ ପ୍ରାୟ ୨.୮% ବୃଦ୍ଧି ପାଇ ୭୫ ଡଲାରରେ ପହଞ୍ଚିଛି। ବିଶେଷଜ୍ଞମାନଙ୍କ ଅନୁସାରେ, ଯଦି ଆଗାମୀ ୪୮ ଘଣ୍ଟା ମଧ୍ୟରେ ପରିସ୍ଥିତି ଶାନ୍ତ ନହୁଏ, ତେବେ ଅଶୋଧିତ ତେଲ ମୂଲ୍ୟ ପ୍ରତି ବ୍ୟାରେଲ ପିଛା ୮୦-୮୫ ଡଲାରରେ ପର୍ଯ୍ୟନ୍ତ ପହଞ୍ଚିପାରେ। ଭାରତ ଏହାର ଅଶୋଧିତ ତେଲ ଆବଶ୍ୟକତାର ୮୫% ବିଦେଶରୁ ଆମଦାନି କରିଥାଏ। ତେଣୁ, ବୃଦ୍ଧି ପାଉଥିବା ମୂଲ୍ୟ ଆମଦାନିକୁ ଅଧିକ ମହଙ୍ଗା କରିବ, ଯାହା ଫଳରେ ବୈଦେଶିକ ମୁଦ୍ରା ଭଣ୍ଡାର ଦ୍ରୁତ ହ୍ରାସ ପାଇବ ଏବଂ ଭବିଷ୍ୟତରେ, ପେଟ୍ରୋଲ ଏବଂ ଡିଜେଲ ମୂଲ୍ୟ ମଧ୍ୟ ବୃଦ୍ଧି ପାଇପାରେ।
