‘ଆକାଶ, ମହାକାଶ, ସାଇବର ସମ୍ମିଳନୀ’ରେ ପୃଥିବୀର କକ୍ଷପଥରେ ଅସ୍ତ୍ରଶସ୍ତ୍ରର ଉପସ୍ଥିତିକୁ ମିଙ୍କ୍ ନିଶ୍ଚିତ କରିଛନ୍ତି। ତେବେ ସେ ଏହି ଅସ୍ତ୍ରଶସ୍ତ୍ର କିମ୍ବା ସେମାନଙ୍କର କ୍ଷମତା ସହିତ ଜଡିତ ବିସ୍ତୃତ ସୂଚନା ଅଂଶୀଦାର କରିବାକୁ ମନା କରିଦେଇଛନ୍ତି। ଯୁକ୍ତରାଷ୍ଟ୍ର ଏବେ କକ୍ଷପଥରେ ମହାକାଶ ନିୟନ୍ତ୍ରଣ ଅସ୍ତ୍ରଶସ୍ତ୍ର ରଖିଛି ଯାହା ଆମେରିକା ଏବଂ ସହଯୋଗୀ ବାହିନୀଙ୍କୁ ଶତ୍ରୁ ରାଷ୍ଟ୍ରର ଯେକୌଣସି ଶତ୍ରୁତାପୂର୍ଣ୍ଣ ଆକ୍ରମଣରୁ ରକ୍ଷା କରିପାରିବ।
ମଣିଷଙ୍କ ଯୁଦ୍ଧ ପାଇଁ ପୃଥିବୀର ଭୂମି ଏବେ କମ୍ ପଡ଼ିଛି। ପୃଥିବୀ ସୀମା ବାହାରେ ମହାକାଶରେ ଆଗାମୀ ଦିନରେ ଯୁଦ୍ଧ ହେବାକୁ ଯାଉଛି। ମହାଶକ୍ତି ଆମେରିକା ଇରାନ ଉପରେ ଆକ୍ରମଣ କରିବା ପରେ, ବିଶ୍ୱ ଅସ୍ତ୍ରଶସ୍ତ୍ର ଏବଂ ଯୁଦ୍ଧ ଯୁଗକୁ ପୁଣି ଫେରିଆସିଛି। ବର୍ତ୍ତମାନ, ଅଧିକାଂଶ ଦେଶ ସେମାନଙ୍କର ଅସ୍ତ୍ରଶସ୍ତ୍ରକୁ ଅପଗ୍ରେଡ୍ କରିବାରେ ବ୍ୟସ୍ତ ଅଛନ୍ତି। ଯେଉଁଥିରେ ଚୀନ୍ ଏବଂ ରୁଷ ପ୍ରମୁଖ ଭୂମିକା ଗ୍ରହଣ କରୁଛନ୍ତି। ଏହି କାରଣରୁ ଆମେରିକା ଏବେ ନିଜର ବ୍ରହ୍ମାସ୍ତ୍ର ସମ୍ପର୍କରେ ମୁହଁ ଖୋଲିଛି। ଆମେରିକା ପ୍ରକାଶ କରିଛି, ଆମେ କେବଳ ସ୍ଥଳ, ଜଳ ଏବଂ ଆକାଶରେ ନୁହେଁ, ମହାକାଶରେ ମଧ୍ୟ ଅସ୍ତ୍ରଶସ୍ତ୍ର ଗଚ୍ଛିତ କରୁଛୁ। ପୃଥିବୀର ବର୍ଦ୍ଧିତ ସାମରିକୀକରଣ ମଧ୍ୟରେ ଆମେରିକା ଏକ ଐତିହାସିକ ଏବଂ ବିରଳ ସ୍ୱୀକାର କରିଛି। ଆମେରିକାର ମହାକାଶ ବାହିନୀ ଏବଂ ବାୟୁସେନା ସଚିବ ଟ୍ରୋୟ ମିଙ୍କ ଆନୁଷ୍ଠାନିକ ଭାବରେ ନିଶ୍ଚିତ କରିଛନ୍ତି ଯେ, ଆମେରିକା ପୃଥିବୀ କକ୍ଷପଥରେ ଅସ୍ତ୍ରଶସ୍ତ୍ର ନିୟୋଜିତ କରିଛି।ପ୍ରଥମ ଥର ପାଇଁ ପେଣ୍ଟାଗନ ଖୋଲାଖୋଲି ଭାବରେ ମହାକାଶରେ ବିନା ଗୋଳାବାରୁଦର ସକ୍ରିୟ ସାମରିକ କ୍ଷମତା ଏବଂ ଅସ୍ତ୍ରଶସ୍ତ୍ରର ଉପସ୍ଥିତିକୁ ସ୍ୱୀକାର କରିଛି। ଆମେରିକୀୟ ଅଧିକାରୀ ଚୀନ୍ ଏବଂ ରୁଷ ପକ୍ଷରୁ ବଢୁଥିବା ଚ୍ୟାଲେଞ୍ଜ ଏବଂ ସମ୍ଭାବ୍ୟ ବିପଦକୁ ଏହି ନିୟୋଜନର ମୁଖ୍ୟ କାରଣ ଭାବରେ ଉଲ୍ଲେଖ କରିଛନ୍ତି। ଆମେରିକା ଅନୁସାରେ ଚୀନ୍ ନିଜର ସାମରିକ ଆଧୁନିକୀକରଣର ଅଂଶ ସ୍ୱରୂପ ମହାକାଶ ବିରୋଧୀ ଏବଂ ଉପଗ୍ରହ ବିରୋଧୀ କ୍ଷମତା ଦ୍ରୁତ ଗତିରେ ବିକଶିତ କରୁଛି। ସେହିପରି ରୁଷ ମହାକାଶକୁ ଏକ ଯୁଦ୍ଧ କ୍ଷେତ୍ର ବୋଲି ବିବେଚନା କରୁଛି ଏବଂ ଭବିଷ୍ୟତର ସଂଘର୍ଷରେ ମହାକାଶ ସର୍ବୋଚ୍ଚତାକୁ ଗୁରୁତ୍ୱପୂର୍ଣ୍ଣ ଭାବରେ ଦେଖୁଛି।
‘ଆକାଶ, ମହାକାଶ, ସାଇବର ସମ୍ମିଳନୀ’ରେ ପୃଥିବୀର କକ୍ଷପଥରେ ଅସ୍ତ୍ରଶସ୍ତ୍ରର ଉପସ୍ଥିତିକୁ ମିଙ୍କ୍ ନିଶ୍ଚିତ କରିଛନ୍ତି। ତେବେ ସେ ଏହି ଅସ୍ତ୍ରଶସ୍ତ୍ର କିମ୍ବା ସେମାନଙ୍କର କ୍ଷମତା ସହିତ ଜଡିତ ବିସ୍ତୃତ ସୂଚନା ଅଂଶୀଦାର କରିବାକୁ ମନା କରିଦେଇଛନ୍ତି। ଯୁକ୍ତରାଷ୍ଟ୍ର ଏବେ କକ୍ଷପଥରେ ମହାକାଶ ନିୟନ୍ତ୍ରଣ ଅସ୍ତ୍ରଶସ୍ତ୍ର ରଖିଛି ଯାହା ଆମେରିକା ଏବଂ ସହଯୋଗୀ ବାହିନୀଙ୍କୁ ଶତ୍ରୁ ରାଷ୍ଟ୍ରର ଯେକୌଣସି ଶତ୍ରୁତାପୂର୍ଣ୍ଣ ଆକ୍ରମଣରୁ ରକ୍ଷା କରିପାରିବ।
ଏହି ପ୍ରଯୁକ୍ତିବିଦ୍ୟାଗୁଡ଼ିକରେ ଆକ୍ରମଣ କରିପାରୁଥିବା ଗତିଜ ଏବଂ ଅଣ-ଗତିଜ ଭଳି ଇଲେକ୍ଟ୍ରୋନିକ୍/ଲେଜର/ଜାମିଂ ଉଭୟ ଉପାୟ ରହିଛି। ଆବଶ୍ୟକ ହେଲେ, ଏଗୁଡ଼ିକୁ ଆକ୍ରମଣାତ୍ମକ ଏବଂ ପ୍ରତିରକ୍ଷାମୂଳକ ଉଦ୍ଦେଶ୍ୟ ପାଇଁ ବ୍ୟବହାର କରାଯାଇପାରିବ। ସରଳ ଭାବରେ କହିବାକୁ ଗଲେ, ଆମେରିକା ମହାକାଶରେ ତୃତୀୟ ନୟନ ଭଳି ଏପରି ପ୍ରଯୁକ୍ତିବିଦ୍ୟା ରଖିଛି ଯାହା ସିଧାସଳଖ ଶତ୍ରୁର ମହାକାଶ ବ୍ୟବସ୍ଥାକୁ ପ୍ରଭାବିତ କରିବ କିମ୍ବା ସିଧାସଳଖ ଧକ୍କା ବିନା ଏହାର କ୍ଷମତାକୁ ବାଧା ଦେଇପାରିବ। ଅର୍ଥାତ୍ ମହାକାଶରେ ବିନା ଗୋଳାବାରୁଦରେ ଯୁଦ୍ଧ ହେବ। ଶତ୍ରୁ ଦେଶର ଯୋଗାଯୋଗ ବ୍ୟବସ୍ଥା ଚୋକ୍ କରିବା ଏହାର ମୁଖ୍ୟ ଉଦ୍ଦେଶ୍ୟ ହେବ।
ସୁରକ୍ଷା କାରଣରୁ, ପେଣ୍ଟାଗନ୍ କକ୍ଷପଥରେ ଏହି ଅସ୍ତ୍ରଗୁଡ଼ିକର ପ୍ରକାର, ସଠିକ୍ ସଂଖ୍ୟା କିମ୍ବା ବର୍ତ୍ତମାନର ସ୍ଥାନ ପ୍ରକାଶ କରିବାକୁ ମନା କରିଦେଇଛି। ୧୯୫୭ ମସିହାରେ ସୋଭିଏତ୍ ୟୁନିଅନ୍ ଦ୍ୱାରା ‘ସ୍ପୁଟନିକ୍’ ଉପଗ୍ରହ ଉତ୍ କ୍ଷେପଣ ସହିତ ମହାକାଶର ସାମରିକୀକରଣ ଆରମ୍ଭ ହୋଇଥିଲା। ୧୯୬୭ ବାହ୍ୟ ମହାକାଶ ଚୁକ୍ତି ମହାକାଶରେ ବହୁବିନାଶକାରୀ ପରମାଣୁ ଅସ୍ତ୍ର ନିୟୋଜନକୁ ନିଷେଧ କରେ। ଏହି ଚୁକ୍ତିନାମା ପାରମ୍ପରିକ ସାମରିକ କ୍ଷମତା ଏବଂ ଉପଗ୍ରହ-ବିରୋଧୀ ପ୍ରଣାଳୀକୁ ସମ୍ପୂର୍ଣ୍ଣ ନିଷେଧ କରେ ନାହିଁ। ଏହି ଆଇନଗତ ବ୍ୟବସ୍ଥା ଅନୁଯାୟୀ, ଆମେରିକା, ରୁଷ, ଚୀନ୍ ଏବଂ ଭାରତ ଭଳି ଦେଶମାନେ ସେମାନଙ୍କର ଉପଗ୍ରହଗୁଡ଼ିକୁ ସୁରକ୍ଷା ଦେବା ଏବଂ ଉପଗ୍ରହ ଯୋଗାଯୋଗ, ନାଭିଗେସନ୍ ଏବଂ ପର୍ୟ୍ୟବେକ୍ଷଣ ବଜାୟ ରଖିବା ପାଇଁ ମହାକାଶ ପ୍ରଯୁକ୍ତିବିଦ୍ୟା ବିକଶିତ କରିଛନ୍ତି।
