ବରିଷ୍ଠ ଆଇନଜୀବୀ ଏବଂ ରାଜ୍ୟସଭା ସାଂସଦ କପିଲ ସିବଲ ଆମେରିକାରେ ରାଷ୍ଟ୍ରୀୟ ସ୍ୱୟଂସେବକ ସଂଘ ମୁଖ୍ୟ ମୋହନ ଭାଗବତଙ୍କ ମନ୍ତବ୍ୟକୁ ନେଇ କଟାକ୍ଷ କରିଛନ୍ତି।
ବରିଷ୍ଠ ଆଇନଜୀବୀ ଏବଂ ରାଜ୍ୟସଭା ସାଂସଦ କପିଲ ସିବଲ ଆମେରିକାରେ ରାଷ୍ଟ୍ରୀୟ ସ୍ୱୟଂସେବକ ସଂଘ ମୁଖ୍ୟ ମୋହନ ଭାଗବତଙ୍କ ମନ୍ତବ୍ୟକୁ ନେଇ କଟାକ୍ଷ କରିଛନ୍ତି। ନ୍ୟୁୟର୍କରେ ଏକ କାର୍ଯ୍ୟକ୍ରମ ସମୟରେ ଆରଏସଏସ ମୁଖ୍ୟ କହିଛନ୍ତି ଯେ ବିବିଧତାରେ ଏକତା ଭାରତର ଡିଏନଏରେ ଅଛି। ବିବିଧତା ଆମର ପ୍ରାକୃତିକ ଏକତାର ଅଳଙ୍କାର। ଏହାକୁ ସୁରକ୍ଷିତ ରଖିବାକୁ ପଡିବ ।
କପିଲ ସିବଲ ମୋହନ ଭାଗବତଙ୍କ ଏହି ମନ୍ତବ୍ୟ ଉପରେ ସୋସିଆଲ ମିଡିଆ ଏକ୍ସରେ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ କେବଳ ଶବ୍ଦ ଯଥେଷ୍ଟ ନୁହେଁ, ଏହା କାମରେ ଦୃଶ୍ୟମାନ ହେବା ଉଚିତ୍ । ସିବଲ ଭାଗବତଙ୍କ ଉପରେ କଟାକ୍ଷ କରି କହିଛନ୍ତି ଯେ ଏପରି ଭଲ କଥା ବିଦେଶରେ କହୁଥିବାବେଳେ ଘରେ ଚୁପ୍ କାହିଁକି। ସଂଘ ମୁଖ୍ୟ ସ୍ୱାମୀ ବିବେକାନନ୍ଦଙ୍କ ବାର୍ତ୍ତା ଉଲ୍ଲେଖ କରି କହିଥିଲେ, ପ୍ରତ୍ୟେକ ରାଷ୍ଟ୍ର ସମ୍ମୁଖରେ ଏକ ଲକ୍ଷ୍ୟ ଥାଏ। ଏହାକୁ ପୂରଣ କରିବାକୁ ହୋଇଥାଏ। ପ୍ରାୟ ଏକ ଘଣ୍ଟା ବ୍ୟାପୀ ଭାଷଣରେ, ମୋହନ ଭାଗବତ କହିଥିଲେ ଯେ ବିବିଧତାକୁ ପାଳନ, ସମ୍ମାନ ଏବଂ ଗ୍ରହଣ କରାଯିବା ଉଚିତ୍। ଆମକୁ ଏକତାର ଏହି ଭାବନାକୁ ମଧ୍ୟ ମନେ ରଖିବା ଉଚିତ୍। ଏହା ଏକ ସତ୍ୟ ଭାବନା।
