ହରିକେନ୍ ମେରି ପରେ ଉଠିଥିବା ତୀବ୍ର ଲହରୀର ପ୍ରଭାବ ମାଲିବୁଠାରୁ ସାନ୍ ଡିଏଗୋ ପର୍ଯ୍ୟନ୍ତ ଦେଖିବାକୁ ମିଳିଛି। ଡାନା ପଏଣ୍ଟରେ ଅନେକ ସମୁଦ୍ର କୂଳ ଘର କ୍ଷତିଗ୍ରସ୍ତ ହୋଇଛି। ସାନ୍ କ୍ଲେମେଣ୍ଟେରେ ସମୁଦ୍ର କ୍ଷୟ ଯୋଗୁଁ ତଟବର୍ତ୍ତୀ ରେଳ ଲାଇନ୍କୁ ପୁଣି ବନ୍ଦ କରାଯାଇଛି।
ଆମେରିକାର ଦକ୍ଷିଣ କାଲିଫର୍ଣ୍ଣିଆରେ ଗତ କିଛି ଦିନ ଧରି ସମୁଦ୍ରର ବିଶାଳ ଲହରୀ ତଟବର୍ତ୍ତୀ ଅଞ୍ଚଳରେ ଭୟଙ୍କର କ୍ଷୟକ୍ଷତି କରିଛି। ଲଙ୍ଗ୍ ବିଚ୍ ପେନିନସୁଲାରେ ଉଚ୍ଚ ଲହରୀ ବାଲିର ସ୍ତର ଓ ସମୁଦ୍ର ରୋକିବା ପାଇଁ ନିର୍ମିତ ପ୍ରାଚୀର ଅତିକ୍ରମ କରି ବୋର୍ଡୱାକ୍ରେ ପହଞ୍ଚିଥିଲା। ଫଳରେ ବୋର୍ଡୱାକ୍ର ଅନେକ ଅଂଶ ଭାଙ୍ଗିଯାଇଥିବା ବେଳେ ସମୁଦ୍ର କୂଳରେ ଥିବା ଘରଗୁଡ଼ିକରେ ପାଣି ପଶିଛି। ଅତି କମରେ ୨୪ଟି ଘର ଖାଲି କରିବାକୁ ନିର୍ଦ୍ଦେଶ ଦିଆଯାଇଛି।
ହରିକେନ୍ ମେରି ପରେ ଉଠିଥିବା ତୀବ୍ର ଲହରୀର ପ୍ରଭାବ ମାଲିବୁଠାରୁ ସାନ୍ ଡିଏଗୋ ପର୍ଯ୍ୟନ୍ତ ଦେଖିବାକୁ ମିଳିଛି। ଡାନା ପଏଣ୍ଟରେ ଅନେକ ସମୁଦ୍ର କୂଳ ଘର କ୍ଷତିଗ୍ରସ୍ତ ହୋଇଛି। ସାନ୍ କ୍ଲେମେଣ୍ଟେରେ ସମୁଦ୍ର କ୍ଷୟ ଯୋଗୁଁ ତଟବର୍ତ୍ତୀ ରେଳ ଲାଇନ୍କୁ ପୁଣି ବନ୍ଦ କରାଯାଇଛି। ମାଲିବୁରେ ଏକ ସମୁଦ୍ର କୂଳ ଘରର ଡ୍ରାଇଭ୍ୱେରେ ବଡ଼ ସିଙ୍କହୋଲ୍ ମଧ୍ୟ ସୃଷ୍ଟି ହୋଇଛି।
ଏହି ସମୟରେ ଅନେକ ସ୍ଥାନରେ ଉଚ୍ଚ ଜୁଆର ସହ ତୀବ୍ର ଲହରୀ ଦେଖାଯାଇଛି। ନ୍ୟାସନାଲ୍ ୱେଦର ସର୍ଭିସ୍ ତଟବର୍ତ୍ତୀ ଅଞ୍ଚଳରେ ଉଚ୍ଚ ଲହରୀ ଓ ବନ୍ୟା ନେଇ ସତର୍କତା ଜାରି କରିଛି।ବୈଜ୍ଞାନିକମାନେ ଆଗାମୀ ମାସଗୁଡ଼ିକରେ ଶକ୍ତିଶାଳୀ ଅଲ୍-ନିନୋର ସମ୍ଭାବନା ନେଇ ଚିନ୍ତା ପ୍ରକାଶ କରିଛନ୍ତି। ସମୁଦ୍ର ତାପମାତ୍ରା ଅଧିକ ରହିଲେ ତୀବ୍ର ଲହରୀଭାରି ବର୍ଷା ଓ ତଟବର୍ତ୍ତୀ ବନ୍ୟାର ବିପଦ ବଢ଼ିପାରେ। ପ୍ରଶାସନ ଏବେ ବାଲିର ପ୍ରତିରକ୍ଷା ସ୍ତର ମଜବୁତ କରିବା ସହ ପମ୍ପ ଓ ବାଲି ବ୍ୟାଗ୍ ପ୍ରସ୍ତୁତ ରଖୁଛି।
