ନିଟ୍ ପେପର ଲିକ୍ ଅଭିଯୋଗକୁ ନେଇ ଦିଲ୍ଲୀର ଜନ୍ତର ମନ୍ତରରେ ଛାତ୍ରମାନଙ୍କ ପ୍ରତିବାଦ ଜାରି ରହିଛି । ଏହି ଆନ୍ଦୋଳନକୁ ସମର୍ଥନ କରି ସଲମାନ୍ ଖାନ କହିଥିଲେ ଯେ, ଏହା ଏକ ଗୁରୁତର ମାମଲା ଏବଂ ଛାତ୍ରମାନଙ୍କ ପାଇଁ ନ୍ୟାୟ ହେବା ଦରକାର ।
ନିଟ୍ ପେପର ଲିକ୍ ଅଭିଯୋଗକୁ ନେଇ ଦିଲ୍ଲୀର ଜନ୍ତର ମନ୍ତରରେ ଛାତ୍ରମାନଙ୍କ ପ୍ରତିବାଦ ଜାରି ରହିଛି । ଏହି ଆନ୍ଦୋଳନକୁ ସମର୍ଥନ କରି ସଲମାନ୍ ଖାନ କହିଥିଲେ ଯେ, ଏହା ଏକ ଗୁରୁତର ମାମଲା ଏବଂ ଛାତ୍ରମାନଙ୍କ ପାଇଁ ନ୍ୟାୟ ହେବା ଦରକାର । ସେ ଛାତ୍ରମାନଙ୍କୁ ଶାନ୍ତିପୂର୍ଣ୍ଣ ଭାବେ ଘରକୁ ଫେରିବାକୁ ଅନୁରୋଧ କରିଥିଲେ । ପ୍ରଧାନମନ୍ତ୍ରୀଙ୍କ ଟ୍ୱିଟ୍ର ଉଲ୍ଲେଖ କରି ସେ କହିଥିଲେ ଯେ, ପେପର ଲିକ୍ରେ ଜଡିତ ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ହେବ ବୋଲି ସେ ଆଶା କରୁଛନ୍ତି ।
ଏହା ପରେ କିଛି ସୋସିଆଲ୍ ମିଡିଆ ବ୍ୟବହାରକାରୀ ସଲମାନଙ୍କୁ ଟ୍ରୋଲ୍ କରିଥିଲେ । ତାହାର ଜବାବରେ ସେ ଜିମ୍ରେ ଉଠାଇଥିବା ଦୁଇଟି ଫଟୋ ସେୟାର କରି ଲେଖିଥିଲେ, “ଯୋ ଡର୍ ଗୟା ୱୋ ମର୍ ଗୟା ।” ସଲମାନ୍ ସାମାଜିକ କର୍ମୀ ସୋନମ୍ ୱାଙ୍ଗଚୁକଙ୍କୁ ମଧ୍ୟ ଉପବାସ ଶେଷ କରିବାକୁ ଅନୁରୋଧ କରିଥିଲେ । ସେ ମଜାଳିଆ ଢଙ୍ଗରେ ଲେଖିଥିଲେ, “ସୋନମ୍, ବସ୍ କରନ୍ତୁ। ଚାହିଲେ ମୋ ଘରରୁ ଖାଇବା ପଠାଇଦେବି ।” ନିଟ୍ ପେପର ଲିକ୍ ଅଭିଯୋଗକୁ ନେଇ ଗତ ଏକ ମାସରୁ ଅଧିକ ସମୟ ଧରି ପ୍ରତିବାଦ ଚାଲିଛି । ଏହି ଆନ୍ଦୋଳନରେ ସଲମାନ୍ ଖାନଙ୍କ ସହ ହୃତିକ ରୋଶନ, ଆଲିଆ ଭଟ୍ଟ, ରାଜକୁମାର ରାଓ, ଆର୍ ମାଧବନ, ସୋନାକ୍ଷୀ ସିନ୍ହା, ନସିରୁଦ୍ଦିନ୍ ଶାହ ଓ ଅନୁରାଗ କଶ୍ୟପଙ୍କ ଭଳି ଅନେକ କଳାକାର ମଧ୍ୟ ଛାତ୍ରମାନଙ୍କୁ ସମର୍ଥନ ଜଣାଇଛନ୍ତି ।
