କେରଳରେ ବର୍ଷା ଋତୁ ସହ ଲେପ୍ଟୋସ୍ପାଇରୋସିସ୍ ବା ‘ରାଟ୍ ଫିଭର୍’କୁ ନେଇ ଚିନ୍ତା ବଢ଼ିଛି । ସରକାରୀ ତଥ୍ୟ ଅନୁସାରେ, ୨୦୨୬ ଜୁଲାଇ ୨୯ ତାରିଖ ସୁଦ୍ଧା ରାଜ୍ୟରେ ୧୩୫୨ ଜଣ ଲେପ୍ଟୋସ୍ପାଇରୋସିସ୍ରେ ଆକ୍ରାନ୍ତ ହୋଇଥିବାବେଳେ ୫୮ ଜଣଙ୍କ ମୃତ୍ୟୁ ହୋଇଛି ।
କେରଳରେ ବର୍ଷା ଋତୁ ସହ ଲେପ୍ଟୋସ୍ପାଇରୋସିସ୍ ବା ‘ରାଟ୍ ଫିଭର୍’କୁ ନେଇ ଚିନ୍ତା ବଢ଼ିଛି । ସରକାରୀ ତଥ୍ୟ ଅନୁସାରେ, ୨୦୨୬ ଜୁଲାଇ ୨୯ ତାରିଖ ସୁଦ୍ଧା ରାଜ୍ୟରେ ୧୩୫୨ ଜଣ ଲେପ୍ଟୋସ୍ପାଇରୋସିସ୍ରେ ଆକ୍ରାନ୍ତ ହୋଇଥିବାବେଳେ ୫୮ ଜଣଙ୍କ ମୃତ୍ୟୁ ହୋଇଛି । ବର୍ଷା ଦିନରେ ଦୂଷିତ ପାଣି ଓ ମାଟି ସଂସ୍ପର୍ଶରେ ଆସିବାରୁ ଏହି ସଂକ୍ରମଣ ବ୍ୟାପିବାର ଆଶଙ୍କା ଅଧିକ ରହିଥାଏ ।
ଲେପ୍ଟୋସ୍ପାଇରୋସିସ୍ ‘ଲେପ୍ଟୋସ୍ପାଇରା’ ନାମକ ବ୍ୟାକ୍ଟେରିଆ ଯୋଗୁଁ ହୋଇଥାଏ । ସାଧାରଣତଃ ଘର ବଗିଚା, କ୍ଷେତ କିମ୍ବା ବାହାରେ ଶାରୀରିକ ପରିଶ୍ରମ କରୁଥିବା ଲୋକେ ଏହି ରୋଗର ଅଧିକ ବିପଦରେ ରହିଥାନ୍ତି । ହସ୍ପିଟାଲ୍ ରିପୋର୍ଟ ଓ ଡେଥ୍ ଅଡିଟ୍ ତଥ୍ୟରୁ ୪୦ରୁ ୬୯ ବର୍ଷ ବୟସ୍କ ଲୋକେ ଅଧିକ ପ୍ରଭାବିତ ହୋଇଥିବା ଜଣାପଡ଼ିଛି । ଗତ କିଛି ବର୍ଷରେ ଏହି ରୋଗରେ ମୃତ୍ୟୁସଂଖ୍ୟା ମଧ୍ୟ ବଢ଼ିଛି। ୨୦୧୬ରୁ ୨୦୨୦ ମଧ୍ୟରେ କେରଳରେ ୩୧୯ ଜଣଙ୍କ ମୃତ୍ୟୁ ହୋଇଥିବାବେଳେ ୨୦୨୧ରୁ ୨୦୨୫ ମଧ୍ୟରେ ମୃତ୍ୟୁହାର ପ୍ରାୟ ୪.୨ ପ୍ରତିଶତରୁ ବଢ଼ି ୬ ପ୍ରତିଶତ ହୋଇଥିବା ତଥ୍ୟରୁ ଜଣାପଡ଼ିଛି । ବର୍ଷା ଋତୁରେ ଦୂଷିତ ପାଣି ଓ ମାଟି ସଂସ୍ପର୍ଶରୁ ସତର୍କ ରହିବା ସହ ଆବଶ୍ୟକ ସୁରକ୍ଷା ବ୍ୟବସ୍ଥା ନେବା ଉପରେ ଗୁରୁତ୍ୱ ଦିଆଯାଉଛି ।
