ଓମାନ ବନ୍ଦରରେ ଭାରତୀୟ ନାବିକଙ୍କ ମୃତ୍ୟୁ: ନାବିକ ସଂଘ ତଦନ୍ତ ଦାବି କଲା

ଓମାନର ଦୁକମ୍ ବନ୍ଦରରେ ଅଟକି ରହିଥିବା ଏକ ବାଣିଜ୍ୟିକ ମାଲବାହୀ ଜାହାଜ ‘ଏମଟି ସେଲେଷ୍ଟିଆଲ୍’ ମଧ୍ୟରେ କାର୍ଯ୍ୟରତ ତାମିଲନାଡୁର ୩୫ ବର୍ଷୀୟ ସେକେଣ୍ଡ ଅଫିସର ନିଶାନ୍ତ ଉଇର୍ଥାନାଥନଙ୍କର ଗତ ଜୁନ୍ ୧୧ ତାରିଖ ସନ୍ଧ୍ୟାରେ ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଆକସ୍ମିକ ମୃତ୍ୟୁ ଘଟିଥିବା ବେଳେ

ଓମାନର ଦୁକମ୍ ବନ୍ଦରରେ ଅଟକି ରହିଥିବା ଏକ ବାଣିଜ୍ୟିକ ମାଲବାହୀ ଜାହାଜ ‘ଏମଟି ସେଲେଷ୍ଟିଆଲ୍’ ମଧ୍ୟରେ କାର୍ଯ୍ୟରତ ତାମିଲନାଡୁର ୩୫ ବର୍ଷୀୟ ସେକେଣ୍ଡ ଅଫିସର ନିଶାନ୍ତ ଉଇର୍ଥାନାଥନଙ୍କର ଗତ ଜୁନ୍ ୧୧ ତାରିଖ ସନ୍ଧ୍ୟାରେ ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ଆକସ୍ମିକ ମୃତ୍ୟୁ ଘଟିଥିବା ବେଳେ, ମସ୍କାଟସ୍ଥିତ ଭାରତୀୟ ଦୂତାବାସ ପକ୍ଷରୁ ଜାହାଜ ପରିଚାଳନା କମ୍ପାନୀ ଓ ସ୍ଥାନୀୟ ପ୍ରଶାସନ ସହ ସମନ୍ୱୟ ରକ୍ଷା କରାଯାଇ ତାଙ୍କର ପାର୍ଥିବ ଶରୀରକୁ ଯଥାଶୀଘ୍ର ସ୍ୱଦେଶ ଫେରାଇ ଆଣିବା ପାଇଁ ଆନୁଷଙ୍ଗିକ ଆଇନଗତ ପ୍ରକ୍ରିୟା ଜାରି ରହିଛି  । 

ଫରୱାର୍ଡ ସିମ୍ୟାନ୍ସ ୟୁନିଅନ୍ ଅଫ୍ ଇଣ୍ଡିଆ (ଏଫଏସୟୁଆଇ) ର ଅଭିଯୋଗ ଅନୁଯାୟୀ, ନିଶାନ୍ତ ଗତ ଜୁନ୍ ୮ ତାରିଖରୁ ଗୁରୁତର ଅସୁସ୍ଥ ଥିଲେ ମଧ୍ୟ ସେଠାରେ ଜରୁରୀକାଳୀନ ଚିକିତ୍ସା କିମ୍ବା ଉଦ୍ଧାର କାର୍ଯ୍ୟ ସଫଳ ହୋଇପାରିନଥିଲା ଏବଂ ମୃତ୍ୟୁର ଦୁଇ ଦିନ ପର୍ଯ୍ୟନ୍ତ ତାଙ୍କ ଶବ ଜାହାଜ ଭିତରେ ହିଁ ପଡ଼ି ରହିଥିଲା, ଯାହାକୁ ନେଇ ସଂଗଠନ ପକ୍ଷରୁ ଏକ ଉଚ୍ଚସ୍ତରୀୟ ତଦନ୍ତ ଦାବି କରାଯାଇଛି ଏବଂ ଦୂତାବାସ ପକ୍ଷରୁ ଶୋକସନ୍ତପ୍ତ ପରିବାରକୁ ସମବେଦନା ଜଣାଯିବା ସହ ଶବ ବ୍ୟବଚ୍ଛେଦ ଓ ସମସ୍ତ ଦସ୍ତାବିଜ୍ ପ୍ରସ୍ତୁତି କାର୍ଯ୍ୟକୁ ସର୍ବୋଚ୍ଚ ପ୍ରାଥମିକତା ଦିଆଯାଉଛି ।

ଏହି ସାଂଘାତିକ ଘଟଣା ସମୁଦ୍ର ମଧ୍ୟରେ କାର୍ଯ୍ୟ କରୁଥିବା ଭାରତୀୟ ନାବିକମାନଙ୍କ ସୁରକ୍ଷା ଓ ଜରୁରୀକାଳୀନ ଚିକିତ୍ସା ସେବା ପାଇବାର ସୀମିତ ସୁଯୋଗକୁ ପଦାରେ ପକାଇଛି। ସଂଗଠନର ସୂଚନା ଅନୁଯାୟୀ, ଦୁକମ୍ ବନ୍ଦରରେ ସେହି ସମୟରେ ଯୋଗାଯୋଗ ବ୍ୟବସ୍ଥା ବିଚ୍ଛିନ୍ନ ହୋଇପଡ଼ିଥିଲା, ଯାହା ପରିସ୍ଥିତିକୁ ଆହୁରି ଜଟିଳ କରିଥିଲା। ଏହି ଘଟଣାକୁ ନେଇ ସୋସିଆଲ ମିଡିଆରେ ବ୍ୟାପକ ଜନଅସନ୍ତୋଷ ପ୍ରକାଶ ପାଇଛି ଏବଂ ସାଧାରଣ ଲୋକେ ଭାରତୀୟ ବୈଦେଶିକ ମନ୍ତ୍ରଣାଳୟ ଓ ସିପିଂ ମନ୍ତ୍ରଣାଳୟକୁ ଟ୍ୟାଗ୍ କରି ଏହାର ଏକ ନିରପେକ୍ଷ ତଦନ୍ତ କରିବାକୁ ଦୃଢ଼ ଦାବି କରିଛନ୍ତି ।