ଇରାନ ଓ ଆମେରିକା ମଧ୍ୟରେ ଚାଲିଥିବା ସଂଘର୍ଷ ମଧ୍ୟରେ ଇରାନର ମିସାଇଲ୍ କ୍ଷମତାକୁ ନେଇ ପୁଣିଥରେ ଚର୍ଚ୍ଚା ଜୋର ଧରିଛି । ଆମେରିକାର ଅତ୍ୟାଧୁନିକ ବାୟୁ ପ୍ରତିରକ୍ଷା ବ୍ୟବସ୍ଥା ସତ୍ତ୍ୱେ ଇରାନ କିପରି କିଛି ଆକ୍ରମଣ କରିବାରେ ସକ୍ଷମ ହେଉଛି, ତାହାକୁ ନେଇ ସାମରିକ ବିଶେଷଜ୍ଞମାନେ ବିଶ୍ଳେଷଣ କରୁଛନ୍ତି ।
ଇରାନ ଓ ଆମେରିକା ମଧ୍ୟରେ ଚାଲିଥିବା ସଂଘର୍ଷ ମଧ୍ୟରେ ଇରାନର ମିସାଇଲ୍ କ୍ଷମତାକୁ ନେଇ ପୁଣିଥରେ ଚର୍ଚ୍ଚା ଜୋର ଧରିଛି । ଆମେରିକାର ଅତ୍ୟାଧୁନିକ ବାୟୁ ପ୍ରତିରକ୍ଷା ବ୍ୟବସ୍ଥା ସତ୍ତ୍ୱେ ଇରାନ କିପରି କିଛି ଆକ୍ରମଣ କରିବାରେ ସକ୍ଷମ ହେଉଛି, ତାହାକୁ ନେଇ ସାମରିକ ବିଶେଷଜ୍ଞମାନେ ବିଶ୍ଳେଷଣ କରୁଛନ୍ତି । ବିଭିନ୍ନ ବିଶ୍ଳେଷଣ ଅନୁସାରେ, ଇରାନ ଦୀର୍ଘ ବର୍ଷ ଧରି ନିଜର ବାଲିଷ୍ଟିକ୍ ମିସାଇଲ୍, ଡ୍ରୋନ୍ ଏବଂ ଇଲେକ୍ଟ୍ରୋନିକ୍ ଯୁଦ୍ଧ କ୍ଷମତାକୁ ବିକଶିତ କରିଆସୁଛି । ଏହା ସହିତ ରୁଷ ଓ ଚୀନ୍ ସହ ସାମରିକ ପ୍ରଯୁକ୍ତି କ୍ଷେତ୍ରରେ ସହଯୋଗ, ରାଡାର, ନେଭିଗେସନ୍ ଏବଂ ଅନ୍ୟାନ୍ୟ ଦ୍ୱି-ବ୍ୟବହାର ପ୍ରଯୁକ୍ତି ସମ୍ପର୍କରେ ମଧ୍ୟ ବିଭିନ୍ନ ଦାବି ସାମ୍ନାକୁ ଆସିଛି। ତେବେ ଏହି ସବୁ ଦାବିର ସ୍ୱାଧୀନ ଯାଞ୍ଚ ସବୁ କ୍ଷେତ୍ରରେ ହୋଇନାହିଁ ।
ପ୍ରତିରକ୍ଷା ବିଶେଷଜ୍ଞମାନଙ୍କ ମତରେ, ଏକାଧିକ ଦିଗରୁ ଏକାସାଙ୍ଗରେ ମିସାଇଲ୍ ଓ ଡ୍ରୋନ୍ ଆକ୍ରମଣ, ଦ୍ରୁତ ଗତିରେ ଲଞ୍ଚ ଏବଂ ବିଭିନ୍ନ ପ୍ରକାରର ଅସ୍ତ୍ରର ସମନ୍ୱିତ ବ୍ୟବହାର ଭଳି କୌଶଳ ପ୍ରତିରକ୍ଷା ବ୍ୟବସ୍ଥା ଉପରେ ଚାପ ସୃଷ୍ଟି କରିପାରେ । ତଥାପି ଆମେରିକା ଓ ତାହାର ସହଯୋଗୀ ଦେଶମାନେ ବହୁ ସଂଖ୍ୟକ ଇରାନୀ ମିସାଇଲ୍ ଓ ଡ୍ରୋନ୍କୁ ଅଟକାଇଥିବା ଦାବି କରିଛନ୍ତି । ମଧ୍ୟପ୍ରାଚ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେ ଇରାନର ସାମରିକ କ୍ଷମତା ଏବଂ ଏହା ପଛରେ ରୁଷ ଓ ଚୀନ୍ର ସମ୍ଭାବ୍ୟ ସହଯୋଗକୁ ନେଇ ଆନ୍ତର୍ଜାତିକ ସ୍ତରରେ ଚର୍ଚ୍ଚା ଜାରି ରହିଛି।
