କ୍ଷୀର ଉତ୍ପାଦନ କରୁଥିବା ଚାଷୀମାନେ ଦୀର୍ଘଦିନ ଧରି ଦର ବୃଦ୍ଧି ଦାବି କରିଆସୁଥିଲେ। ଚାଷୀଙ୍କ ଆର୍ଥିକ ସମସ୍ୟାକୁ ଦୃଷ୍ଟିରେ ରଖି ବିଧାନ ପରିଷଦର ବିଭିନ୍ନ ଦଳର ସଦସ୍ୟମାନେ ମଧ୍ୟ ସେମାନଙ୍କୁ ସହାୟତା କରିବା ପାଇଁ ଦାବି କରିଥିଲେ।
ଅକ୍ଟୋବର ଶେଷରେ ପୁଣି ମହଙ୍ଗା ମାଡ଼ରେ ଘାଣ୍ଟି ହେବେ ସାଧାରଣ ଲୋକ। କ୍ଷୀର ଦର ବୃଦ୍ଧିକୁ ନେଇ ଆସିଛି ବଡ଼ ଖବର। କର୍ଣ୍ଣାଟକ ସରକାର ନନ୍ଦିନୀ କ୍ଷୀରର ମୂଲ୍ୟ ଲିଟର ପିଛା ୮ ଟଙ୍କା ବୃଦ୍ଧି କରିବାକୁ ମଞ୍ଜୁରୀ ଦେଇଛନ୍ତି। ନଭେମ୍ବର ୧ ତାରିଖରୁ ଏହି ନୂଆ ଦର ଲାଗୁ ହେବ। ଏହାଦ୍ୱାରା କ୍ଷୀର କିଣିବା ପାଇଁ ଗ୍ରାହକଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିବ।
କର୍ଣ୍ଣାଟକ ସରକାର ଅକ୍ଟୋବର ୨୯ ତାରିଖରେ ନନ୍ଦିନୀ କ୍ଷୀରର ଦର ବୃଦ୍ଧିକୁ ଅନୁମୋଦନ କରିଛନ୍ତି। ମନ୍ତ୍ରୀ କୃଷ୍ଣା ବାୟରେ ଗୌଡ଼ା ଏହି ସୂଚନା ଦେଇଛନ୍ତି। ଦର ବୃଦ୍ଧି ହେବାକୁ ଥିବା ୮ ଟଙ୍କା ମଧ୍ୟରୁ ୭ ଟଙ୍କା କ୍ଷୀର ଉତ୍ପାଦନ କରୁଥିବା ଚାଷୀଙ୍କୁ ମିଳିବ। ବାକି ୧ ଟଙ୍କା ଦୁଗ୍ଧ ସମବାୟ ସମିତିଗୁଡ଼ିକୁ ଦିଆଯିବ।
କ୍ଷୀର ଉତ୍ପାଦନ କରୁଥିବା ଚାଷୀମାନେ ଦୀର୍ଘଦିନ ଧରି ଦର ବୃଦ୍ଧି ଦାବି କରିଆସୁଥିଲେ। ଚାଷୀଙ୍କ ଆର୍ଥିକ ସମସ୍ୟାକୁ ଦୃଷ୍ଟିରେ ରଖି ବିଧାନ ପରିଷଦର ବିଭିନ୍ନ ଦଳର ସଦସ୍ୟମାନେ ମଧ୍ୟ ସେମାନଙ୍କୁ ସହାୟତା କରିବା ପାଇଁ ଦାବି କରିଥିଲେ। ଏପରିକି କ୍ଷୀର ଉତ୍ପାଦକ ଚାଷୀମାନେ ରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିଥିଲେ। ଦୁଗ୍ଧ ସମବାୟ ସମିତିଗୁଡ଼ିକ ମଧ୍ୟ ଦର ବୃଦ୍ଧି ପାଇଁ ଚାପ ପକାଇଥିଲେ।
ଚାଷୀମାନେ ଲିଟର ପିଛା ୧୦ ଟଙ୍କା ବୃଦ୍ଧି ଦାବି କରିଥିଲେ। ତେବେ ଏତେ ପରିମାଣରେ ଦର ବଢ଼ାଇବା ସମ୍ଭବ ନୁହେଁ ବୋଲି ସରକାର ଅନୁଭବ କରିଥିଲେ। ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ କ୍ୟାବିନେଟ୍ ବୈଠକରେ ଆଲୋଚନା ପରେ ସର୍ବସମ୍ମତିକ୍ରମେ ୮ ଟଙ୍କା ବୃଦ୍ଧି ନିଷ୍ପତ୍ତି ନିଆଯାଇଛି।
ବର୍ତ୍ତମାନ କର୍ଣ୍ଣାଟକରେ ଚାଷୀମାନେ କ୍ଷୀର ଲିଟର ପିଛା ପ୍ରାୟ ୩୫ ଟଙ୍କା ପାଉଛନ୍ତି। ନୂଆ ନିଷ୍ପତ୍ତି ପରେ ଏହି ରାଶି ୪୨ ଟଙ୍କାକୁ ବୃଦ୍ଧି ପାଇବ। ଏହା ସହ ସରକାରଙ୍କ ପକ୍ଷରୁ ମିଳୁଥିବା ଲିଟର ପିଛା ୫ ଟଙ୍କାର ପ୍ରୋତ୍ସାହନ ରାଶି ମଧ୍ୟ ଜାରି ରହିବ। ଅର୍ଥାତ୍ ପ୍ରୋତ୍ସାହନ ରାଶିକୁ ମିଶାଇ ଚାଷୀମାନେ ଲିଟର ପିଛା ମୋଟ ୪୭ ଟଙ୍କା ପାଇବେ। ଏହି ନିଷ୍ପତ୍ତି ଦ୍ୱାରା ଲକ୍ଷ ଲକ୍ଷ ଚାଷୀ ପରିବାର ଉପକୃତ ହେବେ ବୋଲି ସରକାର ଆଶା ରଖିଛନ୍ତି।
