ପାଞ୍ଚଥରର ବିଜେତା ବ୍ରାଜିଲ୍ ବିଶ୍ବକପ୍ର ପ୍ରି-କ୍ବାର୍ଟରଫାଇନାଲ୍ ସ୍ତରରୁ ବିଦାୟ ନେବାକୁ ନେଇ ସାରା ବିଶ୍ବରେ ଚର୍ଚ୍ଚା ଲାଗି ରହିଛି। ତେବେ ଦଳର ପ୍ରଶିକ୍ଷକ କାର୍ଲୋ ଆନ୍ସେଲୋଟି କହିଛନ୍ତି
ପାଞ୍ଚଥରର ବିଜେତା ବ୍ରାଜିଲ୍ ବିଶ୍ବକପ୍ର ପ୍ରି-କ୍ବାର୍ଟରଫାଇନାଲ୍ ସ୍ତରରୁ ବିଦାୟ ନେବାକୁ ନେଇ ସାରା ବିଶ୍ବରେ ଚର୍ଚ୍ଚା ଲାଗି ରହିଛି। ତେବେ ଦଳର ପ୍ରଶିକ୍ଷକ କାର୍ଲୋ ଆନ୍ସେଲୋଟି କହିଛନ୍ତି ଯେ ଏହି ବିଶ୍ବକପ୍ରୁ ସହଳ ବିଦାୟକୁ ଏକ ଶିକ୍ଷା ଭାବେ ନେବ ଓ ଭବିଷ୍ୟତରେ ଏହି ଅଭିଜ୍ଞତାକୁ କାମରେ ଲଗାଇବ। ଏହି ହତାଶା ସତ୍ତ୍ବେ ଦଳ ନିଜର ପ୍ରଦର୍ଶନରେ ଉନ୍ନତି କରିବାକୁ ଉଦ୍ୟମ କରିଚାଲିବ।
ମ୍ୟାଚ୍ ପରେ ସେ କହିଛନ୍ତି, “ଏଥର ଆମେ ଯାହା କଲୁ ତାହା ଏକ ଅଭିଜ୍ଞତା ହେବ। ଏହା ଏକ ନିରାଶାଜନକ ଫଳାଫଳ ଓ ଏହା ଆମକୁ ଦୁଃଖ ଦେଇଛି। କିନ୍ତୁ ଏହା ଏକ ମହାନ ଦଳ ଓ ସେଥିପାଇଁ ମୋ ଖେଳାଳିମାନଙ୍କୁ ଧନ୍ୟବାଦ ଦେବି। ସେମାନେ କଠିନ ପରିଶ୍ରମ କରିଥିଲେ। ମୁଁ ଭାବୁନି ସେମାନେ ପରାଜୟର ହକ୍ଦାର, କିନ୍ତୁ ଆମକୁ ଏହାକୁ ଗ୍ରହଣ କରିବାକୁ ହେବ’’। ସେ ଆହୁରି ମଧ୍ୟ କହିଛନ୍ତି ଯେ ଏହି ପରାଜୟ ଦଳ ଉପରେ ଏକ ମାନସିକ ଆଘାତ ଦେଇଛି, କିନ୍ତୁ ଦଳକୁ ସକାରାତ୍ମକ ରହିବାକୁ ହେବ।
