ପିଏନବି, କାନାରା ଓ ଭାରତୀୟ ଷ୍ଟେଟ୍ ବ୍ୟାଙ୍କ ହେବ ଗୋଟିଏ ବ୍ୟାଙ୍କ, ସରକାର ଦେଲେ ମଞ୍ଜୁରୀ !

ଏହି ତିନୋଟି ବ୍ୟାଙ୍କ ଦେଶର ସବୁଠାରୁ ବଡ଼ ସରକାରୀ ବ୍ୟାଙ୍କମାନଙ୍କ ମଧ୍ୟରେ ରହିଛି। ବିଶେଷ କରି SBI ହେଉଛି ଭାରତର ସବୁଠାରୁ ବଡ଼ ସରକାରୀ ବ୍ୟାଙ୍କ। ତେବେ, ଏହି ଭାଇରାଲ ଖବରର ସତ୍ୟତା ମଧ୍ୟ ସାମ୍ନାକୁ ଆସିଛି। ତେଣୁ ଏଭଳି ଖବରକୁ ବିଶ୍ୱାସ କରିବା ପୂର୍ବରୁ ଏହାର ପ୍ରକୃତ ସତ୍ୟ ଜାଣିବା ଜରୁରୀ।

ଏବେ ସୋସିଆଲ ମିଡିଆରେ ଏକ ଖବର ଭାଇରାଲ ହେଉଛି, ଯେଉଁଥିରେ କୁହାଯାଉଛି ଯେ ଭାରତର ତିନୋଟି ବଡ଼ ସରକାରୀ ବ୍ୟାଙ୍କର ମିଶ୍ରଣ (Merger) ହେବାକୁ ଯାଉଛି। ଯଦି ଏହି ଖବର ସତ ହୋଇଥାଏ, ତେବେ ଏହି ବ୍ୟାଙ୍କଗୁଡ଼ିକରେ ଖାତା ଥିବା ପ୍ରତ୍ୟେକ ଗ୍ରାହକଙ୍କ ପାଇଁ ଏହା ଏକ ବଡ଼ ଖବର ହେବ।

ଏହି ତାଲିକାରେ କୌଣସି ଛୋଟ ବ୍ୟାଙ୍କ ନୁହେଁ, ବରଂ ପଞ୍ଜାବ ନ୍ୟାସନାଲ ବ୍ୟାଙ୍କ (PNB), ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI) ଏବଂ କାନାରା ବ୍ୟାଙ୍କ ଭଳି ଦେଶର ପ୍ରମୁଖ ବ୍ୟାଙ୍କର ନାମ ରହିଛି।

କେଉଁ କେଉଁ ବ୍ୟାଙ୍କର ନାମ ରହିଛି?

ଭାଇରାଲ ଖବର ଅନୁଯାୟୀ, ଏହି ତିନୋଟି ବ୍ୟାଙ୍କ ହେଲେ—

• ପଞ୍ଜାବ ନ୍ୟାସନାଲ ବ୍ୟାଙ୍କ (PNB)
• ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI)
• କାନାରା ବ୍ୟାଙ୍କ

ଏହି ତିନୋଟି ବ୍ୟାଙ୍କ ଦେଶର ସବୁଠାରୁ ବଡ଼ ସରକାରୀ ବ୍ୟାଙ୍କମାନଙ୍କ ମଧ୍ୟରେ ରହିଛି। ବିଶେଷ କରି SBI ହେଉଛି ଭାରତର ସବୁଠାରୁ ବଡ଼ ସରକାରୀ ବ୍ୟାଙ୍କ। ତେବେ, ଏହି ଭାଇରାଲ ଖବରର ସତ୍ୟତା ମଧ୍ୟ ସାମ୍ନାକୁ ଆସିଛି। ତେଣୁ ଏଭଳି ଖବରକୁ ବିଶ୍ୱାସ କରିବା ପୂର୍ବରୁ ଏହାର ପ୍ରକୃତ ସତ୍ୟ ଜାଣିବା ଜରୁରୀ।

ସତ୍ୟ କ’ଣ?

ଭାଇରାଲ ହେଉଥିବା ଏହି ଖବରର ସତ୍ୟତାକୁ ଭାରତ ସରକାରଙ୍କ ପ୍ରେସ୍ ଇନଫର୍ମେସନ୍ ବ୍ୟୁରୋ (PIB) ସ୍ପଷ୍ଟ କରିଛି। PIB Fact Check ନିଜର ଅଫିସିଆଲ୍ X (ପୂର୍ବତନ ଟ୍ୱିଟର) ଆକାଉଣ୍ଟରେ ପୋଷ୍ଟ କରି ସ୍ପଷ୍ଟ କରିଛି ଯେ SBI, PNB ଓ କାନାରା ବ୍ୟାଙ୍କର ମିଶ୍ରଣକୁ ନେଇ ଭାଇରାଲ ହେଉଥିବା ଖବର ସମ୍ପୂର୍ଣ୍ଣ ଭୁଲ (Fake)। PIB ଏହି ଭାଇରାଲ ପୋଷ୍ଟର ଏକ ସ୍କ୍ରିନଶଟ୍ ସେୟାର କରି ତାହା ଉପରେ ବଡ଼ ଅକ୍ଷରରେ “FAKE” ଲେଖି ସ୍ପଷ୍ଟ କରିଛି ଯେ ଏଭଳି କୌଣସି ମିଶ୍ରଣ ପ୍ରସ୍ତାବ ନାହିଁ। ଅର୍ଥାତ୍, SBI, PNB ଏବଂ କାନାରା ବ୍ୟାଙ୍କ ଏକାଠି ହେଉଛନ୍ତି ବୋଲି ସୋସିଆଲ ମିଡିଆରେ ଭାଇରାଲ ହେଉଥିବା ଖବର ସମ୍ପୂର୍ଣ୍ଣ ମିଥ୍ୟା।

PIB ଖୋଲିଦେଲା ସତ୍ୟ

ଏହି ଭାଇରାଲ ଖବରର ସତ୍ୟତା ସ୍ପଷ୍ଟ କରି ପ୍ରେସ୍ ଇନଫର୍ମେସନ୍ ବ୍ୟୁରୋ (PIB) ନିଜ ପକ୍ଷରୁ ଏକ ଫଟୋ ସହ ପୋଷ୍ଟ କରି କହିଛି,“ସୋସିଆଲ ମିଡିଆରେ ଏକ ଫଟୋ ଭାଇରାଲ ହେଉଛି, ଯେଉଁଥିରେ ଭୁଲ ଦାବି କରାଯାଇଛି ଯେ କେନ୍ଦ୍ର ସରକାର ପଞ୍ଜାବ ନ୍ୟାସନାଲ ବ୍ୟାଙ୍କ (PNB), କାନାରା ବ୍ୟାଙ୍କ ଏବଂ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ (SBI)ର ମିଶ୍ରଣକୁ ଅନୁମୋଦନ କରିଛନ୍ତି। ଏହି ଦାବି ସମ୍ପୂର୍ଣ୍ଣ #FAKE (ମିଥ୍ୟା)।”

ଏହା ହେଉଛି ପ୍ରକୃତ ସତ୍ୟ

PIB ଆହୁରି ସ୍ପଷ୍ଟ କରିଛି, “ଭାରତ ସରକାର PNB, କାନାରା ବ୍ୟାଙ୍କ ଏବଂ SBIର ମିଶ୍ରଣ ସମ୍ପର୍କିତ କୌଣସି ପ୍ରସ୍ତାବକୁ ଅନୁମୋଦନ କରିନାହାନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଚିତ୍ର ସମ୍ପୂର୍ଣ୍ଣ ମନଗଢ଼ା   ଏବଂ ଏହାର କୌଣସି ପ୍ରକୃତ ଖବରକାଗଜ କିମ୍ବା ସରକାରଙ୍କ ଆଧିକାରିକ ସୂଚନା ସହ ସମ୍ପର୍କ ନାହିଁ।”ଅର୍ଥାତ୍, SBI, PNB ଓ କାନାରା ବ୍ୟାଙ୍କର ମିଶ୍ରଣକୁ ନେଇ ସୋସିଆଲ ମିଡିଆରେ ଭାଇରାଲ ହେଉଥିବା ଦାବି ସମ୍ପୂର୍ଣ୍ଣ ଭୁଲ ଏବଂ ଭ୍ରମାତ୍ମକ।