ଜାତି ସଂଘରେ ଦାବି ଦୋହରାଇଲା ଭାରତ, ସୁରକ୍ଷା ପରିଷଦର ସଂସ୍କାର ଜରୁରୀ ବୋଲି ରଖିଲା ମତ

ଯୋଜନା ପଟେଲ ସ୍ଥାୟୀ ଏବଂ ଅସ୍ଥାୟୀ ଉଭୟ ବର୍ଗରେ ସୁରକ୍ଷା ପରିଷଦର ବିସ୍ତାର ଉପରେ ଭାରତର ମତାମତକୁ ଦୋହରାଇଛନ୍ତି। ସୁରକ୍ଷା ପରିଷଦ ସଂସ୍କାର ଉପରେ ଭାରତର ମତାମତ ସର୍ବଜନବିଦିତ। ଆମେ ବିଶ୍ୱ ଦକ୍ଷିଣ ପାଇଁ ଅଧିକ ପ୍ରତିନିଧିତ୍ୱ ସହିତ ଉଭୟ ବର୍ଗରେ ବିସ୍ତାର ଚାହୁଁଛୁ ବୋଲି ସେ କହିଛନ୍ତି।

ଭାରତ ମିଳିତ ଜାତିସଂଘ ସୁରକ୍ଷା ପରିଷଦ (ୟୁଏନଏସସି)ରେ ସଂସ୍କାର ପାଇଁ ପୁଣି ସମର୍ଥନ ଦୋହରାଇଛି। ୟୁଏନଏସସିର କାର୍ୟ୍ୟକାରିତା ଉପରେ ବାର୍ଷିକ ଖୋଲା ବିତର୍କରେ ଭାରତ କହିଛି ଯେ, ସୁରକ୍ଷା ପରିଷଦର ସଂସ୍କାରର ଆବଶ୍ୟକତା ପୂର୍ବ ଅପେକ୍ଷା ସ୍ପଷ୍ଟ ଏବଂ ଅଧିକ ଜରୁରୀ। ଜାତିସଂଘରେ ଭାରତର ସ୍ଥାୟୀ ମିଶନର ଚାର୍ଜ ଡି’ଆଫେୟର୍ସ, ଯୋଜନା ପଟେଲ ଅନୁରୋଧ କରିଛନ୍ତି ଯେ ୟୁଏନଏସସି ଆଜି ଏବଂ ଭବିଷ୍ୟତର ଚ୍ୟାଲେଞ୍ଜର ମୁକାବିଲା ପାଇଁ ଉପଯୁକ୍ତ ଭାବରେ ପ୍ରସ୍ତୁତ ରହୁ।ଭାରତୀୟ ରାଷ୍ଟ୍ରଦୂତ ୧୯୪୫ ମସିହାରେ ପ୍ରତିଷ୍ଠିତ ଜାତିସଂଘ ସୁରକ୍ଷା ପରିଷଦର ଗଠନରେ ପରିବର୍ତ୍ତନର ଆବଶ୍ୟକତା ଉପରେ ଗୁରୁତ୍ୱାରୋପ କରି ଉଲ୍ଲେଖ କରିଛନ୍ତି ଯେ ବିଶ୍ୱ ସମ୍ପୂର୍ଣ୍ଣ ଭାବରେ ପରିବର୍ତ୍ତନ ହୋଇଛି। ସଦସ୍ୟ ରାଷ୍ଟ୍ରର ନାଗରିକମାନେ ସୁରକ୍ଷା ପରିଷଦର ବିଶ୍ୱସନୀୟତା,ପ୍ରଭାବଶାଳୀତା ଏବଂ ନିଷ୍ପତ୍ତି ଗ୍ରହଣ ଉପରେ ପ୍ରଶ୍ନ ଉଠାଇଛନ୍ତି। କାରଣ ଏହି ଗୁରୁତ୍ୱପୂର୍ଣ୍ଣ ସଂସ୍ଥା ବିଶ୍ୱବ୍ୟାପୀ ଦ୍ୱନ୍ଦ୍ୱରେ ପ୍ରଭାବଶାଳୀ ଭାବରେ ହସ୍ତକ୍ଷେପ କରିବାରେ ଅସମର୍ଥ ହୋଇଛି।

୧୯୪୫ ମସିହାର ବିଶ୍ୱ ଏବେ ସମ୍ପୂର୍ଣ୍ଣ ଭିନ୍ନ। ସେବେଠାରୁ ଜାତିସଂଘର ସଦସ୍ୟତା ଚାରିଗୁଣ ବୃଦ୍ଧି ପାଇଛି। ୮୦ ବର୍ଷ ପୂର୍ବର ଏକ ବିବାଦର ଫଳାଫଳ ଏହାର ଗଠନ, କାର୍ୟ୍ୟକାରିତା, ଦୃଷ୍ଟିକୋଣ ଏବଂ କାର୍ୟ୍ୟ ପଦ୍ଧତିକୁ ସବୁଦିନ ପାଇଁ ନିର୍ଣ୍ଣୟ କରିପାରିବ ନାହିଁ। ଏଥିରେ ଶୀଘ୍ର ପରିବର୍ତ୍ତନ ହେବା ଆବଶ୍ୟକ।

ଯୋଜନା ପଟେଲ ସ୍ଥାୟୀ ଏବଂ ଅସ୍ଥାୟୀ ଉଭୟ ବର୍ଗରେ ସୁରକ୍ଷା ପରିଷଦର ବିସ୍ତାର ଉପରେ ଭାରତର ମତାମତକୁ ଦୋହରାଇଛନ୍ତି। ସୁରକ୍ଷା ପରିଷଦ ସଂସ୍କାର ଉପରେ ଭାରତର ମତାମତ ସର୍ବଜନବିଦିତ। ଆମେ ବିଶ୍ୱ ଦକ୍ଷିଣ ପାଇଁ ଅଧିକ ପ୍ରତିନିଧିତ୍ୱ ସହିତ ଉଭୟ ବର୍ଗରେ ବିସ୍ତାର ଚାହୁଁଛୁ ବୋଲି ସେ କହିଛନ୍ତି।

ସେ କହିଛନ୍ତି, ୟୁଏନଏସସିର କାର୍ୟ୍ୟ ପଦ୍ଧତିରେ ସଂସ୍କାରକୁ ପୃଥକ ଭାବରେ ଆଲୋଚନା କରାଯିବା ଉଚିତ୍ ନୁହେଁ। ସଂସ୍କାର ସଦସ୍ୟତା ବର୍ଗ, ଆଞ୍ଚଳିକ ପ୍ରତିନିଧିତ୍ୱ ଏବଂ ଭିଟୋ ଭଳି ଅନ୍ୟାନ୍ୟ ପ୍ରସଙ୍ଗ ସହିତ ଜଡିତ। ସୁରକ୍ଷା ପରିଷଦର ଯେକୌଣସି ସଂସ୍କାରରେ ଏହି ପ୍ରସଙ୍ଗଗୁଡ଼ିକୁ ଏକାଠି ବିଚାର କରିବାକୁ ସେ ଆହ୍ୱାନ କରିଛନ୍ତି।

ସେ ଦୁଇ ବର୍ଷ ପାଇଁ ନିର୍ବାଚିତ ଅସ୍ଥାୟୀ ସଦସ୍ୟଙ୍କୁ ମଧ୍ୟ ଡକ୍ୟୁମେଣ୍ଟ ଦେବାକୁ ଦାବି କରିଥିଲେ। ସେ କହିଥିଲେ ଯେ ଐତିହାସିକ ଡକ୍ୟୁମେଣ୍ଟ ପାଇବା କେବଳ କିଛି ଚୟନିତ ସଦସ୍ୟଙ୍କ ମଧ୍ୟରେ ସୀମିତ ରହିବା ଉଚିତ୍ ନୁହେଁ। ସେ ସୁରକ୍ଷା ପରିଷଦ ପ୍ରକ୍ରିୟାରେ ସ୍ୱଚ୍ଛତା ପାଇଁ ଆହ୍ୱାନ କରି ତାଲିକାଭୁକ୍ତ ଏବଂ ତାଲିକାଭୁକ୍ତରୁ ଦୂରର ଉଦାହରଣ ଦେଇ ସୁରକ୍ଷା ପରିଷଦ ସଂକୀର୍ଣ୍ଣ ରାଜନୈତିକ ସ୍ୱାର୍ଥ ହାସଲ ପାଇଁ ଏକ ମଞ୍ଚ ହେବା ଉଚିତ୍ ନୁହେଁ ବୋଲି କହିଛନ୍ତି।