ମୃତ ବ୍ୟକ୍ତି ଜଣକ ହେଉଛନ୍ତି ଖୋର୍ଦ୍ଧା ଅଞ୍ଚଳର ମାଛ ବେପାରୀ ହାଡୁ ମଲ୍ଲିକ ।ଘଟଣାସ୍ଥଳ ଏବଂ ଏହାର ଆଖପାଖରେ ଥିବା ସିସିଟିଭି ଫୁଟେଜ୍ ଯାଞ୍ଚ କରିବା ପରେ ଏହା ଏକ ସଡ଼କ ଦୁର୍ଘଟଣା ବୋଲି ପୁଲିସ ସ୍ପଷ୍ଟ କରିଛି।
ରାଜଧାନୀର ବରମୁଣ୍ଡା ଅଞ୍ଚଳରୁ ଏକ ବିଭତ୍ସ ମୁଣ୍ଡବିହୀନ ମୃତଦେହ ମିଳିବା ଘଟଣା ,ମିଳିଲା ମୃତକଙ୍କ ପରିଚୟ । ଏକ ଭୟଙ୍କର ସଡ଼କ ଦୁର୍ଘଟଣାରେ ମୃତ୍ୟୁ ହୋଇଥିବା ଜଣାପଡ଼ିଛି । ମୃତ ବ୍ୟକ୍ତି ଜଣକ ହେଉଛନ୍ତି ଖୋର୍ଦ୍ଧା ଅଞ୍ଚଳର ମାଛ ବେପାରୀ ହାଡୁ ମଲ୍ଲିକ ।ଘଟଣାସ୍ଥଳ ଏବଂ ଏହାର ଆଖପାଖରେ ଥିବା ସିସିଟିଭି ଫୁଟେଜ୍ ଯାଞ୍ଚ କରିବା ପରେ ଏହା ଏକ ସଡ଼କ ଦୁର୍ଘଟଣା ବୋଲି ପୁଲିସ ସ୍ପଷ୍ଟ କରିଛି।
ବରମୁଣ୍ଡା ଟାଟା ମୋର୍ଟସ ସାମ୍ନାରେ ଏକ ମୁଣ୍ଡବିହୀନ ମୃତଦେହ ପଡ଼ିଥିବା ଦେଖି ସ୍ଥାନୀୟ ଲୋକେ ଆତଙ୍କିତ ହୋଇପଡ଼ିଥିଲେ ଏବଂ ତୁରନ୍ତ ପୋଲିସକୁ ଖବର ଦେଇଥିଲେ । ହାଡୁ ମଲ୍ଲିକ ରାସ୍ତା ପାର ହେଉଥିବା ସମୟରେ ଏକ ଦ୍ରୁତଗାମୀ କାର୍ ତାଙ୍କୁ ଜୋରଦାର ଧକ୍କା ଦେଇଥିଲା । ଦୁର୍ଘଟଣାଟି ଏତେ ଭୟଙ୍କର ଥିଲା ଯେ, ଗାଡ଼ି ମାଡ଼ରେ ମୃତକଙ୍କ ମୁଣ୍ଡ ଓ ଶରୀରର ଅଧିକାଂଶ ଭାଗ ସମ୍ପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇ ଶରୀରରୁ ଅଲଗା ହୋଇଯାଇଥିଲା ।
