କ୍ରିକେଟ୍ ଓ ଟେଲିଭିଜନ୍ ଦୁନିଆରେ ଏବେ ଚର୍ଚ୍ଚାରେ ରମଣଦୀପ ସିଂହ ଓ ଅଭିନେତ୍ରୀ ଚାର୍ଲି ଚୌହାନଙ୍କ ବିବାହ । ଅଗଷ୍ଟ ୭ ତାରିଖରେ ଗୁରୁଦ୍ୱାରରେ ପାରମ୍ପରିକ ରୀତିନୀତିରେ ଦୁହେଁ ବିବାହ କରିଥିବାବେଳେ, ବିବାହ ପରେ ସେମାନଙ୍କ ହଳଦୀ ରସମର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି ।
କ୍ରିକେଟ୍ ଓ ଟେଲିଭିଜନ୍ ଦୁନିଆରେ ଏବେ ଚର୍ଚ୍ଚାରେ ରମଣଦୀପ ସିଂହ ଓ ଅଭିନେତ୍ରୀ ଚାର୍ଲି ଚୌହାନଙ୍କ ବିବାହ । ଅଗଷ୍ଟ ୭ ତାରିଖରେ ଗୁରୁଦ୍ୱାରରେ ପାରମ୍ପରିକ ରୀତିନୀତିରେ ଦୁହେଁ ବିବାହ କରିଥିବାବେଳେ, ବିବାହ ପରେ ସେମାନଙ୍କ ହଳଦୀ ରସମର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ଭାଇରାଲ୍ ଭିଡିଓରେ ଚାର୍ଲି ହଳଦିଆ ଶାଢ଼ୀ ପିନ୍ଧି ପଞ୍ଜାବୀ ଗୀତରେ ଜବରଦସ୍ତ ଡ୍ୟାନ୍ସ କରୁଥିବା ନଜର ଆସୁଛନ୍ତି । ତାଙ୍କ ଖୁସି, ଉତ୍ସାହ ଓ ଏନର୍ଜି ଏବେ ଫ୍ୟାନ୍ମାନଙ୍କ ମନ ଜିତୁଛି । ପ୍ରଥମେ ଏହି ଭିଡିଓକୁ ଅନେକେ ବିବାହ ପରେ ସସୁରାଳର ଭିଡିଓ ବୋଲି ଭାବିଥିଲେ । କିନ୍ତୁ ପରେ ସ୍ପଷ୍ଟ ହୋଇଛି ଯେ, ଏହା ଚାର୍ଲିଙ୍କ ହଳଦୀ ସମାରୋହର ଭିଡିଓ । ରମଣଦୀପ ସିଂହ IPLରେ ଖେଳିଥିବା କ୍ରିକେଟର୍ ହୋଇଥିବା ବେଳେ ଚାର୍ଲି ଚୌହାନ ଟେଲିଭିଜନ୍ ଦୁନିଆର ଜଣେ ପରିଚିତ ଚେହେରା । ଦୁହେଁ ଦୀର୍ଘ ୮ ବର୍ଷ ଧରି ରିଲେସନ୍ସିପ୍ରେ ଥିଲେ ।
କିନ୍ତୁ ନିଜ ପ୍ରେମ ସମ୍ପର୍କକୁ ଦୀର୍ଘ ସମୟ ଧରି ଗୋପନ ରଖିଥିଲେ । ଏହି କାରଣରୁ ବିବାହ ଫଟୋ ସାମ୍ନାକୁ ଆସିବା ପରେ ଫ୍ୟାନ୍ମାନେ ଆଶ୍ଚର୍ଯ୍ୟ ହୋଇଥିଲେ । ବିବାହ ପରେ ଚାର୍ଲି ନିଜ ସୋସିଆଲ୍ ମିଡିଆରେ ଦୁହେଁଙ୍କ ୮ ବର୍ଷର ସମ୍ପର୍କକୁ ନେଇ ଭାବପ୍ରବଣ ପୋଷ୍ଟ ମଧ୍ୟ କରିଛନ୍ତି । ସେମାନଙ୍କ ସମ୍ପର୍କର ଏହି ଦୀର୍ଘ ଯାତ୍ରା ଏବେ ବିବାହରେ ନୂଆ ଅଧ୍ୟାୟ ଆରମ୍ଭ କରିଛି । ସବୁଠାରୁ ରୋଚକ କଥା ହେଉଛି, ହଳଦୀ ରସମରେ ଚାର୍ଲିଙ୍କ ଏନର୍ଜେଟିକ୍ ଡ୍ୟାନ୍ସ ଏବେ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ । ହଳଦିଆ ଶାଢ଼ୀ, ମୁହଁରେ ଖୁସି ଓ ଗୀତର ତାଳେ ତାଳେ ନୃତ୍ୟ—ନୂଆବୋହୂ ଚାର୍ଲିଙ୍କ ଏହି ଲୁକ୍କୁ ନେଇ ଫ୍ୟାନ୍ମାନେ ମଧ୍ୟ ଖୁସି ଜାହିର କରୁଛନ୍ତି । ଚାର୍ଲିଙ୍କ ବିବାହ ପୂର୍ବରୁ କୁନ୍ୱର ଅମରଙ୍କ ସହ ସମ୍ପର୍କ ଥିବା ମଧ୍ୟ ରିପୋର୍ଟରେ ଉଲ୍ଲେଖ ହୋଇଛି ।
ସେହି ସମ୍ପର୍କ ଶେଷ ହୋଇଥିଲେ ମଧ୍ୟ ଦୁହେଁ ଭଲ ବନ୍ଧୁ ଥିବା କୁହାଯାଇଛି ଏବଂ ଚାର୍ଲିଙ୍କ ବିବାହରେ କୁନ୍ୱର ଅମର ତାଙ୍କୁ ଶୁଭେଚ୍ଛା ଜଣାଇଥିଲେ । ତେବେ ୮ ବର୍ଷର ଏହି ଗୁପ୍ତ ପ୍ରେମ କାହାଣୀ ଏବେ ବିବାହରେ ପରିଣତ ହୋଇଛି । ରମଣଦୀପ ଓ ଚାର୍ଲିଙ୍କ ନୂଆ ଜୀବନ ପାଇଁ ଫ୍ୟାନ୍ମାନଙ୍କ ଶୁଭେଚ୍ଛାର ବନ୍ୟା ବହୁଥିବା ବେଳେ, ହଳଦୀ ରସମର ଏହି ଭିଡିଓ ଏବେ ସେମାନଙ୍କ ଲଭ୍ ଷ୍ଟୋରିର ଆଉ ଏକ ସୁନ୍ଦର ଝଲକ ପାଲଟିଛି ।
