ଏହି ଘଟଣା ଏପରି ସମୟରେ ଘଟିଛି ଯେତେବେଳେ ବଙ୍ଗୋପସାଗର ଉପରେ ଏକ ଡିପ୍ରେସନ୍ ସୃଷ୍ଟି ହୋଇଛି। ଏହା ଯୋଗୁଁ ପାହାଡ଼ରେ ପ୍ରବଳ ତୁଷାରପାତ ଏବଂ ନେପାଳର ପାହାଡ଼ ଏବଂ ସମତଳ ଅଞ୍ଚଳରେ ଲଗାଣ ବର୍ଷା ଜାରି ରହିଛି। ଶୁକ୍ରବାରଠାରୁ ନେପାଳରେ ଖରାପ ପାଗ ପରିସ୍ଥିତି ଜାରି ରହିଛି। ଏହାଯୋଗୁ ବହୁ ସଡ଼କ ପଥରେ ଯାତାୟାତ ବାଧାପ୍ରାପ୍ତ ହୋଇଛି। ସ୍ଥାନୀୟ କର୍ତ୍ତୃପକ୍ଷ ଅନେକ ଅଞ୍ଚଳକୁ ଯାତାୟାତ ବନ୍ଦ ଘୋଷଣା କରିଛନ୍ତି।
ପ୍ରାକୃତିକ ବିପର୍ୟ୍ୟୟ ନେପାଳରେ ପୁଣି ଚାଣ୍ଡବ ରଚିଛି। ପଶ୍ଚିମ ନେପାଳର ତିବ୍ଦତ ସୀମାନ୍ତ ହିମଲୁଙ୍ଗ ହିମାଲର ବେସ୍ କ୍ୟାମ୍ପରେ ହିମସ୍ଖଳନ ଘଟିଛି। ଏହି ଘଟଣାରେ ୧୦ ଜଣ ନିଖୋଜ ହୋଇଛନ୍ତି। ଆୟୋଜକ ମିଙ୍ଗମା ଗ୍ୟାଲଜେ ଶେର୍ପା ନିଶ୍ଚିତ କରିଛନ୍ତି ଯେ, ହିମସ୍ଖଳନ ପରେ ନିଖୋଜ ଲୋକଙ୍କ ମଧ୍ୟରେ ତାଙ୍କର ଦୁଇ ଜଣ ରୋଷେଇ କର୍ମଚାରୀ ମଧ୍ୟ ଅଛନ୍ତି। ରବିବାର ସକାଳେ ହିମସ୍ଖଳନ ଘଟିଥିଲା। ମିଙ୍ଗମା ଗ୍ୟାଲଜେ ଶେର୍ପାଙ୍କ ଅନୁଯାୟୀ, ଗତ ସପ୍ତାହରେ ପାଣିପାଗ ସତର୍କତା ଜାରି ହେବା ପରେ ଅଭିଯାନ ଦଳ ଏବଂ ରଶି ବିଛାଇବା ଦଳ ପର୍ବତ ଢାଲକୁ ସଫା କରିଥିଲେ। କିଛି ଲୋକ ସେଠାରେ ରହିଥିଲେ।ପାର୍ବତ୍ୟାଞ୍ଚଳରେ କିଛି ଦିନ ଧରି ପ୍ରବଳ ତୁଷାରପାତ ହୋଇଥିଲା, ଯାହା ଫଳରେ ପର୍ବତାରୋହୀମାନେ ଆଗକୁ ନଚଢ଼ି ପଛକୁ ହଟିବାକୁ ବାଧ୍ୟ ହୋଇଥିଲେ। ରବିବାର ହିମସ୍ଖଳନରେ ନିଖୋଜ ହୋଇଥିବା ଲୋକମାନେ ବିଭିନ୍ନ ଅଭିଯାନ କମ୍ପାନିର। ମାନାଙ୍ଗ ଜିଲ୍ଲାର ୭,୧୨୬ ମିଟର ଉଚ୍ଚ ହିମଲୁଙ୍ଗ ହିମାଲକୁ ହେଲିକପ୍ଟର ଉଡ଼ାଣ ପାଇଁ ଅତିରିକ୍ତ ଅନୁମତିର ଆବଶ୍ୟକତା ରହିଥାଏ।
ଏହି ଘଟଣା ଏପରି ସମୟରେ ଘଟିଛି ଯେତେବେଳେ ବଙ୍ଗୋପସାଗର ଉପରେ ଏକ ଡିପ୍ରେସନ୍ ସୃଷ୍ଟି ହୋଇଛି। ଏହା ଯୋଗୁଁ ପାହାଡ଼ରେ ପ୍ରବଳ ତୁଷାରପାତ ଏବଂ ନେପାଳର ପାହାଡ଼ ଏବଂ ସମତଳ ଅଞ୍ଚଳରେ ଲଗାଣ ବର୍ଷା ଜାରି ରହିଛି। ଶୁକ୍ରବାରଠାରୁ ନେପାଳରେ ଖରାପ ପାଗ ପରିସ୍ଥିତି ଜାରି ରହିଛି। ଏହାଯୋଗୁ ବହୁ ସଡ଼କ ପଥରେ ଯାତାୟାତ ବାଧାପ୍ରାପ୍ତ ହୋଇଛି। ସ୍ଥାନୀୟ କର୍ତ୍ତୃପକ୍ଷ ଅନେକ ଅଞ୍ଚଳକୁ ଯାତାୟାତ ବନ୍ଦ ଘୋଷଣା କରିଛନ୍ତି।
ପାଗ ପରିସ୍ଥିତି ଖରାପ ହେଉଥିବାରୁ ପର୍ୟ୍ୟଟନ ଅଧିକାରୀମାନେ ଟ୍ରାକର ଏବଂ ପର୍ବତାରୋହୀମାନଙ୍କୁ ସେମାନଙ୍କର କାର୍ୟ୍ୟକଳାପ ବନ୍ଦ କରିବାକୁ ଅନୁରୋଧ କରିଛନ୍ତି। ପର୍ୟ୍ୟଟନ ବିଭାଗ ମଧ୍ୟ ପର୍ୟ୍ୟଟନ କାର୍ୟ୍ୟକଳାପ ବନ୍ଦ କରିବାକୁ ପରାମର୍ଶ ଦେଇ ଏକ ସତର୍କତା ଜାରି କରିଛି।
