ସେ ୧୯୫୨ ସାଧାରଣ ନିର୍ବାଚନ ପରେ ଜବାହରଲାଲ ନେହେରୁଙ୍କ ୪,୩୯୮ ଦିନର କ୍ଷମତାରେ ରହିବାର ରେକର୍ଡକୁ ଅତିକ୍ରମ କରିଛନ୍ତି।ଏହି ରେକର୍ଡ ନେଇ କଂଗ୍ରେସ ଦଳ ବୁଧବାର ତାଙ୍କୁ କଡ଼ା ସମାଲୋଚନା କରିଛି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତର ସର୍ବାଧିକ ଦୀର୍ଘ ସମୟ ଧରି ନିରନ୍ତର ଭାବରେ ନିର୍ବାଚିତ ପ୍ରଧାନମନ୍ତ୍ରୀ ହେବାରେ ରେକର୍ଡ କରିଛନ୍ତି। ସେ ୧୯୫୨ ସାଧାରଣ ନିର୍ବାଚନ ପରେ ଜବାହରଲାଲ ନେହେରୁଙ୍କ ୪,୩୯୮ ଦିନର କ୍ଷମତାରେ ରହିବାର ରେକର୍ଡକୁ ଅତିକ୍ରମ କରିଛନ୍ତି।ଏହି ରେକର୍ଡ ନେଇ କଂଗ୍ରେସ ଦଳ ବୁଧବାର ତାଙ୍କୁ କଡ଼ା ସମାଲୋଚନା କରିଛି।
ବରିଷ୍ଠ କଂଗ୍ରେସ ନେତା ଜୟରାମ ରମେଶ ଏହାକୁ ଆତ୍ମ-ଘୋଷିତ ଏବଂ ସନ୍ଦେହଜନକ ଭାବରେ ଉଦ୍ଭାବିତ ମାଇଲଖୁଣ୍ଟ ବୋଲି ସମାଲୋଚନା କରି ପ୍ରଧାନମନ୍ତ୍ରୀଙ୍କୁ ଭାରତର ପ୍ରଗତି ପାଇଁ ଏକ ମିଲ୍ ଷ୍ଟୋନ୍ ବୋଲି ଅଭିଯୋଗ କରିଛନ୍ତି। ତାଙ୍କ ନେତୃତ୍ୱରେ ଗଣତାନ୍ତ୍ରିକ ପ୍ରତିଷ୍ଠାନଗୁଡ଼ିକ ଚାପରେ ଥିବା ସେ ଅଭିଯୋଗ ଆଣିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଏକ ପୋଷ୍ଟରେ ରମେଶ ମୋଦୀଙ୍କ କାର୍ଯ୍ୟକାଳକୁ ନେହେରୁଙ୍କ କାର୍ଯ୍ୟକାଳ ସହିତ ତୁଳନା କରି କହିଛନ୍ତି, ନେହେରୁ ୧୫ ଅଗଷ୍ଟ ୧୯୪୭ରେ ପ୍ରଧାନମନ୍ତ୍ରୀ ହୋଇଥିଲେ ଏବଂ ତାଙ୍କ ଅନୁସାରେ, ସର୍ଦ୍ଦାର ପଟେଲ, ଡକ୍ଟର ବି.ଆର. ଆମ୍ବେଦକର, ଡକ୍ଟର ରାଜେନ୍ଦ୍ର ପ୍ରସାଦ, ସି. ରାଜଗୋପାଳଚାରୀ ଏବଂ ମୌଲାନା ଅବୁଲ କଲାମ ଆଜାଦଙ୍କ ଭଳି ପ୍ରମୁଖ ନେତାଙ୍କ ସହ ରାଷ୍ଟ୍ର ନିର୍ମାଣର ପ୍ରାରମ୍ଭିକ ବର୍ଷଗୁଡ଼ିକର ନେତୃତ୍ୱ ନେଇଥିଲେ।
ସେ ନେହେରୁଙ୍କ ପ୍ରାରମ୍ଭିକ ନେତୃତ୍ୱ ସମୟରେ ଘଟିଥିବା ବିକାଶର ଉଦାହରଣ ଦେଇ ସେ କହିଛନ୍ତି, ଗଡ଼ଜାତ ରାଜ୍ୟଗୁଡ଼ିକର ଏକୀକରଣ, ସମ୍ବିଧାନର ଚିଠା ଏବଂ ଗ୍ରହଣ, ଜମିଦାରୀ ଉଚ୍ଛେଦ ଭଳି ଭୂମି ସଂସ୍କାର, ଅନୁସୂଚିତ ଜାତି ଏବଂ ଜନଜାତିଙ୍କ ପାଇଁ ସଂରକ୍ଷଣ ପ୍ରଚଳନ, ଏବଂ ପ୍ରମୁଖ ବୈଜ୍ଞାନିକ ଏବଂ ଶିଳ୍ପ ପ୍ରତିଷ୍ଠାନ ପ୍ରତିଷ୍ଠା ଅନ୍ତର୍ଭୁକ୍ତ। ସେ ୧୯୫୧ ରୁ ୧୯୫୨ ମଧ୍ୟରେ ଭୋଟର ତାଲିକା ସୃଷ୍ଟି ଏବଂ ଭାରତର ପ୍ରଥମ ସାଧାରଣ ନିର୍ବାଚନ ପରିଚାଳନା ଉପରେ ମଧ୍ୟ ଗୁରୁତ୍ବାରୋପ କରିଛନ୍ତି। ରମେଶ ଆହୁରି ଅଭିଯୋଗ କରିଛନ୍ତି ଯେ ନିର୍ବାଚନ କମିସନ ଏବଂ ଭୋଟର ପଞ୍ଜିକରଣ ବ୍ୟବସ୍ଥା ସମେତ ଗଣତାନ୍ତ୍ରିକ ପ୍ରତିଷ୍ଠାନଗୁଡ଼ିକ ଏବେ ବିପଦରେ ପଡ଼ିଛି। ଶିକ୍ଷା ଏବଂ ସଂରକ୍ଷଣ ନୀତିରେ ହୋଇଥିବା ବିକାଶକୁ ସମାଲୋଚନା ସେ କରିଛନ୍ତି। ସେ ଏହା ମଧ୍ୟ ଦର୍ଶାଇଛନ୍ତି ଯେ, ନେହେରୁ ୧୯୫୨, ୧୯୫୭ ଏବଂ ୧୯୬୨ ସାଧାରଣ ନିର୍ବାଚନରେ ସ୍ପଷ୍ଟ ବହୁମତ ହାସଲ କରିଥିଲେ, କିନ୍ତୁ ମୋଦୀଙ୍କ ୨୦୨୪ ନିର୍ବାଚନ ଫଳାଫଳ ଭାରତୀୟ ଜନତା ପାର୍ଟିକୁ ସମ୍ପୂର୍ଣ୍ଣ ବହୁମତ ଦେଇ ନଥିଲା।
