କଲମ୍ବିଆର ନୂତନ ରାଷ୍ଟ୍ରପତି, ଆବେଲାର୍ଡୋ ଡେ ଲା ଏସ୍ପ୍ରିଏଲା, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଟେଲିଫୋନରେ ୧୦ ମିନିଟ କଥା ହୋଇଛନ୍ତି। ସେ କଲମ୍ବିଆର ଉତ୍ପାଦଗୁଡ଼ିକ ଉପରେ ନୂତନ ଶୁଳ୍କକୁ ଅସ୍ଥାୟୀ ଭାବରେ ସ୍ଥଗିତ ରଖିବାକୁ ଟ୍ରମ୍ପଙ୍କୁ ଅନୁରୋଧ କରିଛନ୍ତି।
କଲମ୍ବିଆର ନୂତନ ରାଷ୍ଟ୍ରପତି, ଆବେଲାର୍ଡୋ ଡେ ଲା ଏସ୍ପ୍ରିଏଲା, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଟେଲିଫୋନରେ ୧୦ ମିନିଟ କଥା ହୋଇଛନ୍ତି। ସେ କଲମ୍ବିଆର ଉତ୍ପାଦଗୁଡ଼ିକ ଉପରେ ନୂତନ ଶୁଳ୍କକୁ ଅସ୍ଥାୟୀ ଭାବରେ ସ୍ଥଗିତ ରଖିବାକୁ ଟ୍ରମ୍ପଙ୍କୁ ଅନୁରୋଧ କରିଛନ୍ତି। କଲମ୍ବିଆରେ ଭୂମିକମ୍ପ ଘଟି ବହୁ କ୍ଷୟକ୍ଷତି ହୋଇଛି। ଆବେଲାର୍ଡୋ କହିଛନ୍ତି, ସମ୍ପ୍ରତି ଏହି ବର୍ଦ୍ଧିତ ଶୁଳ୍କକୁ ସ୍ଥଗିତ କରିବା ଅତ୍ୟନ୍ତ ଜରୁରୀ । ଜୁଲାଇ ଶେଷରେ ଏହି ଶୁଳ୍କକୁ ୧୦% ରୁ ୧୨.୫% କୁ ବୃଦ୍ଧି କରାଯାଇଥିଲା। ତେବେ କଫି ଏବଂ ତେଲ ଭଳି କେତେକ ଉତ୍ପାଦକୁ ଛାଡ କରାଯାଇଥିଲା ।
୧୦ ଅଗଷ୍ଟ, ୨୦୨୬ରେ ହୋଇଥିବା ୭.୪ ତୀବ୍ରତାଯୁକ୍ତ ଭୂମିକମ୍ପରେ କଲମ୍ବିଆ ଗୁରୁତର ଭାବରେ ପ୍ରଭାବିତ ହୋଇଥିଲା । ପ୍ରାୟ ୩୦୦ ଜଣଙ୍କ ମୃତ୍ୟୁ ହୋଇଥିଲା ଏବଂ ୧୩ ହଜାରରୁ ଅଧିକ ଘର ନଷ୍ଟ ହୋଇଯାଇଥିଲା। ପୂର୍ବରୁ ଦେଶର ଅର୍ଥନୀତି ଦୁର୍ବଳ ରହିଛି । ଏହି ଛାଡ଼ ଦେଶକୁ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ପ୍ରଦାନ କରିବ। ଯୁକ୍ତରାଷ୍ଟ୍ର ହେଉଛି କଲମ୍ବିଆର ସର୍ବବୃହତ ରପ୍ତାନି ବଜାର।
ଆବେଲାର୍ଡୋ ଟ୍ରମ୍ପଙ୍କୁ କହିଛନ୍ତି, ଆମ ସମ୍ମୁଖରେ ଏକ ବଡ଼ ଚ୍ୟାଲେଞ୍ଜ ଅଛି । ମୁଁ ଉତ୍ତରାଧିକାରୀ ଭାବରେ ପାଇଥିବା ଅତ୍ୟନ୍ତ କଷ୍ଟକର ଏବଂ ବିନାଶକାରୀ ଆର୍ଥିକ ପରିସ୍ଥିତି ମଧ୍ୟରେ କଲମ୍ବିଆକୁ ପୁନଃନିର୍ମାଣ କରିବାକୁ ଚେଷ୍ଟା କରୁଛି।
ଆବେଲାର୍ଡୋ ସୋସିଆଲ ମିଡିଆ ଏକ୍ସରେ କହିଛନ୍ତି,ଆଲୋଚନା ଅତ୍ୟନ୍ତ ବନ୍ଧୁତ୍ୱପୂର୍ଣ୍ଣ ଏବଂ ସୌହାର୍ଦ୍ଦପୂର୍ଣ୍ଣ ଥିଲା। ଟ୍ରମ୍ପ ଭୂମିକମ୍ପ ପୀଡିତଙ୍କ ପ୍ରତି ସମବେଦନା ପ୍ରକାଶ କରିଥିଲେ ଏବଂ ସେମାନଙ୍କୁ ସାହାଯ୍ୟର ଆଶ୍ୱାସନା ଦେଇଥିଲେ।
