ସେମାନେ ଲୋକଙ୍କ ମନରେ କାହିଁକି ଦ୍ୱନ୍ଦ୍ୱ ସୃଷ୍ଟି କରିବାକୁ ଚେଷ୍ଟା କରୁଛନ୍ତି। ଆପଣଙ୍କର ଆଧାର କ’ଣ ଥିଲା? ଆପଣ ନିର୍ବାଚନ କମିସନକୁ କାହିଁକି ଆକ୍ରମଣ କଲେ? ରାହୁଲ ଗାନ୍ଧୀ ଗୋଟିଏ ପରେ ଗୋଟିଏ ସଂସ୍ଥା ଉପରେ ଆକ୍ରମଣ କରୁଛନ୍ତି। ଯେତେବେଳେ ସେ ନିର୍ବାଚନ ହାରନ୍ତି, ସେ ପଶ୍ଚିମବଙ୍ଗ, ଆସାମ କିମ୍ବା ଅନ୍ୟ କୌଣସି ସ୍ଥାନରେ ହେଉ, ସେ ତୁରନ୍ତ ଏହି ପ୍ରକାରର ନାଟକ ଆରମ୍ଭ କରିଥାନ୍ତି। ଲୋକମାନେ ତାଙ୍କୁ ଦେଖୁଛନ୍ତି, ଏବଂ ଆପଣ ଦେଖିବେ ଯେ ଜନସାଧାରଣ ତାଙ୍କୁ ଦଣ୍ଡ ଦେଇ ଚାଲିଥିବେ।
ନିର୍ବାଚନ କମିସନଙ୍କର କାର୍ୟ୍ୟକାରିତା ଉପରେ ପ୍ରଶ୍ନ ଉଠିବା ପରେ ଏସଆଇଆର ପ୍ରସଙ୍ଗ ପୁଣି ଥରେ ଦେଶରେ ରାଜନୈତିକ ଝଡ଼ ସୃଷ୍ଟି କରିଛି। ଏହି ସମୟରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି ଯେ, ରାହୁଲ ଗାନ୍ଧୀ ଏବଂ କଂଗ୍ରେସ ଦଳ ଦେଶବାସୀଙ୍କ ନିକଟରେ କ୍ଷମା ମାଗିବାର ସମୟ ଆସିଛି। ସେମାନେ ବାରମ୍ବାର ନିର୍ବାଚନ କମିସନଙ୍କୁ ଟାର୍ଗେଟ କରିଛନ୍ତି ଏବଂ ଅଭିଯୋଗ କରିଛନ୍ତି ଯେ, ମୁଖ୍ୟ ନିର୍ବାଚନ କମିସନର ଏକପାଖିଆ ନିଷ୍ପତ୍ତି ନେଇଛନ୍ତି, କିନ୍ତୁ ଗତକାଲି ସମଗ୍ର କମିସନ ସର୍ବସମ୍ମତିକ୍ରମେ ସ୍ପଷ୍ଟ କରିଛନ୍ତି, ସମସ୍ତ ନିଷ୍ପତ୍ତି ସର୍ବସମ୍ମତିକ୍ରମେ ନିଆଯାଇଥାଏ।କଂଗ୍ରେସ ଏବଂ ରାହୁଲ ଗାନ୍ଧୀଙ୍କୁ ଆକ୍ଷେପ କରି ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି, ସେମାନେ ଲୋକଙ୍କ ମନରେ କାହିଁକି ଦ୍ୱନ୍ଦ୍ୱ ସୃଷ୍ଟି କରିବାକୁ ଚେଷ୍ଟା କରୁଛନ୍ତି। ଆପଣଙ୍କର ଆଧାର କ’ଣ ଥିଲା? ଆପଣ ନିର୍ବାଚନ କମିସନକୁ କାହିଁକି ଆକ୍ରମଣ କଲେ? ରାହୁଲ ଗାନ୍ଧୀ ଗୋଟିଏ ପରେ ଗୋଟିଏ ସଂସ୍ଥା ଉପରେ ଆକ୍ରମଣ କରୁଛନ୍ତି। ଯେତେବେଳେ ସେ ନିର୍ବାଚନ ହାରନ୍ତି, ସେ ପଶ୍ଚିମବଙ୍ଗ, ଆସାମ କିମ୍ବା ଅନ୍ୟ କୌଣସି ସ୍ଥାନରେ ହେଉ, ସେ ତୁରନ୍ତ ଏହି ପ୍ରକାରର ନାଟକ ଆରମ୍ଭ କରିଥାନ୍ତି। ଲୋକମାନେ ତାଙ୍କୁ ଦେଖୁଛନ୍ତି, ଏବଂ ଆପଣ ଦେଖିବେ ଯେ ଜନସାଧାରଣ ତାଙ୍କୁ ଦଣ୍ଡ ଦେଇ ଚାଲିଥିବେ।
ଅନ୍ୟପକ୍ଷରେ, କଂଗ୍ରେସ ସରକାର ଏବଂ ନିର୍ବାଚନ କମିସନଙ୍କ ବିରୋଧରେ ପ୍ରତିବାଦ କରି ରାସ୍ତାକୁ ଓହ୍ଲାଇଛି। କଂଗ୍ରେସ ନେତା ରାହୁଲ ଗାନ୍ଧୀ ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କୁ ଟାର୍ଗେଟ କରିଛନ୍ତି। ସେ ଅଭିଯୋଗ କରିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହ ଜ୍ଞାନେଶ କୁମାରଙ୍କ ଦ୍ବାରା ନିର୍ବାଚନ ଫିକ୍ସିଂ କରାଇଥିଲେ। ବିଜେପି ଏହି ଅଭିଯୋଗଗୁଡ଼ିକୁ ଖଣ୍ଡନ କରିଛି। ବିଜେପି ସଭାପତି ନୀତିନ ନବୀନ କହିଛନ୍ତି ଯେ, ଏସଆଇଆରକୁ ଭ୍ରମିତ କରିବାର ଷଡ଼ଯନ୍ତ୍ରର ପର୍ଦ୍ଦାଫାସ ହୋଇଛି। କଂଗ୍ରେସ ମିଛ କହି ସାମ୍ବିଧାନିକ ପ୍ରତିଷ୍ଠାନଗୁଡ଼ିକୁ ଆକ୍ରମଣ କରୁଛି ବୋଲି ହିମନ୍ତ ଅଭିଯୋଗ ଆଣିଛନ୍ତି।
