ଦେଶର ସର୍ବବୃହତ ବ୍ୟବସାୟ ଲବିଂ ଗୋଷ୍ଠୀ ଆମେରିକା ଚାମ୍ବର ଅଫ୍ କମର୍ସ ମଧ୍ୟ ଫି’କୁ ଚ୍ୟାଲେଞ୍ଜ କରି ତୃତୀୟ ମାମଲା ଦାୟର କରିଛି। ଆମେରିକାର ଏଚ୍-୧ବି ଭିସା କାର୍ୟ୍ୟକ୍ରମ ଅଧୀନରେ କମ୍ପାନିଗୁଡ଼ିକ ପ୍ରଯୁକ୍ତିବିଦ୍ୟା, ଇଞ୍ଜିନିୟରିଂ, ଶିକ୍ଷା ଏବଂ ଗବେଷଣା ଭଳି ବିଶେଷ କ୍ଷେତ୍ରରେ ବିଦେଶୀ କର୍ମଚାରୀଙ୍କୁ ନିଯୁକ୍ତି ଦେଇପାରିବେ। ଆମେରିକା ପ୍ରତିବର୍ଷ ୬୫ ହଜାର ନିୟମିତ ଏଚ୍-୧ବି ଭିସା ଏବଂ ଆଡଭାନ୍ସ ଡିଗ୍ରୀ ଥିବା କର୍ମଚାରୀଙ୍କ ପାଇଁ ୨୦ ହଜାର ଭିସା ପ୍ରଦାନ କରିଥାଏ। ୨୦୨୫ ଆର୍ଥିକ ବର୍ଷରେ ଆମେରିକାର ଏଚ୍-୧ବି ଭିସାଧାରୀଙ୍କ ମଧ୍ୟରୁ ୭୦ ପ୍ରତିଶତରୁ ଅଧିକ ଭାରତୀୟ ଥିଲେ।
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏଚ୍-୧ବି ଭିସା ମାମଲାରେ ଏକ ବଡ଼ ଝଟକା ମିଳିଛି। ଦ୍ୱିତୀୟ ଫେଡେରାଲ୍ ବିଚାରପତି ରାଷ୍ଟ୍ରପତିଙ୍କ ଦ୍ୱାରା ଲାଗୁ କରାଯାଇଥିବା ଏକ ଲକ୍ଷ ଡଲାର ଫିକୁ ଅବରୋଧ କରିଛନ୍ତି। କାଲିଫର୍ନିଆର ଓକଲ୍ୟାଣ୍ଡରେ ଥିବା ଆମେରିକା ଜିଲ୍ଲା ବିଚାରପତି ହେଉଡ୍ ଗିଲିଆମ୍ ରାୟ ଦେଇଛନ୍ତି ଯେ, ଟ୍ରମ୍ପ ଫି ଲାଗୁ କରିବା ପୂର୍ବରୁ ଆମେରିକା ନାଗରିକତା ଏବଂ ପ୍ରବାସନ ସେବା ଏବଂ ଷ୍ଟେଟ୍ ଡିପାର୍ଟମେଣ୍ଟ ଆବଶ୍ୟକୀୟ ନିୟମ-ପ୍ରଣୟନ ପ୍ରକ୍ରିୟା ଅନୁସରଣ କରି ନାହାନ୍ତି। ବିଚାରପତିଙ୍କ ରାୟ ଭାରତୀୟ ବୃତ୍ତିଗତମାନଙ୍କୁ ଆଶ୍ୱସ୍ତି ପ୍ରଦାନ କରିଛି। ବିଚାରପତି ଏହି ପଦକ୍ଷେପକୁ ବିରୋଧ କରି ଏହାକୁ ଅସ୍ଥାୟୀ ଭାବରେ ବନ୍ଦ କରିବାକୁ ଚାହୁଁଥିବା ଶ୍ରମିକ ୟୁନିଅନ, ନିଯୁକ୍ତିଦାତା ଏବଂ ଅଣଲାଭକାରୀ ଗୋଷ୍ଠୀଗୁଡ଼ିକୁ ସମର୍ଥନ କରିଛନ୍ତି।ପୂର୍ବରୁ ଚଳିତ ବର୍ଷ ଜୁନ୍ ମାସରେ ବୋଷ୍ଟନର ଜଣେ ଫେଡେରାଲ୍ ବିଚାରପତିଙ୍କ ଦ୍ୱାରା ଭିସା ଫି’କୁ ଅସ୍ଥାୟୀ ଭାବରେ ଅବରୋଧ କରାଯାଇଥିଲା। ତେବେ ଜୁଲାଇରେ, ବୋଷ୍ଟନ୍ ସ୍ଥିତ ଏକ ଆପିଲ୍ କୋର୍ଟ ସେହି ନିଷ୍ପତ୍ତିକୁ ସ୍ଥଗିତ ରଖିବାକୁ ମନା କରିଦେଇଥିଲେ। ଅଗଷ୍ଟ ମାସରେ, ଗୃହ ସୁରକ୍ଷା ବିଭାଗ ପ୍ରାୟ ୧୦୩ ହଜାର ଡଲାର ଫି’କୁ ସ୍ଥାୟୀ କରିବା ପାଇଁ ପ୍ରସ୍ତାବ ଦେଇଥିଲା।
ଦେଶର ସର୍ବବୃହତ ବ୍ୟବସାୟ ଲବିଂ ଗୋଷ୍ଠୀ ଆମେରିକା ଚାମ୍ବର ଅଫ୍ କମର୍ସ ମଧ୍ୟ ଫି’କୁ ଚ୍ୟାଲେଞ୍ଜ କରି ତୃତୀୟ ମାମଲା ଦାୟର କରିଛି। ଆମେରିକାର ଏଚ୍-୧ବି ଭିସା କାର୍ୟ୍ୟକ୍ରମ ଅଧୀନରେ କମ୍ପାନିଗୁଡ଼ିକ ପ୍ରଯୁକ୍ତିବିଦ୍ୟା, ଇଞ୍ଜିନିୟରିଂ, ଶିକ୍ଷା ଏବଂ ଗବେଷଣା ଭଳି ବିଶେଷ କ୍ଷେତ୍ରରେ ବିଦେଶୀ କର୍ମଚାରୀଙ୍କୁ ନିଯୁକ୍ତି ଦେଇପାରିବେ। ଆମେରିକା ପ୍ରତିବର୍ଷ ୬୫ ହଜାର ନିୟମିତ ଏଚ୍-୧ବି ଭିସା ଏବଂ ଆଡଭାନ୍ସ ଡିଗ୍ରୀ ଥିବା କର୍ମଚାରୀଙ୍କ ପାଇଁ ୨୦ ହଜାର ଭିସା ପ୍ରଦାନ କରିଥାଏ। ୨୦୨୫ ଆର୍ଥିକ ବର୍ଷରେ ଆମେରିକାର ଏଚ୍-୧ବି ଭିସାଧାରୀଙ୍କ ମଧ୍ୟରୁ ୭୦ ପ୍ରତିଶତରୁ ଅଧିକ ଭାରତୀୟ ଥିଲେ।
ଟ୍ରମ୍ପ ପ୍ରଶାସନ ଏହି ଭିସା ପାଇବାକୁ ଅଧିକ ମହଙ୍ଗା ଏବଂ କଷ୍ଟକର କରିବା ସହ କମ୍ପାନିଗୁଡ଼ିକ ଉପରେ ଯାଞ୍ଚ ମଧ୍ୟ ବୃଦ୍ଧି କରିଛି। ବର୍ଦ୍ଧିତ ଫି ଏବଂ କମ୍ପାନିଗୁଡ଼ିକ ଉପରେ ଯାଞ୍ଚର ବୃଦ୍ଧି ସ୍ପଷ୍ଟ ଭାବରେ ଭାରତୀୟମାନଙ୍କୁ ସବୁଠାରୁ ଅଧିକ ପ୍ରଭାବିତ କରିବ। ଯେହେତୁ ଭାରତୀୟମାନେ ଏହି ଭିସାର ସର୍ବାଧିକ ପ୍ରାପ୍ତକର୍ତ୍ତା। ତେଣୁ ସେମାନେ ବିଶେଷ ଭାବରେ ପ୍ରଭାବିତ ହେବାର ଆଶଙ୍କା ରହିଛି। କଠୋର ନିୟମାବଳୀ ଆମେରିକୀୟ କମ୍ପାନିଗୁଡ଼ିକ ପାଇଁ ବିଦେଶୀ କର୍ମଚାରୀଙ୍କୁ ନିଯୁକ୍ତି ଦେବା କଷ୍ଟକର କରିବ।
