ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପୁଣି ଏକ ବଡ଼ ଝଟକା ଲାଗିଛି। ତାଙ୍କର ଅନୁଗତ ତଥା ତୃଣମୂଳର ବରିଷ୍ଠ ନେତା ଏବଂ ପୂର୍ବତନ ମନ୍ତ୍ରୀ ମଦନ ମିତ୍ରା ବିଦ୍ରୋହୀ ଶିବିରରେ ଯୋଗ ଦେଇଛନ୍ତି
ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପୁଣି ଏକ ବଡ଼ ଝଟକା ଲାଗିଛି। ତାଙ୍କର ଅନୁଗତ ତଥା ତୃଣମୂଳର ବରିଷ୍ଠ ନେତା ଏବଂ ପୂର୍ବତନ ମନ୍ତ୍ରୀ ମଦନ ମିତ୍ରା ବିଦ୍ରୋହୀ ଶିବିରରେ ଯୋଗ ଦେଇଛନ୍ତି। କଂଗ୍ରେସରୁ ଅଲଗା ହେବା ସମୟରେ ମମତାଙ୍କ ପାଖରେ ଢାଲ ପରି ଠିଆ ହୋଇଥିବା ବିଶ୍ୱସ୍ତ ନେତା ଭାବରେ ଜଣାଶୁଣା ମଦନ ତୃଣମୂଳ କଂଗ୍ରେସର ସମସ୍ତ ପଦବୀରୁ ଇସ୍ତଫା ଦେଇଛନ୍ତି।ପୌର ନିଯୁକ୍ତି ଦୁର୍ନୀତିର ମନି ଲଣ୍ଡରିଂ ତଦନ୍ତ ସହିତ ଜଡିତ ପଚରାଉଚରା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ ତାଙ୍କ ପତ୍ନୀ ଏବଂ ତାଙ୍କ ଦୁଇ ପୁଅଙ୍କୁ ସମନ କରିବା ପରେ ଏହି ଘଟଣା ଘଟିଛି। କମାରହାଟି ବିଧାନସଭା ମଣ୍ଡଳୀର ବିଧାୟକ ମଦନ ସମସ୍ତ ଦଳୀୟ ପଦବୀରୁ ଇସ୍ତଫା ଦେବା ଘୋଷଣା କରିବା ସମୟରେ ସ୍ପଷ୍ଟ କରିଛନ୍ତି ଯେ, ସେ ପଶ୍ଚିମବଙ୍ଗ ବିଧାନସଭାର ସଦସ୍ୟ ରହିବେ, କିନ୍ତୁ ସେ ଆଉ ନିଜକୁ ତୃଣମୂଳ ବିଧାୟକ ବୋଲି ଭାବୁନାହାନ୍ତି।
