କାବ୍ୟା ମାରାନଙ୍କ ସମ୍ପତ୍ତିକୁ ନେଇ ମଧ୍ୟ ଅନେକ ଚର୍ଚ୍ଚା ହେଉଛି। ବିଭିନ୍ନ ରିପୋର୍ଟ ଅନୁସାରେ, ତାଙ୍କ ବ୍ୟକ୍ତିଗତ ନେଟ୍ୱର୍ଥ ପ୍ରାୟ ୪୦୯ କୋଟି ଟଙ୍କା। ସେ ସନ୍ ଗ୍ରୁପ୍ର ଅଧ୍ୟକ୍ଷ କଲାନିଧି ମାରାନଙ୍କ ଝିଅ।
ଚର୍ଚ୍ଚାରେ IPL ଟିମ୍ ସନରାଇଜର୍ସ ହାଇଦ୍ରାବାଦର ମାଲିକାଣୀ ତଥା ସନ୍ ଗ୍ରୁପ୍ର ଉତ୍ତରାଧିକାରିଣୀ କାବ୍ୟା ମାରାନ । ପ୍ରସିଦ୍ଧ ସଙ୍ଗୀତ ନିର୍ଦ୍ଦେଶକ ଅନିରୁଦ୍ଧ ରବିଚନ୍ଦରଙ୍କ ସହ ତାଙ୍କ ବିବାହ ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଉଭୟ ପରିବାର ବିଭିନ୍ନ ବିଶିଷ୍ଟ ବ୍ୟକ୍ତିଙ୍କୁ ବିବାହ ଓ ରିସେପ୍ସନ୍ର ନିମନ୍ତ୍ରଣ ଦେବା ଆରମ୍ଭ କରିଥିବା ଖବର ଆସିଛି । ତାମିଲନାଡୁର ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନ୍ଙ୍କ ଦ୍ୱାରା ସେୟାର କରାଯାଇଥିବା ଏକ ନିମନ୍ତ୍ରଣପତ୍ରରୁ ନଭେମ୍ବର ୨୧, ୨୦୨୬ରେ ରିସେପ୍ସନ୍ ହେବାର ସୂଚନା ମିଳିଛି। ଏହା ସହ ଗ୍ରୀସ୍ରେ ବିବାହ ହେବା ନେଇ ମଧ୍ୟ ରିପୋର୍ଟ ପ୍ରକାଶ ପାଇଛି ।
କାବ୍ୟାଙ୍କ ଭାବୀ ସ୍ୱାମୀ ଅନିରୁଦ୍ଧ ରବିଚନ୍ଦର ଭାରତୀୟ ସିନେମା ଜଗତର ଜଣେ ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ। ତାଙ୍କ ସଙ୍ଗୀତର ଯାଦୁ ଅନେକ ଚଳଚ୍ଚିତ୍ରକୁ ସଫଳତା ଦେଇଛି। ରିପୋର୍ଟ ଅନୁସାରେ, ଅନିରୁଦ୍ଧ ଗୋଟିଏ ପ୍ରୋଜେକ୍ଟ ପାଇଁ ପ୍ରାୟ ୮ରୁ ୧୦ କୋଟି ଟଙ୍କା ପାରିଶ୍ରମିକ ନିଅନ୍ତି। ତାଙ୍କ ମୋଟ ସମ୍ପତ୍ତି ପ୍ରାୟ ୫୦ କୋଟି ଟଙ୍କା ବୋଲି ଆକଳନ କରାଯାଇଛି।
ସଙ୍ଗୀତ ବ୍ୟତୀତ ବ୍ୟବସାୟ କ୍ଷେତ୍ରରେ ମଧ୍ୟ ଅନିରୁଦ୍ଧଙ୍କ ରୁଚି ରହିଛି। ସେ ଫିଲ୍ଟର କଫି ଷ୍ଟାର୍ଟଅପ୍ VS Mani & Co. ସହ ସହ-ପ୍ରତିଷ୍ଠାତା ଓ ବ୍ରାଣ୍ଡ ଆମ୍ବାସାଡର ଭାବେ ଜଡ଼ିତ ଅଛନ୍ତି। ଏହା ସହ ଟେକିଲା ବ୍ରାଣ୍ଡ Loca Lokaର ସହ-ନିର୍ମାତା ମଧ୍ୟ ଅଟନ୍ତି।
କାବ୍ୟା ମାରାନଙ୍କ ସମ୍ପତ୍ତିକୁ ନେଇ ମଧ୍ୟ ଅନେକ ଚର୍ଚ୍ଚା ହେଉଛି। ବିଭିନ୍ନ ରିପୋର୍ଟ ଅନୁସାରେ, ତାଙ୍କ ବ୍ୟକ୍ତିଗତ ନେଟ୍ୱର୍ଥ ପ୍ରାୟ ୪୦୯ କୋଟି ଟଙ୍କା। ସେ ସନ୍ ଗ୍ରୁପ୍ର ଅଧ୍ୟକ୍ଷ କଲାନିଧି ମାରାନଙ୍କ ଝିଅ। ପ୍ରାୟ ୨୫ ହଜାର କୋଟି ଟଙ୍କାର ସନ୍ ଟିଭି ଗ୍ରୁପ୍ର ଉତ୍ତରାଧିକାରିଣୀ ଭାବେ ତାଙ୍କୁ ଦେଖାଯାଏ। IPL ଦଳ ସନରାଇଜର୍ସ ହାଇଦ୍ରାବାଦର ପରିଚାଳନାରେ ମଧ୍ୟ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଦଳର ମୂଲ୍ୟ ପ୍ରାୟ ୧୮ ହଜାର କୋଟି ଟଙ୍କା ବୋଲି କେତେକ ରିପୋର୍ଟରେ ଆକଳନ କରାଯାଇଛି।
କାବ୍ୟା ମାରାନ କେବଳ ବ୍ୟବସାୟିକ ପରିବାରରୁ ଆସିନାହାନ୍ତି, ତାଙ୍କର ଶିକ୍ଷାଗତ ଯୋଗ୍ୟତା ମଧ୍ୟ ଉଲ୍ଲେଖନୀୟ। ସେ ଚେନ୍ନାଇର ଷ୍ଟେଲା ମାରିସ୍ କଲେଜରୁ ବାଣିଜ୍ୟରେ ସ୍ନାତକ ଡିଗ୍ରୀ ହାସଲ କରିଛନ୍ତି। ପରେ ଆମେରିକାର ନ୍ୟୁୟର୍କ ୟୁନିଭର୍ସିଟି ଅଧୀନ ଲିଓନାର୍ଡ ଏନ୍. ଷ୍ଟର୍ନ ସ୍କୁଲ୍ ଅଫ୍ ବିଜନେସ୍ରୁ MBA କରିଛନ୍ତି।
ବିଳାସପୂର୍ଣ୍ଣ ଜୀବନଶୈଳୀ ପାଇଁ ମଧ୍ୟ କାବ୍ୟା ଚର୍ଚ୍ଚାରେ ରହନ୍ତି। ତାଙ୍କ କାର୍ କଲେକ୍ସନ୍ରେ ରୋଲ୍ସ ରଏସ୍ ଫ୍ୟାଣ୍ଟମ୍ ଭଳି ଦାମୀ କାର୍ ଥିବା କୁହାଯାଏ, ଯାହାର ମୂଲ୍ୟ ପ୍ରାୟ ୧୦ କୋଟି ଟଙ୍କା। ଏହା ବ୍ୟତୀତ ବେଣ୍ଟଲି ବେଣ୍ଟାୟଗା ଓ BMW 760Li ଭଳି ବିଳାସପୂର୍ଣ୍ଣ କାର୍ ମଧ୍ୟ ତାଙ୍କ କଲେକ୍ସନ୍ରେ ରହିଛି ବୋଲି ରିପୋର୍ଟରେ ଉଲ୍ଲେଖ ରହିଛି।
ତେବେ କାବ୍ୟା ଓ ଅନିରୁଦ୍ଧଙ୍କ ବିବାହ ଖବର ସତ୍ୟ ହେଲେ, ଏହା ଚଳଚ୍ଚିତ୍ର ଓ କ୍ରିକେଟ୍ ଜଗତର ଏକ ବଡ଼ ଚର୍ଚ୍ଚିତ ଘଟଣା ହେବ। ତେବେ ବିବାହ ସମ୍ପର୍କିତ ଖବର ଓ ସମ୍ପତ୍ତିର ଆକଳନକୁ ନେଇ ଆଧିକାରିକ ସ୍ପଷ୍ଟୀକରଣ ମିଳିବା ପର୍ଯ୍ୟନ୍ତ ଏହି ତଥ୍ୟଗୁଡ଼ିକୁ ରିପୋର୍ଟ ଆଧାରିତ ସୂଚନା ଭାବେ ଦେଖିବା ଉଚିତ।
