୨୦୨୭ରେ ପାକିସ୍ତାନର ରାଜଧାନୀ ଇସ୍ଲାମାବାଦରେ ଆୟୋଜିତ ହେବ ସାଂଘାଇ କୋଅପରେସନ୍ ଅର୍ଗାନାଇଜେସନ୍ ବା SCO ଶିଖର ସମ୍ମିଳନୀ । ଏହି ବୈଠକରେ ସଦସ୍ୟ ଦେଶର ରାଷ୍ଟ୍ର ଓ ସରକାର ମୁଖ୍ୟମାନେ ଯୋଗଦେବେ । ଏହାକୁ ନେଇ ପାକିସ୍ତାନ ପକ୍ଷରୁ ଭାରତର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ ଦେବାର ସଙ୍କେତ ମିଳିଛି ।
୨୦୨୭ରେ ପାକିସ୍ତାନର ରାଜଧାନୀ ଇସ୍ଲାମାବାଦରେ ଆୟୋଜିତ ହେବ ସାଂଘାଇ କୋଅପରେସନ୍ ଅର୍ଗାନାଇଜେସନ୍ ବା SCO ଶିଖର ସମ୍ମିଳନୀ । ଏହି ବୈଠକରେ ସଦସ୍ୟ ଦେଶର ରାଷ୍ଟ୍ର ଓ ସରକାର ମୁଖ୍ୟମାନେ ଯୋଗଦେବେ । ଏହାକୁ ନେଇ ପାକିସ୍ତାନ ପକ୍ଷରୁ ଭାରତର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ ଦେବାର ସଙ୍କେତ ମିଳିଛି । ଯଦି ଏହି ନିମନ୍ତ୍ରଣ ଆସେ, ତେବେ ଏହା ଭାରତ-ପାକିସ୍ତାନ ସମ୍ପର୍କର ପରିପ୍ରେକ୍ଷିତରେ ଏକ ବଡ଼ କୂଟନୀତିକ ଘଟଣା ହୋଇପାରେ । ଗତ କିଛି ବର୍ଷ ଧରି ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କରେ ତିକ୍ତତା ରହିଆସିଛି ।
ସୀମା ସୁରକ୍ଷା, ଆତଙ୍କବାଦ ଓ ଅନ୍ୟାନ୍ୟ ପ୍ରସଙ୍ଗକୁ ନେଇ ଦୁଇ ଦେଶ ମଧ୍ୟରେ ମତଭେଦ ରହିଛି । ତେବେ SCO ଭଳି ବହୁପକ୍ଷୀୟ ମଞ୍ଚରେ ଉଭୟ ଦେଶ ଏକାଠି ହେବାର ସୁଯୋଗ ରହିଥାଏ । ଏହି ସମ୍ମିଳନୀରେ ଭାରତର ଭୂମିକା ଓ ପ୍ରଧାନମନ୍ତ୍ରୀ ମୋଦୀଙ୍କ ସମ୍ଭାବ୍ୟ ଯୋଗଦାନ ଉପରେ ଏବେ ନଜର ରହିଛି । ପାକିସ୍ତାନ ପକ୍ଷରୁ ଏହି ସଙ୍କେତ ଆସିବା ପରେ ଅନ୍ତର୍ଜାତୀୟ ମହଲରେ ମଧ୍ୟ ଏହାକୁ ନେଇ ଆଲୋଚନା ଆରମ୍ଭ ହୋଇଛି । ତେବେ ଭାରତ ପକ୍ଷରୁ ଏହି ନିମନ୍ତ୍ରଣ ଗ୍ରହଣ କରାଯିବ କି ନାହିଁ, ତାହା ଆଗାମୀ ସମୟରେ ସ୍ପଷ୍ଟ ହେବ ।
