ଇରାନକୁ ନେଇ ଆମେରିକାର ରଣନୀତିରେ ବଡ଼ ପରିବର୍ତ୍ତନ । ଇରାନ ଉପରେ ପୁଣି ଆକ୍ରମଣ ହେବ କି ନାହିଁ, ତାକୁ ନେଇ ବିଶ୍ୱସ୍ତରରେ ଚର୍ଚ୍ଚା ଜୋର ଧରିଛି । ଏହାରି ଭିତରେ ଆମେରିକାର ବିଦେଶ ମନ୍ତ୍ରୀ ମାର୍କୋ ରୁବିଓ ଇରାନ ଓ ହର୍ମୁଜ୍ ପ୍ରଣାଳୀକୁ ନେଇ ବଡ଼ ବୟାନ ଦେଇଛନ୍ତି ।
ଇରାନକୁ ନେଇ ଆମେରିକାର ରଣନୀତିରେ ବଡ଼ ପରିବର୍ତ୍ତନ । ଇରାନ ଉପରେ ପୁଣି ଆକ୍ରମଣ ହେବ କି ନାହିଁ, ତାକୁ ନେଇ ବିଶ୍ୱସ୍ତରରେ ଚର୍ଚ୍ଚା ଜୋର ଧରିଛି । ଏହାରି ଭିତରେ ଆମେରିକାର ବିଦେଶ ମନ୍ତ୍ରୀ ମାର୍କୋ ରୁବିଓ ଇରାନ ଓ ହର୍ମୁଜ୍ ପ୍ରଣାଳୀକୁ ନେଇ ବଡ଼ ବୟାନ ଦେଇଛନ୍ତି । ରୁବିଓଙ୍କ କହିବା ଅନୁସାରେ, ହର୍ମୁଜ୍ ପ୍ରଣାଳୀକୁ ନେଇ ଏବେ ଆମେରିକାର କୌଣସି ନୂଆ ସାମରିକ ଯୋଜନା ନାହିଁ । ତେବେ ଇରାନକୁ ନେଇ ଆମେରିକାର ଚାପ ଜାରି ରହିବ ବୋଲି ସଙ୍କେତ ମିଳିଛି । ହର୍ମୁଜ୍ ପ୍ରଣାଳୀ ବିଶ୍ୱର ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସମୁଦ୍ରପଥ । ଏହି ରାସ୍ତା ଦେଇ ମଧ୍ୟପ୍ରାଚ୍ୟରୁ ବିପୁଳ ପରିମାଣର ଅଶୋଧିତ ତେଲ ଓ ଅନ୍ୟାନ୍ୟ ଜଳାଣି ବିଶ୍ୱ ବଜାରକୁ ପହଞ୍ଚିଥାଏ ।
ତେଣୁ ହର୍ମୁଜ୍ରେ କୌଣସି ପ୍ରକାରର ଅସ୍ଥିରତା ସୃଷ୍ଟି ହେଲେ ବିଶ୍ୱ ତୈଳ ବଜାର ଉପରେ ଏହାର ବଡ଼ ପ୍ରଭାବ ପଡ଼ିପାରେ । ସେପଟେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଇରାନକୁ ନେଇ କଠୋର ଆଭିମୁଖ୍ୟ ରଖିଛନ୍ତି । ଇରାନର ପରମାଣୁ କାର୍ଯ୍ୟକ୍ରମ ଏବଂ ଅଞ୍ଚଳୀୟ ଗତିବିଧିକୁ ନେଇ ଆମେରିକାର ଚିନ୍ତା ଜାରି ରହିଛି । ତେବେ ଏବେ ବଡ଼ ପ୍ରଶ୍ନ—ଆମେରିକା କ’ଣ ଇରାନ ବିରୋଧରେ ପୁଣି ସାମରିକ ପଦକ୍ଷେପ ନେବ, ନା କୂଟନୈତିକ ଓ ଆର୍ଥିକ ଚାପ ଜରିଆରେ ଇରାନକୁ ଘେରିବ? ମାର୍କୋ ରୁବିଓଙ୍କ ବୟାନ ପରେ ଏହି ଚର୍ଚ୍ଚା ଆହୁରି ଜୋର ଧରିଛି ।
