ଆମେରିକୀୟ ସେନାରେ ଜେନେରାଲ ଏବଂ ଆଡମିରାଲଙ୍କ ସଂଖ୍ୟା ୨୦ ପ୍ରତିଶତ ହ୍ରାସ କରାଯିବ: ବିସ୍ତାର ହେବ ରୋବୋଟିକ୍ କ୍ଷମତା

ସେ ସ୍ୱୟଂଶାସିତ ଏବଂ ରୋବୋଟିକ୍ କ୍ଷମତାକୁ ବିସ୍ତାର କରିବା ପାଇଁ ଏକ ନୂତନ ଚାରି-ତାରକା କମାଣ୍ଡ ସୃଷ୍ଟି କରିବା ସମ୍ପର୍କରେ ଘୋଷଣା କରିବା ସହ ଏହାକୁ ଆଧୁନିକ ସାମରିକ ଇତିହାସରେ ସବୁଠାରୁ ଦ୍ରୁତତମ ଶାନ୍ତିକାଳୀନ ପରିବର୍ତ୍ତନ ବୋଲି କହିଛନ୍ତି।

ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍ ବୁଧବାର ନିଶ୍ଚିତ କରିଛନ୍ତି ଯେ ଆମେରିକୀୟ ସେନାରେ ଜେନେରାଲ ଏବଂ ଆଡମିରାଲଙ୍କ ପଦବୀ ୨୦ ପ୍ରତିଶତ ହ୍ରାସ କରାଯିବ। ସେ ଭର୍ଜିନିଆର ମାରିନ୍ କର୍ପସ୍ ବେସ୍ କ୍ୱାଣ୍ଟିକୋରେ ତାଙ୍କର ଷ୍ଟେଟ୍ ଅଫ୍ ଦି ଫୋର୍ସ ସମ୍ବୋଧନ ସମୟରେ ଏହି ଘୋଷଣା କରିଛନ୍ତି। ହେଗସେଥ୍ ସାମରିକ ବାହିନୀକୁ ଜାତିଗତ ତଥା ବର୍ଣ୍ଣବୈଷମ୍ୟ ଭାବନାରୁ ମୁକ୍ତ କରିବା ଏବଂ ଯୁଦ୍ଧ କ୍ଷମତା ବୃଦ୍ଧି କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। ହେଗସେଥ୍ ସମସ୍ତ ସାମରିକ ସେବାକୁ ଗତ ବର୍ଷ ନିର୍ଦ୍ଦେଶ ଦିଆଯାଇଥିବା ୧୦ ପ୍ରତିଶତ ହ୍ରାସକୁ ଦ୍ୱିଗୁଣିତ କରି ମୋଟ ୨୦ ପ୍ରତିଶତ କରିବାକୁ ନିର୍ଦ୍ଦେଶ ଦେଇଛନ୍ତି।ଏହି ହ୍ରାସ ପ୍ରାୟ ୮୦୦ ଫ୍ଲାଗ୍ ଏବଂ ଜେନେରାଲ ଅଫିସର ପଦବୀ ପାଇଁ ପ୍ରଯୁଜ୍ୟ ହେବ ଏବଂ ଏହାକୁ ୧ ଜାନୁଆରି ୨୦୨୭ ସୁଦ୍ଧା ସମାପ୍ତ କରିବାକୁ ପଡିବ। ହେଗସେଥ୍ ଏହାକୁ ଦାୟିତ୍ୱବୋଧ ଏବଂ ଏକ ବହୁ ଦିନର ପଦକ୍ଷେପ ବୋଲି କହିଛନ୍ତି।

ସେ ସ୍ୱୟଂଶାସିତ ଏବଂ ରୋବୋଟିକ୍ କ୍ଷମତାକୁ ବିସ୍ତାର କରିବା ପାଇଁ ଏକ ନୂତନ ଚାରି-ତାରକା କମାଣ୍ଡ ସୃଷ୍ଟି କରିବା ସମ୍ପର୍କରେ ଘୋଷଣା କରିବା ସହ ଏହାକୁ ଆଧୁନିକ ସାମରିକ ଇତିହାସରେ ସବୁଠାରୁ ଦ୍ରୁତତମ ଶାନ୍ତିକାଳୀନ ପରିବର୍ତ୍ତନ ବୋଲି କହିଛନ୍ତି।

ଏହି ନିଷ୍ପତ୍ତି ଟ୍ରମ୍ପ ପ୍ରଶାସନ ଅଧୀନରେ ସାମରିକ ନେତୃତ୍ୱର ଏକ ବ୍ୟାପକ ପରିବର୍ତ୍ତନର ଅଂଶ। ହେଗସେଥ୍ ପୂର୍ବରୁ ଉଚ୍ଚପଦସ୍ଥ ଅଧିକାରୀଙ୍କ ପଦବୀ ହ୍ରାସ କରିବାକୁ ନିର୍ଦ୍ଦେଶ ଦେଇଛନ୍ତି। କିଛି ସାଂସଦ ଏହି ନିଷ୍ପତ୍ତିକୁ ସମାଲୋଚନା କରିଛନ୍ତି ଏବଂ ଚେତାବନୀ ଦେଇଛନ୍ତି ଯେ, ଏହା ଯୋଗୁଁ ସାମରିକ ନେତୃତ୍ୱକୁ ପୁନଃନିର୍ମାଣ କରିବାକୁ ବର୍ଷ ବର୍ଷ ଲାଗିପାରେ।