ହିଜବୁଲ୍ଲା ସହିତ ଅସ୍ତ୍ରବିରତି କିଛି ଘଣ୍ଟା ପୂର୍ବରୁ କାର୍ଯ୍ୟକାରୀ ହୋଇଥିବା ସତ୍ତ୍ୱେ ଏହି ଆକ୍ରମଣରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି । ଲେବାନନର ଜାତୀୟ ସମାଚାର ଏଜେନ୍ସି ରିପୋର୍ଟ କରିଛି ଯେ, ଇସ୍ରାଏଲୀ ଯୁଦ୍ଧ ବିମାନ ଏବଂ ଡ୍ରୋନ୍ଗୁଡ଼ିକ ନାବାଟିହ ଅଞ୍ଚଳରେ ରାତିସାରା ଆକ୍ରମଣ କରିଥିଲେ, ଯାହା ଦ୍ୱାରା ଆବାସିକ କୋଠା ଏବଂ ଘରଗୁଡ଼ିକ ଧ୍ୱଂସ ପାଇଯାଇଛି ।
ଲେବାନନର ସରକାରୀ ଗଣମାଧ୍ୟମ ରିପୋର୍ଟ କରିଛି ଯେ, ଇସ୍ରାଏଲ ଶନିବାର ଦକ୍ଷିଣ ଲେବାନନରେ ବିମାନ ଆକ୍ରମଣ ଏବଂ ଡ୍ରୋନ୍ ଆକ୍ରମଣ କରିଛି । ହିଜବୁଲ୍ଲା ସହିତ ଅସ୍ତ୍ରବିରତି କିଛି ଘଣ୍ଟା ପୂର୍ବରୁ କାର୍ଯ୍ୟକାରୀ ହୋଇଥିବା ସତ୍ତ୍ୱେ ଏହି ଆକ୍ରମଣରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି । ଲେବାନନର ଜାତୀୟ ସମାଚାର ଏଜେନ୍ସି ରିପୋର୍ଟ କରିଛି ଯେ, ଇସ୍ରାଏଲୀ ଯୁଦ୍ଧ ବିମାନ ଏବଂ ଡ୍ରୋନ୍ଗୁଡ଼ିକ ନାବାଟିହ ଅଞ୍ଚଳରେ ରାତିସାରା ଆକ୍ରମଣ କରିଥିଲେ, ଯାହା ଦ୍ୱାରା ଆବାସିକ କୋଠା ଏବଂ ଘରଗୁଡ଼ିକ ଧ୍ୱଂସ ପାଇଯାଇଛି । ସକାଳ ହେବା ପୂର୍ବରୁ ନାବାଟିହ ଏବଂ ଆଖପାଖ ଅଞ୍ଚଳଗୁଡ଼ିକୁ ମଧ୍ୟ ଟାର୍ଗେଟ କରି ତୋପ ମାଡ଼ କରାଯାଇଥିଲା ।
ଇରାନ ସମର୍ଥିତ ହିଜବୁଲ୍ଲା ଗୋଷ୍ଠୀ ଶତ୍ରୁତା ବନ୍ଦ କରିବାକୁ ରାଜି ହେବା ପରେ ଇସ୍ରାଏଲ ପକ୍ଷରୁ ଏହି ଆକ୍ରମଣ କରାଯାଇଛି । ଫଳରେ ଆଞ୍ଚଳରେ ପୁଣି ସଂଘର୍ଷ ହେବାର ଚିନ୍ତା ବଢ଼ିବାରେ ଲାଗିଛି । ଏସ୍ରାଏଲର ଏଭଳି କାର୍ଯ୍ୟ ଅସ୍ତ୍ରବିରତିକୁ ଆରମ୍ଭରୁ ଦୁର୍ବଳ କରିଛି। ଇସ୍ରାଏଲୀ ସାମରିକ ମୁଖପାତ୍ର ବ୍ରିଗେଡିୟର ଜେନେରାଲ ଏଫି ଡିଫ୍ରିନ୍ କହିଛନ୍ତି ଯେ, ଇସ୍ରାଏଲୀ ସେନା ବ୍ୟୁଫୋର୍ଟ କାସଲ୍ ଏବଂ ଅଲି ତାହେର ରିଜ୍ ସମେତ ଅଞ୍ଚଳରେ କାର୍ଯ୍ୟାନୁଷ୍ଠାନ ଜାରି ରଖିଛି ।ହିଜବୁଲ୍ଲା ଅସ୍ତ୍ରବିରତି ବୁଝାମଣା ଉଲ୍ଲଂଘନ କରୁଥିବା ଅଭିଯୋଗ ଇସ୍ରାଏଲ ପକ୍ଷରୁ ଅଣାଯାଇଛି ।
ଏହି ହିଂସା ବ୍ୟାପକ ଆଞ୍ଚଳିକ କୂଟନୀତିକୁ ମଧ୍ୟ ଜଟିଳ କରିଛି। ଲେବାନନରେ ପୁନର୍ବାର ଯୁଦ୍ଧ ଆଞ୍ଚଳିକ ସୁରକ୍ଷା ଏବଂ ହର୍ମୁଜ୍ ପ୍ରଣାଳୀର ଭବିଷ୍ୟତ ସହିତ ଜଡିତ ଆଲୋଚନାକୁ ପଥଭ୍ରଷ୍ଟ କରିପାରେ ବୋଲି ଚିନ୍ତା ପ୍ରକାଶ ପାଇଛି ।
