ଗଣମାଧ୍ୟମ ସଂଗଠନ ବିରୋଧରେ ବଡ କାର୍ଯ୍ୟାନୁଷ୍ଠାନ ଗ୍ରହଣ କଲେ ଟ୍ରମ୍ପ

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗଣମାଧ୍ୟମ ସଂଗଠନ ବିରୋଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏହା ଅନନ୍ତର୍ଗତ ସିଏନଏନ, ଏମଏସନାୱ ଏବଂ ପଲ୍ଟିକୋକୁ ହ୍ୱାଇଟ୍ ହାଉସରେ ପ୍ରବେଶ ମନା କରାଯାଇଛି।

 ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗଣମାଧ୍ୟମ ସଂଗଠନ ବିରୋଧରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଏହା ଅନନ୍ତର୍ଗତ ସିଏନଏନ, ଏମଏସନାୱ ଏବଂ ପଲ୍ଟିକୋକୁ ହ୍ୱାଇଟ୍ ହାଉସରେ ପ୍ରବେଶ ମନା କରାଯାଇଛି। ଏହି ଗଣମାଧ୍ୟମ ସଂଗଠନଗୁଡ଼ିକୁ ତାଙ୍କ ବିଷୟରେ ମିଥ୍ୟା ଏବଂ ମନଗଢ଼ା ଖବର ପ୍ରସାରଣ କରୁଥିବା ନେଇ ସେ ଅଭିଯୋଗ କରିଛନ୍ତି। ଟ୍ରମ୍ପ କହିଛନ୍ତି, ମିଡ଼ିଆ ସଂଗଠନଗୁଡ଼ିକ ଆମେରିକା ରାଷ୍ଟ୍ରପତି,ଟ୍ରମ୍ପ ପ୍ରଶାସନ ତଥା ଆମେରିକା ସମ୍ପର୍କିତ ଖବରରେ ଆଉ କାଳ୍ପନିକ ଏବଂ ମିଛ ପ୍ରସାରଣ କରିପାରିବେ ନାହିଁ।ସେ ଏହା ମଧ୍ୟ ଧମକ ଦେଇଛନ୍ତି ଯେ, ଏପରି ଆହୁରି ଗଣମାଧ୍ୟମ ପ୍ରତିବନ୍ଧକ ଲାଗିପାରେ। ଏହା ରାଷ୍ଟ୍ରପତିଙ୍କ ପ୍ରତିକୂଳ ମନେ ହେଉଥିବା ଗଣମାଧ୍ୟମ କଭରେଜ୍ ପ୍ରତି କ୍ରମାଗତ ଆକ୍ରମଣାତ୍ମକ ମନୋଭାବର ଆଉ ଏକ ଉଦାହରଣ।

ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳରେ ଗଣମାଧ୍ୟମ ସହିତ ହ୍ୱାଇଟ୍ ହାଉସର ମୁକାବିଲା ବୃଦ୍ଧି ପାଇଛି। ତାଙ୍କ ଦ୍ୱିତୀୟ କାର୍ଯ୍ୟକାଳରେ, ଟ୍ରମ୍ପ ଏବଂ ତାଙ୍କ ପ୍ରଶାସନ କଠୋର ଆଭିମୁଖ୍ୟ ଗ୍ରହଣ କରିଛନ୍ତି, କୋର୍ଟ ଏବଂ ନିୟାମକ କାର୍ଯ୍ୟାନୁଷ୍ଠାନ ମାଧ୍ୟମରେ କିଛି ଗଣମାଧ୍ୟମ ସଂସ୍ଥାକୁ ଦଣ୍ଡ ଦେଇଛନ୍ତି। ଟ୍ରମ୍ପ ବ୍ୟକ୍ତିଗତ ସାମ୍ବାଦିକମାନଙ୍କ ଉପରେ ମୁହାଁମୁହିଁ କିମ୍ବା ସାମାଜିକ ଗଣମାଧ୍ୟମ ମାଧ୍ୟମରେ କଡ଼ା ସମାଲୋଚନା ମଧ୍ୟ କରିଛନ୍ତି, କେତେକ ସମୟରେ ଅତ୍ୟନ୍ତ ବ୍ୟକ୍ତିଗତ ମନ୍ତବ୍ୟ ମଧ୍ୟ ଦେଇଛନ୍ତି।  ଆସୋସିଏଟେଡ୍ ପ୍ରେସ୍ (ଏପି) ରିପୋର୍ଟରମାନଙ୍କୁ ଓଭାଲ୍ ଅଫିସ୍, ଏୟାର ଫୋର୍ସ ୱାନ୍ ଏବଂ ଅନ୍ୟାନ୍ୟ କାର୍ଯ୍ୟକ୍ରମରୁ ଦୂରେଇ ରଖିବା ପାଇଁ ରାଷ୍ଟ୍ରପତିଙ୍କ ନିଷ୍ପତ୍ତି ପରେ ଏହି ପଦକ୍ଷେପ ନିଆଯାଇଛି।
ଟ୍ରମ୍ପ ଦି ନ୍ୟୁୟର୍କ ଟାଇମ୍ସ, ଦି ୱାଲ ଷ୍ଟ୍ରିଟ୍ ଜର୍ଣ୍ଣାଲ ଏବଂ ବିବିସି ସମେତ ଅନେକ ବିଭିନ୍ନ ଗଣମାଧ୍ୟମ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ତାଙ୍କ ପ୍ରଶାସନ ଏବିସିର ପ୍ରସାରଣ ଲାଇସେନ୍ସ ନବୀକରଣକୁ ନେଇ ଦୀର୍ଘ ସମୟ ଧରି ଚାଲିଥିବା ବିବାଦରେ ଫସି ରହିଛି।

ଟ୍ରମ୍ପଙ୍କ ଏଭଳି ପଦକ୍ଷେପ ଗଣମାଧ୍ୟମର ଅଭିବ୍ୟକ୍ତିର ସ୍ବାଧୀନତା ନେଇ ସମସ୍ୟା ସୃଷ୍ଟି କରିବାର ଆଶଙ୍କା ଦେଖାଦେଇଛି। ସେ କହିଛନ୍ତି ସିଏନଏନ କେବଳ ମିଥ୍ୟା ଖବର ପ୍ରସାର କରୁଛି। ସେଥିପାଇଁ ସେମାନଙ୍କର ରେଟିଂ ଭଲ ନାହିଁ। ଆମେ ନିଷ୍ପକ୍ଷ ଏବଂ ସଠିକ୍ ରିପୋର୍ଟିଂ ଚାହୁଁଛୁ। ସେହିପରି ଏମଏସ ନାୱ ମିଛ ଖବର ପ୍ରସାର କରୁଛି। ପଲ୍ଟିକୋର ଖବର ମଧ୍ୟ ମିଛ କାହାଣୀ ଭଳି। ଆମ ଦେଶରେ ସଚ୍ଚୋଟ ଖବର ଆବଶ୍ୟକ। ସିଏନଏନ ଏହି ପଦକ୍ଷେପକୁ ନିନ୍ଦା କରି କହିଛି,ଆମର ହ୍ୱାଇଟ୍ ହାଉସ୍ ଟିମ୍ ସବୁବେଳେ ନିଷ୍ପକ୍ଷ ଏବଂ ସଠିକ୍ ରିପୋର୍ଟିଂ ପ୍ରତି ଗୁରୁତ୍ବାରୋପ କରିଥାନ୍ତି।

ଆମେରିକା ସମ୍ବିଧାନ ଅନୁଯାୟୀ, ଆମର ସରକାରୀ ବାଧା କିମ୍ବା ହସ୍ତକ୍ଷେପ ବିନା ରିପୋର୍ଟ କରିବାର ଅଧିକାର ଅଛି। ଯଦି ରାଷ୍ଟ୍ରପତି ଟ୍ରମ୍ପଙ୍କ ଧମକ ଅନୁଯାୟୀ ଏହି ନିଷେଧ କାର୍ଯ୍ୟକାରୀ ହୁଏ, ତେବେ ଏହା ସେହି ମୌଳିକ ଏବଂ ସାମ୍ବିଧାନିକ ଭାବରେ ସୁରକ୍ଷିତ ଅଧିକାର ଉପରେ ଏକ ବେଆଇନ ଆକ୍ରମଣ ହେବ ବୋଲି ସିଏନଏନ ସୋସିଆଲ ମିଡିଆ ଏକ୍ସରେ କହିଛି। ପଲ୍ଟିକୋ କହିଛି, ବର୍ତ୍ତମାନର ହ୍ୱାଇଟ୍ ହାଉସ୍ ଏବଂ ଭବିଷ୍ୟତର ହ୍ୱାଇଟ୍ ହାଉସ୍ ବିଷୟରେ ନିରପେକ୍ଷ ଭାବରେ ରିପୋର୍ଟ କରିବା ଜାରି ରଖିବ। ଆମେ ଆମର ପ୍ରଥମ ସଂଶୋଧନ ଅଧିକାରକୁ ସୀମିତ କରିବାର ଯେକୌଣସି ପ୍ରୟାସକୁ ବିରୋଧ କରିବୁ। ଏମଏସ ନାୱ ନିଷେଧ ବିଷୟରେ କୌଣସି ମତାମତ ଦେଇ ନାହିଁ।

ଏହା ଦ୍ବାରା ରାଷ୍ଟ୍ରପତିଙ୍କ ସହିତ ଯାତ୍ରା କରୁଥିବା ଏବଂ ତାଙ୍କ ପ୍ରତ୍ୟେକ ଗତିବିଧି ଉପରେ ନଜର ରଖୁଥିବା ପାରମ୍ପରିକ ପାଞ୍ଚ-ନେଟୱାର୍କ ଟେଲିଭିଜନ ପୁଲ୍‌କୁ ଭାଙ୍ଗିପାରେ। ଏହି ବ୍ୟବସ୍ଥା ଆମେରିକା ରାଷ୍ଟ୍ରପତିଙ୍କ କାର୍ଯ୍ୟ ଏବଂ ପାରସ୍ପରିକ କ୍ରିୟାର ନିପେକ୍ଷ କଭରେଜ୍ ବିଶ୍ୱକୁ ପ୍ରଦାନ କରିବା ପାଇଁ ଉଦ୍ଦିଷ୍ଟ। ଟ୍ରମ୍ପ ଏହି ନିଷେଧ ବିଷୟରେ କୌଣସି ବିବରଣୀ ଦେଇ ନାହାନ୍ତି। ସୋସିଆଲ ମିଡିଆରେ ପୋଷ୍ଟ ହୋଇଥିବା ଘୋଷଣାରେ, ଟ୍ରମ୍ପ ଏହି ନିଷେଧ କିପରି କାର୍ଯ୍ୟକାରୀ ହେବ ତାହା ବ୍ୟାଖ୍ୟା କରି ନାହାନ୍ତି। ଏକ ସ୍ୱାସ୍ଥ୍ୟସେବା କାର୍ଯ୍ୟକ୍ରମ ସମୟରେ ଟ୍ରମ୍ପ ଓଭାଲ ଅଫିସରେ ସାମ୍ବାଦିକଙ୍କ ସହ କଥାବାର୍ତ୍ତା କରିବାର କାର୍ଯ୍ୟକ୍ରମ ଥିବାରୁ ଏହି ଘୋଷଣା କରାଯାଇଥିଲା।