ୟୁକ୍ରେନର ବିପଦପୂର୍ଣ୍ଣ ଯୁଦ୍ଧ କ୍ଷେତ୍ରରେ ଫସି ରହିଥିବା ଭାରତୀୟ ନାବିକଙ୍କ ଜୀବନ ସଙ୍କଟରେ ରହିଛି। ପ୍ରତି ମୁହୂର୍ତ୍ତରେ ସେମାନଙ୍କୁ ଘାରୁଛି ମୃତ୍ୟୁର ଭୟ। ୟୁକ୍ରେନର ଚୋର୍ନୋମୋର୍ସ୍କ ବନ୍ଦରରେ ଲାଗି ରହିଥିବା ଏକ ମାଲବାହୀ ଜାହାଜରେ ୧୩ ଜଣ ଭାରତୀୟଙ୍କ ସମେତ ମୋଟ ୧୫ ଜଣ କ୍ରୁ ସଦସ୍ୟ ଫସି ରହିଛନ୍ତି।
ୟୁକ୍ରେନର ବିପଦପୂର୍ଣ୍ଣ ଯୁଦ୍ଧ କ୍ଷେତ୍ରରେ ଫସି ରହିଥିବା ଭାରତୀୟ ନାବିକଙ୍କ ଜୀବନ ସଙ୍କଟରେ ରହିଛି। ପ୍ରତି ମୁହୂର୍ତ୍ତରେ ସେମାନଙ୍କୁ ଘାରୁଛି ମୃତ୍ୟୁର ଭୟ। ୟୁକ୍ରେନର ଚୋର୍ନୋମୋର୍ସ୍କ ବନ୍ଦରରେ ଲାଗି ରହିଥିବା ଏକ ମାଲବାହୀ ଜାହାଜରେ ୧୩ ଜଣ ଭାରତୀୟଙ୍କ ସମେତ ମୋଟ ୧୫ ଜଣ କ୍ରୁ ସଦସ୍ୟ ଫସି ରହିଛନ୍ତି। ରୁଷ ଏବଂ ୟୁକ୍ରେନ ମଧ୍ୟରେ ଘମାଘୋଟ ଲଢ଼େଇ ଯୋଗୁଁ ଆକାଶରେ ଲଗାତାର ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ ଜାରି ରହିଛି।
କ୍ରୁ ସଦସ୍ୟମାନେ ମୃତ୍ୟୁର ଛାୟା ତଳେ ବଞ୍ଚିବାକୁ ବାଧ୍ୟ ହେଉଛନ୍ତି। ଫରୱାର୍ଡ ସିମ୍ୟାନ୍ ୟୁନିଅନ୍ ଅଫ୍ ଇଣ୍ଡିଆ ନାବିକଙ୍କ ଅସହାୟତା ଏବଂ ଦୁର୍ଦ୍ଦଶା ବର୍ଣ୍ଣନା କରିଛି ଏବଂ ସେମାନଙ୍କୁ ଯଥାଶୀଘ୍ର ଉଦ୍ଧାର କରିବାକୁ ଭାରତ ସରକାରଙ୍କୁ ନିବେଦନ କରିଛି।ୟୁକ୍ରେନର ଚୋର୍ନୋମୋର୍ସ୍କ ବନ୍ଦରରେ ଲାଗିଥିବା ମାଲବାହୀ ଜାହାଜ ‘ଏମଭି ଆମିର-୧’ ଏକ ଗତିଶୀଳ ମୃତ୍ୟୁ ଫାଶରେ ପରିଣତ ହୋଇଛି। ଫରୱାର୍ଡ ସିମେନ୍ସ ୟୁନିଅନ୍ ଅଫ୍ ଇଣ୍ଡିଆ (ଏଫଏସୟୁଆଇ) ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ଏକ ହୃଦୟବିଦାରକ ପୋଷ୍ଟ ସେୟାର କରିଛି।
ସଂଘ ଏହି ସମସ୍ତ ନିରୀହ ଲୋକଙ୍କୁ ସୁରକ୍ଷିତ ଭାବରେ ସ୍ଥାନାନ୍ତର କରିବା ପାଇଁ ତୁରନ୍ତ ବ୍ୟବସ୍ଥା କରିବାକୁ ଅନୁରୋଧ କରୁଛି। ସଂଘ କହିଛି ଆମର ଭାରତୀୟ ନାବିକମାନଙ୍କୁ ଯୁଦ୍ଧକ୍ଷେତ୍ରରେ ଏକା ଛାଡି ଦିଆଯାଇପାରିବ ନାହିଁ।
