ଇରାନ ହର୍ମୁଜ୍ ପ୍ରଣାଳୀ ଦେଇ ଯାତାୟାତ କରୁଥିବା ଜାହାଜ ପାଇଁ ଖୁବ୍ ଶୀଘ୍ର ନୂତନ ନିୟମ ଲାଗୁ କରିବାର ସଙ୍କେତ ଦେଇଛି । ଇରାନ ଓ ଓମାନ ମିଳିତ ଭାବେ ଏହି ଗୁରୁତ୍ୱପୂର୍ଣ୍ଣ ସାମୁଦ୍ରିକ ମାର୍ଗ ପାଇଁ ଏକ ନୂତନ ପରିଚାଳନା ବ୍ୟବସ୍ଥା ପ୍ରସ୍ତୁତ କରୁଛନ୍ତି।
ଇରାନ ସୂଚିତ କରିଛି ଯେ, ଖୁବ୍ ଶୀଘ୍ର ହର୍ମୁଜ୍ ପ୍ରଣାଳୀ ଦେଇ ଯାତାୟାତ କରୁଥିବା ଜାହାଜଗୁଡ଼ିକ ପାଇଁ ନୂତନ ନିୟମ ଲାଗୁ କରାଯାଇପାରେ। ଚୀନ୍ରେ ବିଶ୍ୱ ଶାନ୍ତି ଫେରମ୍ରେ ଭାଷଣ ଦେଇ ଇରାନୀ ରାଷ୍ଟ୍ରଦୂତ ଅବଦୋଲରେଜା ରହମାନି ଫଜଲି କହିଛନ୍ତି, ଇରାନ ଏବଂ ଓମାନ ମିଳିତ ଭାବରେ ଏହି ଗୁରୁତ୍ୱପୂର୍ଣ୍ଣ ସାମୁଦ୍ରିକ ମାର୍ଗ ପାଇଁ ଏକ ନୂତନ ବ୍ୟବସ୍ଥା ବିକଶିତ କରୁଛନ୍ତି। ଏଥିରେ ସେବା ଶୁଳ୍କ ଆଦାୟ, ଜାହାଜ ଗତିବିଧି ଉପରେ ନଜର ରଖିବା ଏବଂ ସାମୁଦ୍ରିକ ପରିବେଶକୁ ସୁରକ୍ଷା ଦେବା ଅନ୍ତର୍ଭୁକ୍ତ ହେବ।
ଫଜଲି କହିଛନ୍ତି, ଇରାନ ପ ଜାହାଜଗୁଡ଼ିକଠାରୁ ସେବା ଶୁଳ୍କ ଆଦାୟ କରିବ। କିନ୍ତୁ ଏହାକୁ ଟୋଲ୍ ଟ୍ୟାକ୍ସ ଭାବରେ ବିବେଚନା କରାଯିବା ଉଚିତ୍ ନୁହେଁ। ସେ କହିଛନ୍ତି ଯେ, ଏହି ଶୁଳ୍କ ସାମୁଦ୍ରିକ ସେବା ଏବଂ ନିରୀକ୍ଷଣ ବ୍ୟବସ୍ଥାକୁ ଅନ୍ତର୍ଭୁକ୍ତ କରିବ। ସେ ଏହା ମଧ୍ୟ କହିଛନ୍ତି ଯେ, କଷ୍ଟକର ସମୟରେ ଇରାନକୁ ସମର୍ଥନ କରିଥିବା ଦେଶଗୁଡ଼ିକ ଏହି ନୂତନ ବ୍ୟବସ୍ଥା ଅନ୍ତର୍ଗତ ବିଶେଷ ରିହାତି ପାଇପାରିବେ। ତେବେ ସେ ନିର୍ଦ୍ଦିଷ୍ଟ କରିନାହାନ୍ତି ଯେ, କେଉଁ ଦେଶଗୁଡ଼ିକ ଏହି ସୁବିଧା ପାଇବେ। ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ(ଆଇଆରଜିସି)ର ନୌସେନା କହିଛି, ହର୍ମୁଜ୍ ପ୍ରଣାଳୀରେ ସୁରକ୍ଷା ପ୍ରଦାନ ଜାରି ରହିବ।
ଏହି ସମୟରେ, ଆମେରିକୀୟ ଅଧିକାରୀମାନେ କହିଛନ୍ତି ଯେ ଉତ୍ତେଜନା ସତ୍ତ୍ୱେ, ହର୍ମୁଜ୍ ପ୍ରଣାଳୀ ଦେଇ ଦକ୍ଷିଣ ସମୁଦ୍ର ପଥ ଖୋଲା ରହିଛି ଏବଂ ଜାହାଜଗୁଡ଼ିକ ଏହା ଦେଇ ନିରନ୍ତର ଯାତାୟାତ କରୁଛନ୍ତି। ଆମେରିକୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ କିଛି ଦିନ ମଧ୍ୟରେ ପ୍ରାୟ ୫୦ଟି ଜାହାଜ ଏହି ବାଟ ଦେଇ ଯାଇଛି। ଆମେରିକୀୟ ଅଧିକାରୀମାନେ ଏହା ମଧ୍ୟ ଦାବି କରିଛନ୍ତି ଯେ ଅଧିକାଂଶ ଜାହାଜ ସେମାନଙ୍କର ଇଲେକ୍ଟ୍ରୋନିକ୍ ପରିଚୟ ପ୍ରଣାଳୀ (ଏଆଇଏସ) ବନ୍ଦ କରି ଯାତ୍ରା କରୁଛନ୍ତି। ଏହା ସେମାନଙ୍କର ସ୍ଥିତିକୁ ସାଧାରଣ ଟ୍ରାକିଂ ସିଷ୍ଟମରେ କରାଯାଇ ପାରୁନାହିଁ। ଆମେରିକୀୟ ଅଧିକାରୀ ଅଭିଯୋଗ କରିଛନ୍ତି ଯେ, ଇରାନୀ ସୁରକ୍ଷା ବାହିନୀ ଭିଏଚଏଫ ରେଡିଓ ମାଧ୍ୟମରେ ଜାହାଜଗୁଡ଼ିକୁ ଯୋଗାଯୋଗ କରି ଭୟଭୀତ କରିବାକୁ ତଥା ଚାପ ପକାଇବାକୁ ଚେଷ୍ଟା କରୁଛନ୍ତି। ଏହି ଦାବି ସତ୍ତ୍ୱେ ଜାହାଜଗୁଡ଼ିକ ଚଳାଚଳ ଜାରି ରଖିଛନ୍ତି ଏବଂ ସାମୁଦ୍ରିକ ଯାତାୟାତ ପ୍ରାୟତଃ ପ୍ରଭାବିତ ହୋଇନାହିଁ।
